ព័ត៌មានអន្ដរជាតិ
លោក អានុទីន អាណិត លោកថាក់ស៊ីន ដែលតម្រូវឲ្យជាប់ពន្ធនាគារ
នាយករដ្ឋមន្ត្រីថៃដែលទើបជាប់ឆ្នោត លោក អានុទីន ឆានវីរៈគុល (Anutin Charnvirakul) បានបញ្ចេញមតិយោបល់ឆ្លើយតបចំពោះសំណួរអ្នកសារព័ត៌មាន ជុំវិញសាលក្រមតុលាការកំពូលដែលសម្រេចឲ្យលោកថាក់ស៊ីន ស៊ីណាវ៉ាត្រ អតីតនាយករដ្ឋមន្ត្រី ចូលទៅអនុវត្តទោសរយៈពេល១ឆ្នាំនៅក្នុងពន្ធនាគារ។
នាយករដ្ឋមន្ត្រីថៃ អានុទីន ត្រូវបានស្រង់សម្តីដោយសារព័ត៌មានថៃ Khaosod English ដូចបាននិយាយថា៖ «ខ្ញុំមានអារម្មណ៍សោកស្តាយចំពោះគាត់។ ខ្ញុំអាណិតដល់បុគ្គលម្នាក់ដែលមានឋានដូចជាគាត់ ជាមនុស្សម្នាក់ដែលគ្រប់គ្រងប្រទេស។ ខ្ញុំមិនចង់ឱ្យគាត់ជួបស្ថានភាពបែបនេះទេ»។
ការអត្ថាធិប្បាយរបស់លោក អានុទីន កើតឡើងបន្ទាប់ពីតុលាការកំពូលចេញសាលក្រមសម្រេចឲ្យលោក ថាក់ស៊ីន ស៊ីណាវ៉ាត្រ ត្រូវចូលទៅអនុវត្តទោសរយៈពេល១ឆ្នាំ បន្ទាប់ពីព្រះមហាក្សត្រលើកលែងកាត់បន្ថយទោសពី៨ឆ្នាំ នៅសល់តែ១ឆ្នាំ ប៉ុន្តែលោកថាក់ស៊ីន បានគេចវេសពីការអនុវត្តទោសនោះ ដោយយកលេសមានជំងឺ ហើយត្រូវផ្ទេរទៅសម្រាកនៅមន្ទីរពេទ្យរបស់ប៉ូលិស។
តាមសេចក្តីរាយការណ៍របស់សារព័ត៌មានថៃ The Nation ក្រោយការប្រកាសសាលក្រមចប់ លោកថាក់ស៊ីន ត្រូវបានតម្រូវឲ្យប្តូរសម្លៀកបំពាក់ពីឈុតស៊ីវិលទៅឈុតអ្នកទោស ដើម្បីអនុវត្តទោសរយៈពេល១ឆ្នាំដោយឃុំខ្លួននៅមន្ទីរឃុំឃាំង «Bangkok Remand Prison»៕
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ២ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ២ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៩ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង