ព័ត៌មានអន្ដរជាតិ

ទាហានរបបសឹកមីយ៉ាន់ម៉ា៦នាក់ត្រូវបានសម្លាប់ក្នុងការវាយឆ្មក់របស់ក្រុមប្រឆាំង

បានផុស

១០ ខែ មុន

នៅ

ថ្ងៃចន្ទ ៨ កញ្ញា ២០២៥

ដោយ

យោងតាមការចេញផ្សាយរបស់ Mizzima News កាលពីថ្ងៃទី០៧ខែកញ្ញា ទាហានរបបសឹកមីយ៉ាន់ម៉ាចំនួន ៦ នាក់បានស្លាប់ និង ៥ នាក់ផ្សេងទៀតបានរងរបួសនៅក្នុងការវាយឆ្មក់មួយរបស់ក្រុមប្រដាប់អាវុធប្រឆាំងទៅលើជួរយោធាក្បែរមូលដ្ឋាន Kyaukkyidaung ក្នុងក្រុង Paungde តំបន់ Bago។

ទាហានរបស់របបសឹកមីយ៉ាន់ម៉ា (រូបភាព៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាយោងតាមក្រុមប្រឆាំងការវាប៉ះទង្គិចគ្នាមានរយៈពេលប្រហែល ៣០ នាទី ដោយមានការប្រើគ្រាប់បែក និងការបាញ់អាវុធធុនតូច ខណៈគ្មានអ្នករងរបួសត្រូវបានគេរាយការណ៍ក្នុងចំណោមក្រុមប្រឆាំងនោះទេ។

ក្រោយការប៉ះទង្គិចគ្នា យោធាបានទាញយកអ្នកស្លាប់ និងរបួសមកវិញ ហើយក្រោយមកបានបើកការវាយប្រហារតាមអាកាសសងសឹក។ យោធាមានប្រើឧទ្ធម្ភាគចក្រពីរគ្រឿងបានទម្លាក់គ្រាប់បែកទម្ងន់ ១០០ផោន( ៤៣ គីឡូក្រាម) ចំនួន ៦ គ្រាប់ទៅលើភូមិជនស៊ីវិលក្នុងទីប្រជុំជន Paungde ដោយបានបំផ្លាញផ្ទះសម្បែង ប៉ុន្តែមិនបណ្តាលឲ្យជនស៊ីវិលរងរបួសនោះទេ។

ការវាយឆ្មក់នេះ គឺជាការវាយប្រហារចុងក្រោយបង្អស់របស់ក្រុមប្រឆាំង ដែលសំដៅលើកងកម្លាំងយោធាក្នុងតំបន់ រួមទាំងការវាយប្រហារមួយកាលពីចុងខែសីហា ដែលបានបណ្តាលឲ្យទាហានរបបសសឹករងរបួសផងដែរ។

គួរបញ្ជាក់ថាបើទោះបីជាប្រទេសមីយ៉ាន់ម៉ាបានប្រកាសពីការបោះឆ្នោតនៅចុងឆ្នាំនេះក៏ដោយ ក៏ជម្លោះស៊ីវិលនៅក្នុងប្រទេសនៅតែមិនទាន់បានបញ្ចប់ទាំងស្រុងដែរ ហើយក្រុមប្រឆាំងរបបសឹកមីយ៉ាន់ម៉ានៅតែបដិសេដការបោះឆ្នោតនេះ៕