ព័ត៌មានអន្ដរជាតិ
ប្រទេសចិនព្រមានអាមេរិកមិនត្រូវធ្វើពហិការពីកីឡាអូឡាំពិករដូវរងា
រដ្ឋាភិបាលចិននៅថ្ងៃពុធម្សិលមិញបានព្រមានរដ្ឋាភិបាល ទីក្រុងវ៉ាស៊ីនតោនថា មិនត្រូវធ្វើពហិការនៅក្នុងព្រឹត្តិការណ៍កីឡាអូឡាំពិករដូវរងាដែលទីក្រុងប៉េកាំងរៀបចំធ្វើម្ចាស់ផ្ទះឆ្នាំក្រោយ បន្ទាប់ពីរដ្ឋបាលរបស់លោកប្រធានាធិបតី ចូ បៃដិន បាននិយាយថា ខ្លួនកំពុងពិភាក្សាជាមួយសម្ព័ន្ធមិត្តអំពីវិធីសាស្ត្ររួមគ្នាមួយដើម្បីលើកឡើងពីការរំលោភសិទ្ធិមនុស្ស។
អ្នកនាំពាក្យក្រសួងការបរទេសម្នាក់បានច្រានចោលចំពោះការចោទនៃការរំលោភសិទ្ធិមនុស្សទៅលើជនជាតិភាគតិចនៅតំបន់ស៊ីនជាំង។ លោកបានព្រមានអំពីការឆ្លើយតបរបស់ចិនដ៏ខ្លាំងក្លាចំពោះការធ្វើពហិការពីព្រឹត្តិការណ៍កីឡាអូឡាំពិកដ៏មានសក្តានុពល។
អ្នកនាំពាក្យលោក Zhao Lijian បាននិយាយថា ៖«ការធ្វើនយោបាយនៃកីឡានឹងធ្វើឲ្យខូចខាតស្មារតីនៃធម្មនុញ្ញអូឡាំពិក និងផលប្រយោជន៍នៃអត្តពលិកពីគ្រប់ប្រទេសទាំងអស់។ សហគមអន្តរជាតិរាប់បញ្ចូលទាំងគណកម្មាធិការអូឡាំពិកអាមេរិកនឹងមិនអាចទទួលយកវាបានទេ»។
ក្រុមសិទ្ធិមនុស្សបានកំពុងតវ៉ាប្រឆាំងនឹងការរៀបចំធ្វើម្ចាស់ផ្ទះនៃព្រឹត្តិការណ៍កីឡាអូឡាំពិករដូវរងារបស់ប្រទេសចិនដែលនឹងចាប់ផ្តើមនៅខែកុម្ភៈ ឆ្នាំ២០២២។ ពួកគេបានជំរុញឲ្យធ្វើពហិការ ឬចាត់វិធានការផ្សេងៗដើម្បីអំពាវនាវឲ្យមានការយកចិត្តទុកដាក់ចំពោះការចោទប្រកាន់ពីការរំលោភបំពាន់របស់ចិនទៅលើជនជាតិ Uyghurs តៃប៊ិ និងហុងកុង។
ក្រសួងការបរទេសអាមេរិកបានលើកឡើងថា ការធ្វើពហិការអូឡាំពិកស្ថិតនៅក្នុងចំណោមលទ្ធភាពដែលអាចកើតមានមួយ ប៉ុន្តែក្រោយមក មន្ត្រីជាន់ខ្ពស់ម្នាក់បាននិយាយថា ការមិនចូលរួមព្រឹត្តិការណ៍កីឡាអូឡាំពិករដូវរងាឆ្នាំ២០២២នៅប្រទេសចិនមិនត្រូវបានពិភាក្សាទេ។
គណកម្មាធិការអូឡាំពិកអន្តរជាតិ (IOC) និងគណកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិកបាននិយាយកន្លងមកថា ពួកគេប្រឆាំងនឹងការធ្វើពហិការ៕
ប្រែសម្រួល៖ វីរបុត្រ
ប្រភព៖ AP
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង