បង់ក្លាដែស បង្ហាញផែនការបញ្ជូនជនជាតិរ៉ូហ៊ីងយ៉ាទៅមីយ៉ាន់ម៉ាវិញ

យោងតាមការចេញផ្សាយរបស់ទីភ្នាក់ងារព័ត៌មាន Anadolu មេដឹកនាំបណ្ដោះអាសន្នរបស់ប្រទេសបង់ក្លាដែស លោក Muhammad Yunus កាលពីថ្ងៃចន្ទបានប្រកាសពីសំណើចំនួនប្រាំពីរចំណុច ដែលមានបំណងបញ្ចប់អំពើហិង្សាក្នុងប្រទេសមីយ៉ាន់ម៉ា និងធានាការវិលត្រឡប់ប្រកបដោយសុវត្ថិភាពនៃជនភៀសខ្លួនរ៉ូហ៊ីងយ៉ា ១.៣ លាននាក់ដែលបច្ចុប្បន្នកំពុងជ្រកនៅទីក្រុង Cox’s Bazar ប្រទេសបង់ក្លាដែស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទអន្តរជាតិលោក Yunus សំណើប្រាំពីរចំណុចរួមមានការវិលត្រឡប់ជនជាតិរ៉ូហ៊ីងយ៉ាប្រកបដោយនិរន្តរភាព ការផ្តល់មូលនិធិគ្រប់គ្រាន់។ ផែនការរបស់គាត់អំពាវនាវឱ្យបញ្ចប់ការវាយប្រហារដោយយោធាមីយ៉ាន់ម៉ា និងកងទ័ព Arakan ការចូលរួមកាន់តែខ្លាំងពីអាស៊ាន និងការអនុវត្តវិធានការតុលាការយុត្តិធម៌អន្តរជាតិដើម្បីបញ្ឈប់អំពើប្រល័យពូជសាសន៍ និងឧក្រិដ្ឋកម្មប្រឆាំងមនុស្សជាតិ។

ក្នុងការប្រារព្ធខួបលើកទីប្រាំបីនៃការជម្លៀសជនជាតិរ៉ូហ៊ីងយ៉ា លោក Yunus បានព្រមានថា វានឹងក្លាយជា «កំហុសជាប្រវត្តិសាស្ត្រ» ក្នុងការពន្យារពេលសកម្មភាពរហូតដល់គ្មានជនជាតិរ៉ូហ៊ីងយ៉ានៅក្នុងរដ្ឋ Rakhine។

ជាមួយគ្នានេះនៅក្នុងសេចក្តីថ្លែងការណ៍រួមនៅក្នុងសន្និសីទអន្តរជាតិ ស្ថានទូតនៃប្រទេសកាណាដា ចក្រភពអង់គ្លេស និងប្រទេសមួយចំនួនទៀតបានថ្កោលទោសរបបសឹកមីយ៉ាន់ម៉ាចំពោះការបង្កើនអំពើហិង្សា និងបានជំរុញឱ្យមានសិទ្ធិមនុស្សធម៌ជាបន្ទាន់ និងការដោះលែងអ្នកជាប់ឃុំផ្នែកនយោបាយឲ្យមានសេរីភាព៕

អត្ថបទ៖ ប៊ុន សុភាព