រុស្សី នឹងសាកល្បងវ៉ាក់សាំងមហារីកផលិតដោយ AI និងប្រើឥតគិតថ្លៃដំបូងគេបង្អស់របស់ពិភពលោក

ប្រទេសរុស្សីនឹងចាប់ផ្តើមសាកល្បងចាក់វ៉ាក់សាំងការពារជំងឺមហារីកដែលបង្កើតដោយបញ្ញាសិប្បនិម្មិត (AI) លើមនុស្សនិងប្រើដោយឥតគិតថ្លៃដំបូងបង្អស់របស់ពិភពលោកក្នុងពេលឆាប់ៗនេះ។ នេះបើយោងតាមការចេញផ្សាយរបស់ Hubsreamdaily កាលពីថ្ងៃទី១៨ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងនេះត្រូវបានបង្កើតឡើងដោយមជ្ឈមណ្ឌល Gamaleya ដែលជាស្ថាប័នស្រាវជ្រាវឈានមុខគេរបស់ពិភពលោក ប្រើបច្ចេកវិទ្យា mRNA (ការបំប្លែងហ្សែន) និងត្រូវបានរចនាឡើងដើម្បីផ្គូផ្គងហ្សែនដុំសាច់របស់អ្នកជំងឺម្នាក់ៗ ខណៈការ​ធ្វើ​តេ​ស្ត​ដំបូង​បាន​បង្ហាញ​ពី​លទ្ធផល​ល្អ​។

ការព្យាបាលនឹងត្រូវបានផ្តល់ជូនដោយឥតគិតថ្លៃ ដោយចាប់ផ្តើមពីអ្នកជំងឺមហារីកស្បែកនិងក្រោយមកសម្រាប់អ្នកជំងឺមហារីកផ្សេងទៀត។ អ្នកវិទ្យាសាស្ត្រនិយាយថា វ៉ាក់សាំងដែលរចនាដោយ AI អាចជួយឱ្យប្រព័ន្ធភាពស៊ាំទទួលស្គាល់ និងបំផ្លាញកោសិកាមហារីកបានកាន់តែត្រឹមត្រូវជាងមុន ដោយផ្តល់ក្តីសង្ឃឹមសម្រាប់ការព្យាបាលប្រកបដោយសុវត្ថិភាព និងប្រសិទ្ធភាពជាងមុន។

គួរបញ្ជាក់ថាប្រសិនបើជោគជ័យ របកគំហើញនេះអាចផ្លាស់ប្តូរការព្យាបាលជំងឺមហារីកទូទាំងពិភពលោក ទទួលបានការព្យាបាលគុណភាពខ្ពស់និងកាន់តែមានតម្លៃសមរម្យ៕

អត្ថបទ៖ ប៊ុន សុភាព