ព័ត៌មានអន្ដរជាតិ

ក្មេងចិត្តខ្លាំងជនជាតិចិន វាយកម្ទេចកញ្ចក់ Labubu ចុងក្រោយឪពុកម្ដាយសងគេវ័ណ្ត ក

បានផុស

១១ ខែ មុន

នៅ

ថ្ងៃចន្ទ ១១ សីហា ២០២៥

ដោយ

ក្មេងប្រុសជនជាតិចិនម្នាក់ តូចចិត្តនឹងការបដិសេធរបស់ក្មេងលេង Labubu ដែលឪពុកម្ដាយមិនទិញឲ្យ ស្រាប់តែខឹងឡើងមកហើយវាយកម្ទេចកញ្ចក់ និងកម្ទេចចង្កៀងគ្រីស្តាល់ បណ្តាលឲ្យខូចខាតអស់ជាង ៤០០,០០០យ័ន (៥៦,០០០ដុល្លារ)។ ក្រោយមក ឪពុកម្តាយរបស់កុមារបានផ្តល់សំណងត្រឹមតែ ២០,០០០យ័ន (២,៨០០ដុល្លារអាមេរិក) ដោយសារតែពួកគេពុំមានលុយគ្របគ្រាន់សម្រាប់សង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧប្បត្តិហេតុនេះបានទាក់ទាញការចាប់អារម្មណ៍ជាសាធារណៈ បន្ទាប់ពីបុរសមានឥទ្ធិពលម្នាក់ដែលត្រូវបានគេស្គាល់តាមអ៊ិនធរណេតថា Little Azheng ឬ Tail Brother បានប្រាប់នៅលើប្រព័ន្ធផ្សព្វផ្សាយសង្គមអំពីរបៀបដែលសាច់ញាតិបានទៅលេងផ្ទះរបស់គាត់ជាមួយក្មេងប្រុសវ័យក្មេង។

ក្នុងអំឡុងពេលទៅលេង ក្មេងប្រុសនេះបានកត់សម្គាល់ឃើញតុក្កតា Labubu របស់អ្នកមានឥទ្ធិពលដែលតុបតែងដោយគ្រឿងអលង្ការថ្លៃៗ ហើយបានទារឪពុកម្ដាយឲ្យទិញតុក្កតានោះឲ្យរូបគេ។ ពេលសំណើរបស់ក្មេងត្រូវបានបដិសេធ ក្មេងប្រុសនោះបានបញ្ចេញសកម្មភាពរញ៉េរញ៉ៃយ៉ាងខ្លាំង ហើយចាប់ផ្ដើមយំ ហើយបង្កឲ្យមានភាពចលាចលពាសពេញហាង។

ដោយសារមានកំហឹងខ្លាំង គាត់បានចាប់ឧបករណ៍បញ្ជាពីចម្ងាយ ហើយបោះវាទៅលើអាកាស ធ្វើឲ្យខូចពិដានកញ្ចក់នៃបន្ទប់ទទួលភ្ញៀវ ដែលមានតម្លៃ ១០០,០០០ យន់ (១៤,០០០ ដុល្លារអាមេរិក)។ ក្មេងដដែលនោះក៏បានបំផ្លាញចង្កៀងគ្រីស្តាល់អ៊ីតាលីដ៏មានតម្លៃមួយ ដែលត្រូវបានគេប៉ាន់ស្មានថាមានតម្លៃ ៣០០,០០០ យន់ (៤២,០០០ ដុល្លារ)។

រូបថតដែលចែករំលែកដោយអ្នកមានឥទ្ធិពល បង្ហាញពីបំណែកនៃកញ្ចក់ដែលរាយប៉ាយពាសពេញឥដ្ឋ ហើយចង្កៀងដែលបែកខ្ទេចខ្ទីដេកនៅលើដី។ អ្នកមានឥទ្ធិពលរូបនេះបាននិយាយថា ការងារជួសជុលពិដានតែឯងតម្រូវឲ្យរុះរើ និងជំនួសបន្ទះកញ្ចក់ដែលនៅសេសសល់ទាំងអស់។

អ្វីដែលជារឿងដ៏គួរឲ្យភ្ញាក់ផ្អើលបំផុតនោះគឺថា ទោះជាមានការខូចខាតយ៉ាងច្រើនក៏ដោយ ក៏ក្មេងប្រុសនោះមិនមានវិប្បដិសារីដែរ។ ក្នុងពេលទន្ទឹមគ្នានោះដែរ ឪពុកម្តាយរបស់ក្មេងបានធ្វើការអន្តរាគមន៍ ដោយអង្វរអ្នកមានឥទ្ធិពលកុំឲ្យពាក់ព័ន្ធនឹងកុមារ ឬផ្សព្វផ្សាយជាសាធារណៈអំពីហេតុការណ៍នេះ ដោយខ្លាចថាវាអាច ប៉ះពាល់ដល់អារម្មណ៍របស់ក្មេងប្រុស ។ ប៉ុន្តែក្រុមគ្រួសាររបស់ក្មេងបាននិយាយថា ពួកគេមិនមានលទ្ធភាពបង់ថ្លៃការខូចខាតនោះទេ តែនឹងយល់ព្រមបង់រំលោះ បើទោះបីជាពួកគេត្រូវ លក់អ្វីគ្រប់យ៉ាងដើម្បីធ្វើវាក៏ដោយ៕