សារព័ត៌មានថៃ ចុះផ្សាយវាយប្រហារ ផែថងថាន គ្នាឯង បង្ហាញថា ប្រទេសនេះកំពុងវ៉ល់ខ្លាំង

នាយករដ្ឋមន្ត្រីព្យូរតំណែងថៃ ផែថងថាន ស៊ីណាវ៉ាត្រ បានចុះទៅសួរសុខទុក្ខជនភៀសខ្លួននៅឯមណ្ឌលក្នុងខេត្ត សុរិន្ទ ប៉ុន្តែបែរជាត្រូវរងការរិះគន់យ៉ាងអាម៉ាស់ ហើយរឿងនេះត្រូវបានកាសែត Bangkok Post យកមកចុះផ្សាយវាយប្រហារថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងខ្លឹមសារអត្ថបទហាក់មានគោលបំណងវាយប្រហារនោះ ជនភៀសខ្លួនដោយសារជម្លោះព្រំដែន បានរិះគន់រដ្ឋាភិបាលថៃថា ធ្វើការយឺតយ៉ាវ ដល់ថ្នាក់មានជនភៀសខ្លួនម្នាក់ហ៊ានប្រឈមមុខនឹងលោកស្រីផែថងថាន ដោយស្តីបន្ទោសចំៗថា ធ្វើការយឺតយ៉ាវណាស់ ម្តេចក៏រដ្ឋាភិបាលព្រងើយកន្តើយម្ល៉េះ?

ជនភៀសខ្លួនឈ្មោះ Chayanuch Choksukudom បានប្រាប់អ្នកសារព័ត៌មានថា៖ «ខ្ញុំខកចិត្តយ៉ាងខ្លាំងចំពោះ ការព្រងើយកន្តើយមិនខ្វល់ខ្វាយរបស់នាយករដ្ឋមន្ត្រី។ ខ្ញុំ​មាន​អារម្មណ៍​ឈឺចាប់​ចំពោះ​សម្ដី​របស់​អ៊ុងអ៊ីង។ ការដោះស្រាយរបស់រដ្ឋាភិបាលចំពោះស្ថានភាពព្រំដែន យឺតយ៉ាវខ្លាំងណាស់។ ឥឡូវនេះ ប្រទេសទាំងមូលកំពុងឈឺចាប់។ សូមអ៊ុងអ៊ីង គិតឡើងវិញនូវវិធីសាស្រ្តរបស់នាង»។

រឿងនេះត្រូវបានសារព័ត៌មាន Bangkok Post យកមកចុះផ្សាយ ធ្វើឲ្យពិភពលោកមើលឃើញច្បាស់អំពីភាពអសមត្ថភាពរបស់រដ្ឋាភិបាលថៃ និងជាការវាយប្រហារលើលោកស្រី ផែថងថាន ដែលមិនខ្វាយខ្វល់នឹងទុក្ខលំបាករបស់ប្រជាជន។

ម្យ៉ាងនេះបង្ហាញពីការបែកបាក់ផ្ទៃក្នុងរវាងរដ្ឋាភិបាលនិងបណ្តាញសារព័ត៌មានថៃ ធ្វើឲ្យពិភពលោកមើលឃើញយ៉ាងច្បាស់ ពីភាពច្របូលច្របល់ដែលកំពុងវ៉ល់ពេញប្រទេសនេះ៕

អត្ថបទ៖ សុខ សុវណ្ណ

ចុចអាន៖ តើគណៈប្រតិភូថៃ ទៅ ចរចាជាមួយកម្ពុជានៅម៉ាឡេស៊ី មាននរណាខ្លះ?