តើមានមនុស្សប៉ុន្មាននាក់កំពុងជាប់ពន្ធនាគារក្នុងប្រទេសថៃ ពីបទប្រមាថស្តេច?

កាលពីថ្ងៃសុក្រទី២២ខែសីហាឆ្នាំ២០២៥ តុលាការថៃ បានចេញសាលក្រមថា លោក ថាក់ស៊ីន ស៊ីណាវ៉ាត្រ មិនមានទោសពីបទប្រមាថព្រះមហាក្សត្រទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុផលដែលតុលាការមិនចោទប្រកាន់លោកថាក់ស៊ីន ព្រោះថា តុលាការមិនបានរកឃើញថា បទសម្ភាសដែលអតីតនាយករដ្ឋមន្ត្រីថៃរូបនេះផ្តល់ឲ្យប្រព័ន្ធផ្សព្វផ្សាយកូរ៉េខាងត្បូង កាលពីឆ្នាំ២០១៥ គឺជាការសំដៅទៅព្រះមហាក្សត្រ Bhumibol Adulyadej (រាមាទី៩) ដោយចំៗឬប្រើប្រាស់ពាក្យរាជានិយមណាមួយនោះទេ ប៉ុន្តែផ្ទុយទៅវិញ បទសម្ភាសនោះគឺសំដៅទៅលើបុរសទីបីដូចជាគាត់, ទីប្រឹក្សា, ទាហាន និងមនុស្សនៅក្នុងរង្វង់ព្រះបរមរាជវាំងជាដើម។

ម្យ៉ាងក្នុងអំឡុងពេលពិនិត្យមើលសេចក្តីថ្លែងការណ៍ តុលាការរកឃើញថា វីដេអូឃ្លីបនេះមិនបានបង្ហាញថា លោក ថាក់ស៊ីន វាយប្រហារឬរិះគន់ព្រះមហាក្សត្រឡើយ ហើយមតិមហាជនទូទៅក៏មិនបានបកស្រាយបែបនោះដែរ។

យោងតាមក្រុមមេធាវីថៃដើម្បីសិទ្ធិមនុស្ស គិតត្រឹមដើមខែសីហា ឆ្នាំ ២០២៥ មានមនុស្សប្រមាណ ២៧០នាក់ត្រូវបានចោទប្រកាន់និងផ្តន្ទាទោសក្រោមមាត្រា១១២ ចាប់តាំងពីបាតុកម្មបានផ្ទុះឡើងនៅឆ្នាំ២០២០។

ក្នុងចំណោមអ្នកទាំងនោះ មានប្រហែល២០នាក់កំពុងជាប់ពន្ធនាគារ ហើយអ្នកផ្សេងទៀតត្រូវដោះលែងបណ្តោះអាសន្នឬកំពុងស្ថិតក្នុងដំណាក់កាលជំនុំជម្រះនៅឡើយ៕

អត្ថបទ៖ សុខ សុវណ្ណ

ចុចអាន៖ នាយករដ្ឋមន្ត្រីស្តីទីថៃ ប្រញាប់ចេញមុខបដិសេធថា រឿងថាក់ស៊ីន រួចទោស មិនពាក់ព័ន្ធរដ្ឋាភិបាលទេ