សុខភាព

ខ្វះវីតាមីន D នាំឲ្យមានជំងឺបាក់ទឹកចិត្ត តើពិតទេ?

បានផុស

៥ years មុន

នៅ

ថ្ងៃពុធ ១០ វិច្ឆិកា ២០២១

ដោយ

Sonya

អ្នកស្រាវជ្រាវមួយចំនួនបានគិតថាការទទួលបានវីតាមីន D មិនគ្រប់គ្រាន់អាចមានចំណែកក្នុងការបង្កជំងឺបាក់ទឹកចិត្ត ប៉ុន្តែការសិក្សាថ្មីចេញផ្សាយកាលពីថ្ងៃទី៤ ខែសីហា បានឲ្យដឹងថាមិនមានភស្តុតាងណាបញ្ជាក់ថាវីតាមីន D អាចបង្ការជំងឺបាក់ទឹកចិត្តទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាថ្មីនេះបានធ្វើនៅសហរដ្ឋអាមេរិក ដោយសិក្សាទៅលើមនុស្សជាង ១៨ ០០០នាក់ មានវ័យ៥០ឆ្នាំឡើង។ ពាក់កណ្ដាលនៃអ្នកចូលរួមដែលមិនមានរោគសញ្ញាបាក់ទឹកចិត្តនៅពេលចាប់ផ្ដើមការសិក្សាបានផឹកវីតាមីន D3 ក្នុងបរិមាណ ២០០០IU ក្នុងមួយថ្ងៃ និងពាក់កណ្ដាលទៀតគឺផឹកថ្នាំបញ្ឆោត (placebo) ។ អ្នកចូលរួមទាំងអស់ត្រូវបានតាមដានជាមធ្យមរយៈពេល៥,៣ឆ្នាំ។

ជាលទ្ធផល អ្នកស្រាវជ្រាវមិនបានរកឃើញភាពខុសគ្នានៃរោគសញ្ញាជំងឺបាក់ទឹកចិត្តរវាងអ្នកផឹកវីតាមីន D និងអ្នកផឹកថ្នាំបញ្ឆោត (placebo) នោះទេ។

Michael Gerson: Helping hope return - Deseret News

ការសិក្សាបានលើកឡើងថា អាហារបំប៉នវីតាមីន D3 មិនបានជួយដល់ជំងឺបាក់ទឹកចិត្តសម្រាប់មនុស្សពេញវ័យទេ។ ក្នុងការសិក្សានេះមានករណីអ្នកបាក់ទឹកចិត្ត ឬមានរោគសញ្ញាទាក់ទងនឹងជំងឺបាក់ទឹកចិត្ត ចំនួន៦០៩ករណី សម្រាប់ក្រុមអ្នកផឹកវីតាមីន D3 និង៦២៥ករណីក្នុងក្រុមអ្នកផឹកថ្នាំបញ្ឆោត។

យ៉ាងណាមិញ ការសិក្សានេះនៅមានកម្រិតដោយអ្នកចូលរួមបំពេញនូវសំណួរទាក់ទងនឹងរោគសញ្ញាជំងឺបាក់ទឹកចិត្តមួយឆ្នាំម្ដង ហើយអ្នកស្រាវជ្រាវបានធ្វើការសម្ភាសន៍ទៅលើអ្នកចូលរួមចំនួន ១ ០០០នាក់ប៉ុណ្ណោះ។ ម៉្យាងទៀត ការរកឃើញនេះគឺមិនអាចប្រើទៅលើមនុស្សវ័យក្មេង ឬកូនក្មេងទេ។

77,477 Depression Land Feature Stock Photos, Pictures & Royalty-Free Images - iStock

វេជ្ជបណ្ឌិត Brian Power អ្នកជំនាញផ្នែករបបអាហារបានលើកឡើងថា ការសិក្សានេះគឺជាលទ្ធផលល្អមួយ។ លោកបានហៅការរកឃើញនេះថា អាចជួយមិនឲ្យមនុស្សយើងខ្ជះខ្ជាយធនធាននៅថ្ងៃអនាគត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហូបសឹងរាល់ថ្ងៃ មានដឹងអាហារទាំងនេះ ផ្ទុកវីតាមីន D ដែលជួយបង្កើតភាពស៊ាំ ទប់ទល់នឹងវីរុសគ្រប់ប្រភេទ

ចុចអាន៖ វីតាមីន D ល្អដល់ថ្នាក់ហ្នឹងផង? អាចបង្ការទឹកនោមផ្អែម