សុខភាព
តើលោកអ្នកត្រូវដឹងអ្វីខ្លះ ក្នុងការងូតទឹកឲ្យទារក
បន្ទាប់ពីសម្រាលបុត្ររួច ការងូតទឹកឲ្យទារកនឹងប្រព្រឹត្តទៅជាប្រចាំជារៀងរាល់ថ្ងៃ។ ដូចនេះអ្នកម្ដាយ ឬសមាជិកគ្រួសារគួរយល់ដឹងអំពីវិធីសាស្ត្រខ្លះៗ ដើម្បីផ្ដល់ភាពងាយស្រួល និងជាអត្ថប្រយោជន៍សម្រាប់ក្រុមគ្រួសារ។ លោកអ្នកអាចត្រៀមលក្ខណៈ និងអនុវត្តដោយខ្លួនឯងតាមលំដាប់និងដំណាក់កាលដូចខាងក្រោម ៖
១) ការត្រៀមលក្ខណៈទុកជាមុន ៖
ក) សុវត្ថិភាព
– ផ្លូវកាយ(ទារកមិនត្រូវនៅម្នាក់ឯង)
– ផ្លូវចិត្ត(មនុស្សចាស់មានទំនាក់ទំនងជាមួយទារក)
ខ) ផាសុកភាព និងភាពសុខស្រួល
– កាយវិការថ្នមៗ និយាយលេងជាមួយទារក
– ប្រុងប្រយ័ត្នពេលណាដែលមានភាពត្រជាក់
គ) ការរៀបចំៈ
– សម្ភារៈគ្រប់គ្រាន់ និងនៅទំនេរ
– ការគោរពអនាម័យ
– កាយវិការ សកម្មភាពសមហេតុសមផល
ឃ) ការថែទាំត្រូវធ្វើឲ្យបានហ្មត់ចត់
២) ការអនុវត្ត ៖
ក) មុនធ្វើការថែទាំ
– គ្រប់សម្ភារៈទាំងអស់ត្រូវបានរៀបចំក្នុងបន្ទប់ដែលត្រូវងូតទឹក (កាធុនងូតទឹក ទែរម៉ូមែត្រកម្ដៅវាស់ទឹក និងទារក កន្សែង សំលៀកបំពាក់ កន្ទបរបស់ទារក កុំប្រេស សំឡី ធុងសំរាមនៅជិត)
– សម្ភារៈ និងកន្លែងងូតស្អាត និងត្រូវបានសម្លាប់មេរោគ
– សីតុណ្ហភាពទឹក ត្រូវបានត្រួតពិនិត្យ (បើគ្មានទែរម៉ូមែត្រសម្រាប់វាស់ ត្រូវយកសីតុណ្ហភាពជាមួយផ្នែកខាងក្នុង នៃដើមដៃ)
– បញ្ចូលទឹកនូវ ៣៨ អង្សាសេ (បើចាំបាច់ត្រួតពិនិត្យសីតុណ្ហភាពនៃបន្ទប់)
– ប្រុងប្រយ័ត្នចំពោះគុណភាព និងសីតុណ្ហភាព នៃទឹក
ខ) នៅពេលងូតទឹក:
– លាងដៃមុនការចាប់ផ្តើមថែទាំ
– ចៀសវាងការធ្វើឲ្យទារករងា (ទារកនៅស្រាតរយៈពេលខ្លីបំផុត)
– លើកដាក់ទារកជាមួយកាយវិការៗថ្នម និងនិយាយជាមួយទារក
– ដកកន្ទបសំអាតកន្លែងគូថបើសិនមានលាមក។ លាងដៃជាមួយសាប៊ូ ឬទឹកអ៊ីដ្រូអាល់កុលលីក
– លាងសំអាតរាងកាយទារកជាមួយសាប៊ូសមស្របបើចាំបាច់
– ជូតសំអាតតាមលំដាប់ដូចនេះ ផ្នត់ ក ក្លៀក ខ្នង ពោះ ផ្នត់ក្រលៀន ភ្លៅ(ខាងលើនិងក្រោម) ផ្នែកខាងក្រៅ នៃប្រដាប់ភេទ (ទៅពីក្រោមពោះដល់រន្ធគូថ) និងគូថ
– ចាប់ទប់ទារកក្រោមក្លៀកឲ្យបានល្អ ពេលងូតទឹក
– សំងួតឲ្យបានល្អដោយផ្តិតថើៗ ជាពិសេសកន្លែងផ្នត់
– ជូតសំអាតមុខ (ប្រយ័ត្ន ត្រចៀក និងភ្នែក)
– ធ្វើការថែទាំសំអាតផ្ចិត
– ពាក់កន្ទបថ្មីស្អាត
– ពាក់សំលៀកបំពាក់ផ្នែកខាងលើ នៃទារក
– បិទកន្ទប និងបញ្ចប់ការពាក់សំលៀកបំពាក់របស់ទារក
– លាងសំអាតដៃដោយសាប៊ូ ឬទឹកអ៊ីដ្រូអាល់កុលលីក (Solution Hydro Alcoolique)
ឃ) ក្រោយពេលងូតទឹក
– ដាក់ទារកក្នុងកន្លែងសមរម្យ និងគ្របកម្រាលស្អាត
– ជូតសម្អាតសម្ភារៈ និងទីតាំងងូតទឹក
– រៀបទុកដាក់សម្ភារៈ
– លាងសំអាតដៃ
ក្រុមគ្រូពេទ្យឯកទេសសម្ភព និងឆ្មបជំនាញនៃមន្ទីរពេទ្យកាល់ម៉ែតរីករាយស្វាគមន៍ និងផ្ដល់ព័ត៌មានព្រមទាំងចំណេះដឹងទូទៅជូនអ្នកម្ដាយគ្រប់រូប ក្នុងការពិនិត្យថែទាំមុន និងក្រោយការសម្រាល៕
អត្ថបទ ៖ រស្មី
ចុចអាន៖កូនយំចង់បានរបស់អ្វីមួយ ប៉ាម៉ាក់មិនចង់ឲ្យ តើត្រូវបដិសេធបែបណាមានប្រសិទ្ធភាព
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង