សុខភាព
វីរុសបំប្លែងខ្លួន Delta រកឃើញឆ្លងលឿនចំពោះក្មេងៗ ក្រោម ១៤ឆ្នាំ
ពេលនេះវីរុសបំប្លែងខ្លួន Delta មិនត្រឹមតែនាំឱ្យមានផលវិបាកធ្ងន់ធ្ងរចំពោះមនុស្សពេញវ័យប៉ុណ្ណោះទេ ប៉ុន្តែវាកំពុងបង្កគ្រោះថ្នាក់ចំពោះកុមារដូចគ្នា ជាពិសេសក្មេងៗចន្លោះពី ៨ ខែដល់ ១៤ ឆ្នាំ។
បើតាមការដកស្រង់សម្ដីពីអ្នកជំនាញឥណ្ឌាបានឱ្យដឹងថា វីរុសកូវីដបំប្លែងខ្លួន Delta អាចឆ្លងទៅកុមារយ៉ាងងាយស្រួល ខណៈមកដល់ឥឡូវនេះ ការចាក់វ៉ាក់សាំងជូនកុមារនៅមានកំណត់អាយុនៅឡើយ។
ដោយឡែក កម្ពុជាពេលនេះ បានរកឃើញករណីវិជ្ជមានជំងឺកូវីដបំប្លែងខ្លួនប្រភេទ Delta ក្នុងខេត្ព្តព្រះសីហនុ នៅលើកុមារាអាយុ ០៨ ឆ្នាំម្នាក់ រីឯនៅរាជធានីភ្នំពេញ កុមារីអាយុ ០៧ ឆ្នាំម្នាក់ ក៏តេស្តវិជ្ជមានវីរុសបំប្លែងខ្លួន Delta នេះផងដែរ។
ការដកស្រង់សម្ដីពីវេជ្ជបណ្ឌិតឥណ្ឌា អះអាងថា ក្មេងៗក្រោម ១៤ ឆ្នាំមិនសូវមានប្រព័ន្ធភាពស៊ាំរឹងមាំទេ ស្របពេលដែលពួកគេភាគច្រើនមិនទាន់ទទួលវ៉ាក់សាំងបង្ការកូវីដ-១៩ ហើយវាចាំបាច់ណាស់ដែលត្រូវយកចិត្តទុកដាក់និងសម្គាល់រោគសញ្ញាទូទៅនៃវីរុសបំប្លែងខ្លួន Delta ទៅលើពួកគេ។
យោងតាមរបាយការណ៍ដែលបោះពុម្ពផ្សាយដោយសាកលវិទ្យាល័យ Harvard Health និយាយថា កុមារដែលឆ្លងវីរុសបំប្លែងខ្លួន Delta អាចមានរោគសញ្ញាខុសគ្នាទាំងស្រុងពីមនុស្សពេញវ័យ។ ក្មេងខ្លះអាចគ្មានរោគសញ្ញា ខណៈក្មេងខ្លះទៀតមានរោគសញ្ញាគ្រុនក្ដៅតិចតួចប៉ុណ្ណោះ។
យ៉ាងណាមិញ រោគសញ្ញាទូទៅរួមមាន គ្រុនក្តៅចាប់ពី ៣៩-៤០ អង្សាសេ ក្នុងរយៈពេល ៤-៥ ថ្ងៃជាប់គ្នា។ ឈឺក្បាល ក្អក និងមិនឃ្លានអាហារ។ មួយវិញទៀត សូម្បីតែហៀរសំបោរក៏អាចបញ្ជាក់ថាកុមារបានផ្ទុកវីរុសនេះនៅក្នុងខ្លួនបានដែរ។
ប្រសិនបើក្មេងមានរោគសញ្ញាកាន់តែធ្ងន់ធ្ងរ និងអូសបន្លាយរយៈពេលយូរ វាអាចប៉ះពាល់ដល់សួតរបស់ពួកគេ ឬអាចបណ្ដាលឱ្យមានជំងឺរលាកសួត។ បន្ថែមពីលើនេះ វាក៏អាចមានផលប៉ះពាល់លើសរីរាង្គផ្សេងទៀតរបស់កុមារដូចជា បេះដូង សួត សរសៃឈាម តម្រងនោម ប្រព័ន្ធរំលាយអាហារ ខួរក្បាល ស្បែក ឬភ្នែក។
ដូច្នេះ ត្រូវយកចិត្តទុកដាក់ និងតាមដានសុខភាពក្មេងៗឱ្យបានដិតដល់ ប្រសិនបើមានករណីសង្ស័យ សូមពិគ្រោះជាមួយគ្រូពេទ្យជាបន្ទាន់ ឬទូរសព្ទទៅលេខ ១១៥៕
ប្រែសម្រួល៖ សន្យា
ប្រភព៖ Time of India / NBC News
ចុចអាន៖ រោគសញ្ញាកូវីដចំនួន ៣ មិនសូវមានអ្នកចាប់អារម្មណ៍ តែភាគច្រើនកើតចំពោះកុមារ
ចុចអាន៖ កុមារមានបញ្ហាសុខភាព ៤ប្រភេទ ប្រឈមឆ្លងកូវីដ-១៩ខ្លាំងបំផុត
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?