វៀតណាម រញ្ជួយដី៤លើកផ្ទួនៗ ញ័រដល់២ខេត្ត

រញ្ជួយដី៤លើកជាប់ៗគ្នាបានវាយប្រហារខេត្ត Quang Ngai និង Gia Lai នៃប្រទេសវៀតណាម ហើយដ្បិតតែវារង្គើក៏ពិតមែន ប៉ុន្តែមិនបណ្តាលឲ្យមានការខូចខាតឬជនរងគ្រោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ VN Express, រញ្ជួយដីបានកើតឡើងចាប់ពីម៉ោង០០:៤០ដល់១:៤៦នាទីរំលងអធ្រាត្រថ្ងៃអាទិត្យឈានចូលថ្ងៃចន្ទទី៦ខែតុលាឆ្នាំ២០២៥ ជាមួយនឹងជម្រៅ៨គីឡូម៉ែត្រ។

មជ្ឈមណ្ឌលព័ត៌មានរញ្ជួយដីនិងព្រមានរលកយក្សស៊ូណាមិ នៃវិទ្យាស្ថានវិទ្យាសាស្ត្រផែនដីវៀតណាមបានឲ្យដឹងថា រញ្ជួយដីនេះមានកម្រិតចន្លោះពី ២.៦-៤.៩រ៉ិចទ័រ កើតឡើងចំពេលមនុស្សសម្រាន្តលង់លក់។ 

បើយោងតាមស្ថិតិ, ក្នុងរយៈពេល១១៧ឆ្នាំពោលគឺចាប់ពីឆ្នាំ១៩០៣ដល់ឆ្នាំ២០២០ វៀតណាមជួបការរញ្ជួយដីច្រើនលើកជាពិសេសនៅស្រុក Kon Plong នៃខេត្ត Kon Tum តែម្តង ដោយស្រុកនេះជួបរញ្ជួយដី ៣៣ដង ចាប់ពីកម្រិត២.៥រ៉ិចទ័រឡើងទៅ។

ទោះយ៉ាងណាក៏ដោយ ចាប់ពីឆ្នាំ២០២១ ដល់ពេលនេះ ការរញ្ជួយដីហាក់កើនឡើងគួរឲ្យកត់សម្គាល់ ពោលគឺមានរហូតដល់ទៅជាង២០០ដងឯណោះ។ ការរញ្ជួយកម្រិតខ្លាំងគឺ ៤.៧រ៉ិចទ័របានកើតឡើងនៅខែសីហាឆ្នាំ២០២២ ដោយពេលនោះ ប្រជាជននៅតាមខេត្ត ក្រុងមួយចំនួនដែលមានចម្ងាយរាប់រយគីឡូម៉ែត្រពីស្រុក Kon Plong ក៏មានអារម្មណ៍ញ័រនិងរង្គើផងដែរ៕

អត្ថបទ៖ សុខ សុវណ្ណ

ចុចអាន៖ វៀតណាមធ្ងន់ធ្ងរ! ព្យុះចាស់សម្លាប់មនុស្ស៥១នាក់ ខណៈព្យុះថ្មីក៏មកដល់