ថ្នាំញៀនជាង២លានគ្រាប់ ត្រូវរឹបអូសក្នុងខេត្ត Phrae ប្រទេសថៃ

ប៉ូលិសនៅក្នុងស្រុក Huai Rai ខេត្ត Phrae ប្រទេសថៃបានស្ទាក់ចាប់ក្រុមអ្នកជួញដូរគ្រឿងញៀនក្នុងប្រតិបត្តិការចំនួនពីរ ដោយរឹបអូសបានថ្នាំមេតំហ្វេតាមីនជាង ២,១ លានគ្រាប់ឯណោះ ខណៈការជួញដូរគ្រឿងញៀនក្នុងប្រទេសនេះកាន់តែកើនឡើងគួរឲ្យកត់សម្គាល់។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី២១ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយប៉ូលិសថៃ​ដេញ​តាម​ចាប់​រថយន្ត​ដែល​បើក​គេច​ពី​ប៉ុស្តិ៍​ត្រួតពិនិត្យ​មួយ​ក្រោយ​មក​រក​ឃើញ​ថា​នៅក្នុងរថយន្កមានផ្ទុកទៅដោយ​​ថ្នាំ​ញៀន ២ លាន​គ្រាប់​នៅ​ក្នុង និង​ក្បែរ​នោះ។ ជនសង្ស័យ​ម្នាក់​ដែលបើក​រថយន្ត​​ត្រូវម៉ូលិសឃាត់ខ្លួន ចំណែក​ម្នាក់​ទៀត​រត់គេច​ខ្លួន​ចូល​ព្រៃបាត់។

ពីរថ្ងៃមុនការរឹបអូសបានថ្នាំញៀនដ៏ច្រើនមហាសាលនេះ គឺនៅថ្ងៃទី ១៩ ខែសីហា ប៉ូលិសក៏បានចាប់ខ្លួនជនសង្ស័យពីរនាក់នៅ Mae Sai ព្រំដែនជាមួយមីយ៉ាន់ម៉ាជាមួយនឹងថ្នាំញៀន ១០ ម៉ឺនគ្រាប់ដែលលាក់នៅក្នុងរថយន្តពួកគេ។ ពេលនេះសមត្ថកិច្ចថៃបានចាប់ខ្លួនមនុស្ស៣នាក់ ពាក់ព័ន្ធករណីទាំងពីរនេះ ហើយកំពុងពង្រីកការស៊ើបអង្កេត។

គួរបញ្ជាក់ថាស្ទើតែរាល់ថ្ងៃហើយដែលឃើញព័ត៌មានក្នុងប្រទេសថៃបានផ្សាយពីការចាប់បានឬរឹបអូសបានគ្រឿងញៀនយ៉ាងច្រើន សន្ធឹកសន្ធាប់និងចាប់បានក្រុមជួញដូរជារើយៗតាមបណ្ដាខេត្តផ្សេងៗគ្នា ដោយគ្រឿងញៀនខ្លះធ្វើការវេចខ្ចប់បន្លំជាគ្រឿងទេសផ្សេងៗ ខណៈគ្រឿងញៀនខ្លះរត់ពន្ធឆ្លងកាត់ប្រទេសថៃដើម្បីនាំទៅប្រទេសទីបី៕

អត្ថបទ៖ ប៊ុន សុភាព