សុខភាព

ទ្រលឹងទឹងមិនត្រឹមតែជារបស់ហូបលេងដ៏ឆ្ងាញ់ពិសា តែក៏ជាឱសថព្យាបាលរោគដ៏ស័ក្ដិសិទ្ធិ

បានផុស

៥ years មុន

នៅ

ថ្ងៃចន្ទ ១៤ មិថុនា ២០២១

ដោយ

ទ្រលឹងទឹងមានប្រភពចេញពីតំបន់អាស៊ីអាគ្នេយ៍ ជាធម្មតាដុះនៅក្នុងប្រទេសត្រូពិកនិងត្រូវបាន គេយកទៅប្រើប្រាស់តាំងពីសម័យបុរាណរហូតដល់បច្ចុប្បន្ន។

ក្រៅពីជាអាហារសម្រន់សម្រាប់ហូបកម្សាន្ត ទ្រលឹងទឹងត្រូវបានគេដាក់បញ្ចូលក្នុងអាហារប្រចាំថ្ងៃ និងជារុក្ខជាតិឱសថព្យាបាលរោគាច្រើនទៀតផងដែរ។

១ សម្រាប់ស្បែក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថាមពលរួមបញ្ចូលគ្នានៃអាស៊ីដ oxalic និងវីតាមីន A និង C មាននៅក្នុងផ្លែទ្រលឹងទឹង វាមានប្រសិទ្ធភាពខ្ពស់ក្នុងការថែរក្សាស្បែកឲ្យមានសុខភាពល្អ។ ពិសេសជាងនេះទៅទៀត ផ្លែឈើប្រភេទនេះផ្ទុកទៅដោយកូឡាជែន ធ្វើឲ្យស្បែកមានសភាពតឹងណែននិងល្អជាងមុន។

២ កាត់បន្ថយអាឡ័កស៊ី

មនុស្សដែលមានប្រតិកម្មអាឡ័កស៊ីភ្លាមៗ តែងកណ្ដាស់ពេលប៉ះលំអងធូលី ភាគល្អិត អាហារឬហេតុផលផ្សេងទៀត ហើយធ្វើឲ្យស្បែករមាស់ពិបាកដកដង្ហើម ភ្នែកក្រហមឬហៀរសំបោរ។ប្រការនេះនឹងធ្វើឲ្យយើងមានប្រតិកម្មថយចុះ នៅក្នុងប្រព័ន្ធភាពស៊ាំ។ វិធីមួយក្នុងការកាត់បន្ថយអាឡ័កស៊ីទាំងនេះ គឺតាមរយៈការផឹកទឹកផ្លែទ្រលឹងទឹង។

៣ បន្ថយដល់សន្លាក់ឬហើមរមាស់

ការរមាស់និងហើមមិនអាចមានវិធីព្យាបាលជំនួសបានទេ។ ប៉ុន្តែទ្រលឹងទឹងអាចកាត់បន្ថយការហើមនោះបាន ដោយបុកវាហើយបិតកន្លែងមុខរបួស។ ប្រសិនបើយើងមានបញ្ហាសន្លាក់ ការផឹកទឹកស្លឹកទ្រលឹងទឹងគឺជាជំនួយបន្ថយដល់រោគពីខាងក្នុង។

៤ សម្រាប់ឆ្អឹង

កាល់ស្យូមនិងផូស្វ័រដែលមាននៅក្នុងទ្រលឹងទឹង មានមុខងារខ្ពស់សម្រាប់លក្ខណៈសម្បត្តិពីធម្មជាតិ ជួយគាំទ្រនិងផ្ដល់ថាមពលដល់ដង់ស៊ីតេទូទៅនៃឆ្អឹង បូករួមទាំងឆ្អឹងនិងធ្មេញ។។

៥ សម្រាប់ជំងឺទឹកនោមផ្អែម

ទ្រលឹងទឹងមួយចានស្ងោរយកទឹកហូប អាចមានអត្ថប្រយោជន៍ខ្ពស់ក្នុងការគ្រប់គ្រងជំងឺទឹកនោមផ្អែម។ ដំណើរការទាំងនេះអាចជួយក្នុងការកាត់បន្ថយកម្រិតជាតិស្ករក្នុងឈាម។ វាជាភេសជ្ជៈដ៏ល្អប្រសើរ សម្រាប់អ្នកជំងឺទឹកនោមផ្អែមក្នុងការគ្រប់គ្រងស្ថានភាពរបស់ពួកគេ។

៦ សម្រាប់គ្រុនក្ដៅនិងផ្តាសាយ

ទ្រលឹងទឹងត្រូវបានប្រើអស់ជាច្រើនសតវត្សរ៍ ដើម្បីជាជំនួយសម្រាប់គ្រុនក្ដៅនិងផ្ដាសាយ ។ ម៉្យាងទៀតផ្ការបស់វាមានប្រយោជន៍ក្នុងការជួយទាំងគ្រុនក្ដៅនិងផ្ដាសាយ។ ដោយសាររុក្ខជាតិនិងផ្លែឈើនេះមានវីតាមីន C ខ្ពស់ធ្វើឲ្យប្រព័ន្ធភាពស៊ាំកាន់តែរឹងមាំ៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖ជាការពិត! លាងដៃនឹងផេះសម្លាប់មេរោគ ស្អាត ដូចលាងជាមួយសាប៊ូ?

ចុចអាន៖របបអាហារផ្ដោតលើរុក្ខជាតិ មិនត្រឹមជួយឲ្យសុខភាពល្អ តែកាត់បន្ថយអាការធ្ងន់ធ្ងរនៃកូវីដបានល្អប្រសើរ