ទូរសព្ទដៃអាចជាភ្នាក់ងារចម្លងកូវីដ ខណៈវីរុសអាចលាក់ខ្លួនលើស្រ្គីនរហូត៤ថ្ងៃ

ស្មាតហ្វូនជាឧបករណ៍មួយដែលមនុស្សប្រើច្រើនបំផុត ជាងឧបករណ៍អេឡិចត្រូនិកនានា។ ដោយសារតែការប្រើប្រាស់វាជាប្រចាំ ស្មាតហ្វូនក្លាយជាឧបករណ៍ដែលងាយរងគ្រោះជាងគេជាមួយមេរោគគ្រប់ប្រភេទ។

ជាពិសេសក្នុងកំលុងនៃការរីករាលដាលវីរុសកូវីដ- ១៩ ស្មាតហ្វូនក៏ជាក្ដីបារម្ភខ្លាំងថាអាចជាភ្នាក់ងារចម្លងវីរុសយ៉ាងងាយផងដែរ។

យោងតាមរយៈការសិក្សារបស់អង្គការសុខភាពពិភពលោក និងការសិក្សារបស់ NIH អង់គ្លេស បានបញ្ជាក់ថា វីរុសកូវីដ-១៩ អាចជាប់នៅលើផ្ទៃកញ្ចក់បានរហូតដល់ ៩៦ ម៉ោង។ ដោយសារស្មាតហ្វូនស្ទើរតែទាំងអស់ភ្ជាប់មកជាមួយបន្ទះកញ្ចក់ (ស្រ្គីន) នៅផ្ទៃខាងលើ ក្រុមអ្នកសិក្សានិយាយថា មេរោគកូវីដអាចលាក់ខ្លួនលើស្មាតហ្វូនបាន ៩៦ ម៉ោង​ ឬរហូតដល់ទៅ ៩ថ្ងៃ អាស្រ័យតាមអាកាសធាតុ (សីតុណ្ហភាពត្រជាក់)។

មិនត្រឹមតែស្មាតហ្វូនប៉ុណ្ណោះទេ ចំពោះឧបករណ៍ណាក៏ដោយដែលមានផ្ទៃកញ្ចក់ដូចជា នាឡិកាវៃឆ្លាត ថេប្លេត ឬកុំព្យូទ័រ ក៏មេរោគជាប់នៅរហូតដល់៤ថ្ងៃដែរ ហើយវានឹងតោងជាប់កាន់តែយូរ ប្រសិនបើនៅលើផ្ទៃនោះមានសំណើម។

ហេតុដូច្នេះ វាពិតជាចាំបាច់ណាស់ក្នុងការរក្សាការសម្អាតទូរសព្ទជាទៀងទាត់ ដើម្បីការពារការចម្លងពីមេរោគ។ ដើម្បីសម្អាតស្មាតហ្វូនឱ្យមានសុវត្ថិភាព អ្នកអាចប្រើទឹកលាងសម្អាតសម្រាប់ទូរសព្ទឬគ្រឿងអេឡិចត្រូនិក ឬគ្រាន់តែជូតផ្ទៃរបស់វាដោយក្រណាត់អាល់កុលសើមឱ្យបានញឹកញាប់ ក្រោយប៉ះពាល់វត្ថុផ្សេង៕

ប្រែសម្រួល៖ សន្យា

ចុចអាន៖ ការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ

ចុចអាន៖ ការសិក្សាថ្មី៖ វីរុសកូវីដ-១៩ អាចរស់នៅលើសម្លៀកបំពាក់រហូតដល់៧២​ម៉ោង

ចុចអាន៖ ប្រយ័ត្ន! វីរុសកូវីដ-១៩ អាចចម្លងតាមក្រដាសប្រាក់