សុខភាព

ហូបអាហារប៉ុន្មានមុខនេះសម័យកូវីដ អ្នកកាន់តែមានខែលការពារប្រតិកម្មអាឡ័កស៊ីធ្ងន់ធ្ងរ ក៏ដូចជាពង្រឹងប្រព័ន្ធភាពស៊ាំ

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

ការសិក្សាមួយដែលត្រូវបានចេញផ្សាយដោយវិទ្យាស្ថានជាតិសុខភាពបានរកឃើញថា កង្វះនៃភាពចម្រុះនៅក្នុងពពួកអតិសុខុមប្រាណនៃពោះវៀនល្អ ត្រូវបានផ្សារភ្ជាប់ជាមួយនឹងអាឡ័កស៊ីធ្ងន់ធ្ងរ បូករួមទាំងប្រព័ន្ធភាពស៊ាំចុះខ្សោយ។

គន្លឹះក្នុងការប្រយុទ្ធប្រឆាំងនឹងអាឡ័កស៊ីធ្ងន់ធ្ងរ គឺចាប់ផ្ដើមនៅក្នុងពោះវៀនរបស់យើងជាមុនសិន។ ដោយសារពោះវៀនមានឥទ្ធិពលផ្ទាល់ទៅលើការ កណ្ដាស់ ភ្នែករមាស់និងរោគសញ្ញាប្រតិកម្មអាឡ័កស៊ីផ្សេងៗទៀត។ ដូច្នេះយើងត្រូវចេះហូបអាហារណាផ្ដល់ផលល្អ និងជួយទប់ទល់ប្រតិកម្មអាឡ័កស៊ីក្នុងរដូវកូវីដ។

១ ស៊ុបខួរឆ្អឹងស្មង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស៊ុបខួរឆ្អឹងស្មងសំបូរទៅដោយ L-glutamine ដែលជាអាស៊ីដអាមីណូជួយជំរុញសកម្មភាពកោសិកាភាពស៊ាំនៅក្នុងពោះវៀន និងជួយធ្វើឲ្យជាលិកាដែលមាននៅក្នុងពោះវៀនដើរបានស្រួល។ ស៊ុបខួរឆ្អឹងស្មងអាចបង្កើតប្រព័ន្ធភាពស៊ាំរហូតដល់ទៅ ៧០ ភាគរយនៅក្នុងពោះវៀននិងជាកត្តាសំខាន់ក្នុងការបង្កើតបាក់តេរីពោះវៀនល្អឡើងវិញ។

២ សាច់ដូងឬទឹកដូង

ផ្លែដូងមិនថាសាច់ឬទឹកសុទ្ធតែមានពពួកបាក់តេរីល្អៗ រហូតដល់ទៅ ៣០ ប្រភេទផ្សេងៗគ្នា។ ដូងធ្វើឲ្យល្អឡើងវិញនូវបាក់តេរីល្អៗ នៅក្នុងពោះវៀនរបស់អ្នកមានដំណើរការប្រសើរជាងមុន។

៣ ខ្ញី

ខ្ញីមានលក្ខណៈសម្បត្តិជាឱសថដែលមានឥទ្ធិពលប្រឆាំងនឹងការរលាកនិងប្រឆាំងអុកស៊ីតកម្មលើរាងកាយ។ ខ្ញីមានឥទ្ធិពលដូចថ្នាំប្រឆាំងនឹងអ៊ីស្តាមីនក្នុងរាងកាយដែលអាចជួយសម្អាតច្រមុះឧស្សាហ៍ហៀរសំបោរ។ សូមចាំថាថ្នាំដូចជា Allegra, Claritin និង Zyrtec សុទ្ធតែជាថ្នាំប្រឆាំងនឹងអ៊ីស្តាមីន ដែលរារាំងឬកាត់បន្ថយអ៊ីស្តាមីននិងអនុញ្ញាតឲ្យរោគសញ្ញាអាឡ័កស៊ីធ្លាក់ចុះ។

ទទួលទានខ្ញីជាប្រចាំអាចមានប្រសិទ្ធភាពប្រហាក់ប្រហែលនឹងថ្នាំមួយក្នុងចំណោមឱសថដែលពេញនិយមខាងលើ។ វាក៏ជាជំនួយក្នុងការរំលាយអាហារ ដែលជាគន្លឹះធ្វើឲ្យរាងកាយដំណើរការប្រកបដោយប្រសិទ្ធភាព ហើយធានាថារាងកាយស្រូបយកវីតាមីនជាតិរ៉ែនិងសារធាតុចិញ្ចឹមទាំងអស់ពីការទទួលទានអាហាររបស់អ្នក ។

៤ រមៀត

ភាគច្រើនដូចជាខ្ញីដែរ រមៀតត្រូវបានគេសរសើរចំពោះលក្ខណៈប្រឆាំងនឹងការរលាករបស់វា។ គ្រឿងទេសនេះត្រូវបានបង្ហាញថា ជួយកាត់បន្ថយការរលាកដែលអាចជួយដល់ច្រមុះឧស្សាហ៍ហៀរសំបោរផងដែរ។

៥ ពពួកអាហារសម្បូរវីតាមីនC

ការទទួលទានអាហារដែលសំបូរទៅដោយវីតាមីន C អាចផ្គត់ផ្គង់ដល់រាងកាយជាមួយនឹងអត្ថប្រយោជន៍សុខភាពជាច្រើន រាប់ចាប់ពីមុខងារភាពស៊ាំក្នុងរាងកាយកាន់តែប្រសើរឡើង រហូតដល់ស្បែកមានសុខភាពល្អនិងអាចមានឥទ្ធិពលប្រឆាំងនឹងអ៊ីស្តាមីន។

ពពួកបន្លែដូចជាផ្កាខាត់ណាពណ៌ខៀវ ស្ពៃក្ដោប ប៉េងបោះនិងម្ទេសប្លោក អាហារទាំងនេះជួយដល់ការបន្សាបជាតិពុលនៅក្នុងថ្លើម និងជួយបណ្ដេញជាតិពុលចេញពីរាងកាយបានឆាប់រហ័សនិងទប់ស្កាត់ហានិភ័យនៃជំងឺកូវីដផងដែរ៕

ប្រែសម្រួល៖ សាង ស្រីល័ក្ខ

ប្រភព៖eatthis

ចុចអាន៖វេជ្ជបណ្ឌិតហាមផឹកស្រាដាច់ខាតមុនចាក់វ៉ាក់សាំង ហើយត្រូវទទួលទានអាហារជីវជាតិ និងទឹកឲ្យគ្រប់គ្រាន់

ចុចអាន៖អំឡុងពេលកូវីដ មិនគួរញ៉ាំអាហារអស់នេះ ប្រយ័ត្នប្រព័ន្ធភាពស៊ាំចុះខ្សោយ