សុខភាព
៤៣ម៉ោង មុនពេលចេញរោគសញ្ញា វីរុសបំប្លែងខ្លួន Delta អាចចម្លងទៅអ្នកដទៃបាន
មនុស្សភាគច្រើន សុទ្ធតែបានដឹងអំពីសមត្ថភាពចម្លងនៃវីរុសបំប្លែងខ្លួន Delta ដែលវាអាចឆ្លងបានលឿន ហើយងាយបណ្ដាលឱ្យអ្នកជំងឺធ្វើទុក្ខខ្លាំង កម្រជាសះស្បើយទៀតផង។ អ្វីដែលគួរកត់សម្គាល់គឺសមត្ថភាពបញ្ជូនមេរោគរបស់វា ស្របពេលដែលថ្មីៗនេះ អ្នកជំនាញអង់គ្លេសព្រមានថា វីរុសនេះអាចម្លងពីមនុស្សម្នាក់ទៅមនុស្សម្នាក់ទៀត ទាំងអ្នកជំងឺមិនមានរោគសញ្ញាទាល់សោះ។
ប្រភពពីគេហទំព័រ Healthline បានឱ្យដឹងថា អ្នកដែលផ្ទុកវីរុសបំប្លែងខ្លួន Delta អាចចម្លងមេរោគទៅអ្នកដទៃក្នុងរវាង ២ថ្ងៃ មុនខ្លួនគេផ្ទាល់ចេញរោគសញ្ញា។
ទិន្នន័យនេះជាលទ្ធផលនៃការស្រាវជ្រាវថ្មីមួយ ដែលចេញផ្សាយក្នុងទិនានុប្បវត្តិ Natureរបស់ប្រទេសអង់គ្លេស។
ការស្រាវជ្រាវបង្ហាញថា កូវីដបំប្លែងខ្លួនប្រភេទ Delta អាចធ្វើការចម្លងដោយពុំទាន់ចេញរោគសញ្ញាឡើយ ក្នុងរយៈពេលត្រឹមតែ ១៩-៤៣ ម៉ោងប៉ុណ្ណោះ មុនពេលដែលអ្នកជំងឺតេស្តវិជ្ជមាន។ បន្ថែមពីលើនោះ អ្នកឆ្លងវីរុសបំប្លែងខ្លួន Delta ជិត ៣ ភាគ ៤ កើតមានមេរោគក្នុងរាងកាយ ខណៈពួកគេមិនមានអាការអ្វីនៅឡើយ។
វេជ្ជបណ្ឌិត Stefen Ammon នាយកផ្នែកវេជ្ជសាស្ត្រនៃក្រុមសេវាកម្មថែទាំសុខភាពពិសេស (TFDH) របស់អង់គ្លេស មានប្រសាសន៍ថា វីរុសកូវីដ-១៩អាចឆ្លងដូចទៅនឹងជំងឺផ្តាសាយ ប៉ុន្តែកូវីដបំប្លែងខ្លួនប្រភេទ Delta មិនដូចនោះទេ វាមានសមត្ថភាពចម្លងបានច្រើនជាង ខ្លាំងជាង និងលឿនជាងកូវីដទម្រង់ដើមឆ្ងាយណាស់។
ហេតុនេះហើយ ការប្រកាន់ខ្ជាប់នូវការពាក់ម៉ាស លាងសម្អាតដៃ រក្សាគម្លាត និងចៀសវាងការប្រមូលផ្ដុំនានា ទើបជាវិធានការណ៍សុវត្ថិភាពបំផុត បន្ថែមពីលើការចាក់វ៉ាក់សាំង៕
ប្រែសម្រួល៖ សន្យា
ចុចអាន៖ រកឃើញរោគសញ្ញាថ្មីមួយទៀត ដែលអាចបញ្ជាក់ថា អ្នកឆ្លងវីរុសបំប្លែងខ្លួន Delta
ចុចអាន៖ Pfizer ចាប់ផ្តើមផ្តល់ថ្នាំលេបសម្រាប់ព្យាបាលអ្នកជំងឺកូវីដ-១៩
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត