តាមដាន! អ្នកចាក់វ៉ាក់សាំងហើយ ឆ្លងកូវីដ ចេញរោគសញ្ញាមួយនេះ ញឹកញាប់បំផុត

វ៉ាក់សាំងគឺជាគន្លឹះក្នុងការបញ្ឈប់ការស្លាប់ ឬឈឺធ្ងន់ហើយបានបង្ហាញថា អាចកាត់បន្ថយចំនួនអ្នកចូលព្យាបាលក្នុងមន្ទីរពេទ្យ។

មនុស្សជាង ៣៧លាននាក់នៅទូទាំងចក្រភពអង់គ្លេស ទទួលវ៉ាក់សាំងពេញលេញ រួចទៅហើយ។

រោគសញ្ញាទូទៅបំផុតនៃជំងឺកូវីដ-១៩គឺការឡើងកម្តៅ ក្អកជាប់ និងបាត់បង់ឬផ្លាស់ប្តូរ រសជាតិឬក្លិន។

ប៉ុន្តែយោងតាមសាកលវិទ្យាល័យ King’s College London បានឲ្យដឹងថា អ្នកដែលចាក់វ៉ាក់សាំងហើយ បានរាយការណ៍អំពីការកណ្តាស់ ថាជារោគសញ្ញាមួយ កើតឡើងខ្លាំងជាងអ្នកមិនទាន់ចាក់វ៉ាក់សាំងដែលឆ្លងកូវីដ។

ក្រុមអ្នកវិទ្យាសាស្ត្របានរកឃើញថា អ្នកដែលចាក់វ៉ាក់សាំងរួច​ ហើយធ្វើតេស្ត វិជ្ជមាន គឺមានរោគសញ្ញាស្រាលជាង​ បើប្រៀបធៀបជាមួយអ្នកមិនទាន់ចាក់វ៉ាក់សាំង។

រោគសញ្ញាទូទៅផ្សេងទៀតចំពោះអ្នកចាក់វ៉ាក់សាំងហើយឆ្លងកូវីដគឺ៖

-ឈឺក្បាល

-ហៀរ​សំបោរ

-ឈឺ​ក

ក្រុមអ្នកស្រាវជ្រាវ បានវិភាគទិន្នន័យពីអ្នកចូលរួម ដែលបានកត់សម្គាល់រោគសញ្ញា ការធ្វើតេស្តនិងវ៉ាក់សាំងរបស់ពួកគេ នៅលើកម្មវិធីសិក្សារោគសញ្ញាកូវីដ ZOE របស់ ចក្រភពអង់គ្លេស។

ពួកគេបានពិនិត្យលើមនុស្សពេញវ័យចំនួន ២,២៧៨ នាក់ដែលបានធ្វើតេស្តវិជ្ជមានបន្ទាប់ពី ចាក់វ៉ាក់សាំងរួច ហើយបានប្រៀបធៀបពួកគេទៅនឹងមនុស្សពេញវ័យដែល ទទួលវ៉ាក់សាំងហើយធ្វើតេស្តអវិជ្ជមាន និងមនុស្សពេញវ័យមិនទាន់ចាក់វ៉ាក់សាំងដែលធ្វើតេស្ត វិជ្ជមាន។

ពួកគេបានជំរុញឲ្យអ្នកដែលកណ្តាស់ បន្ទាប់ពីចាក់វ៉ាក់សាំង ត្រូវទៅធ្វើតេស្តរកកូវីដ ដើម្បីធ្វើឲ្យប្រាកដថា ពួកគេមិនបានឆ្លងវីរុសនោះទេ៕

ប្រែសម្រួល៖ Vann Vann

ប្រភព៖ Mirror

ចុចអាន៖ ត្រូវតាមដាន! រោគសញ្ញាមួយ ធ្វើទុក្ខខ្លាំងបំផុតចំពោះ អ្នកឆ្លងវីរុសបំប្លែងខ្លួន Delta