ព័ត៌មានអន្ដរជាតិ

តុលាកាចេញដីកាចាប់ខ្លួនចៅប្រុសអ្នកនយោបាយថៃម្នាក់ ក្រោយចាក់សម្លាប់មនុស្ស

បានផុស

៩ ខែ មុន

នៅ

ថ្ងៃសុក្រ ៣ តុលា ២០២៥

ដោយ

តុលាការនៃប្រទេសថៃ ចេញដីកាចាប់ខ្លួនចៅប្រុសអ្នកនយោបាយដ៏ល្បីម្នាក់ ដែលបានចាក់សម្លាប់សង្សារថ្មីរបស់អតីតមិត្តស្រីរបស់ខ្លួន បណ្តាលឲ្យរងរបួសធ្ងន់ធ្ងរ។ ហេតុការណ៍នេះ កើតឡើងនៅយប់ថ្ងៃទី១ ខែតុលា ឆ្នាំ២០១៥ វេលាម៉ោង១១ និង១៥នាទីយប់ នៅហាងស្រាមួយកន្លែង ស្ថិតក្នុងភូមិតាឡាត់យ៉ៃ ស្រុកមឿង ខេត្តភូកេត។

ក្រោយការវាយប្រហារ ជនសង្ស័យបានរត់គេចខ្លួនដោយជិះរថយន្តទំនើប BMW របស់គាត់ ហើយយកទៅចោលនៅ Poonphol Night Plaza ក្នុងស្រុក Muang ខេត្ត Phuket។ ប៉ូលិសក្រុងភូកេតបានតាមដាននិងចាប់យករថយន្តមកកាន់ប៉ុស្តិ៍ប៉ូលិសក្រុងភូកេត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម khaosod ដែលដកស្រង់សម្ដីលោកវរសេនីយ៍ឯក Chatree Chukaew ស្នងការនគរបាលក្រុងភូកេតបានបញ្ជាក់ថា ព័ត៌មានលម្អិតកំពុងប្រមូលដើម្បីយកជនសង្ស័យមកកាត់ទោស។ ចំណែករថយន្តដែលប្រើក្នុងបទល្មើសរត់គេចខ្លួន ពេលនេះត្រូវបានសមត្ថកិច្ចនគរបាលក្រុងភូកេត ចាប់បានហើយ។

តាមការស៊ើបអង្កេតបានបង្ហាញថា បុរសរងគ្រោះ និងមិត្តស្រីបានផឹកស្រានៅក្នុងបារមួយកន្លែង។ បុរសរងរបួសកំពុងអង្គុយបែរខ្នងទល់មុខរបារ។ ក្នុងហេតុការណ៍នេះ បុរសម្នាក់បានចូលទៅជិតបុរសរងគ្រោះ ហើយបានចាក់គាត់ ៣ ទៅ ៤ កាំបិត មុនពេលរត់គេចខ្លួនចេញពីរង្គសាលភ្លាមៗ។

ក្រោយការសាកសួរមិត្តស្រីរបស់បុរសរងគ្រោះបានដឹងថា ជនដៃដល់ជាអតីតមិត្តប្រុសរបស់នាង និងត្រូវជាក្មួយរបស់អ្នកនយោបាយថៃល្បីល្បាញមួយរូប។ ពួកគេបានរួមរស់ជាមួយគ្នាអស់រយៈពេល៤ឆ្នាំ ហើយបានបែកគ្នាប្រហែលជាបីខែមុន ហើយនាងបានណាត់ជួបបុរសរងគ្រោះតែមួយខែប៉ុណ្ណោះ។ នាងក៏មិនដឹងថា ជនដៃដល់បានលួចតាមដាននាងចាប់តាំងពីពេលណាមកទេ។

យ៉ាងណាក៏ដោយ តុលាការខេត្តភូកេតបានអនុម័តលើការចេញដីកាចាប់ខ្លួន ខណៈនេះដែរ មន្ត្រីស៊ើបអង្កេតនៃប៉ុស្តិ៍ប៉ូលិសក្រុងភូកេត ក៏កំពុងធ្វើការប្រមូលភស្តុតាង ដើម្បីចាប់ជនសង្ស័យមកផ្តន្ទាទោសតាមផ្លូវច្បាប់ ៕