គន្លឹះសំខាន់ៗ ថែរក្សាសុខភាពពេលអាកាសធាតុចុះត្រជាក់
Connect with us
Helistar Cambodia - Helicopter Charter Services

សុខភាព

គន្លឹះសំខាន់ៗ ថែរក្សាសុខភាពពេលអាកាសធាតុចុះត្រជាក់

បានផុស

នៅ

ការថែរក្សាសុខភាពពេលអាកាសធាតុចុះត្រជាក់មានសារៈសំខាន់ណាស់ ព្រោះ​​អាកាសធាតុត្រជាក់​អាចបង្កបញ្ហាសុខភាពដូចជា ជំងឺហឺត ផ្តាសាយ ឈឺបំពង់ក ឈឺសន្លាក់ និងបង្កើន​ហានិភ័យ​នៃ​ការ​គាំងបេះដូង។ តើយើងត្រូវធ្វើដូចម្តេចដើម្បី​ថែរក្សាសុខភាព​ពេលអាកាស​ធាតុ​ចុះ​ត្រជាក់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងអាចសាកល្បងថែរក្សាសុខភាពពេលអាកាសធាតុចុះត្រជាក់តាមវិធីសាស្រ្តដូចខាងក្រោម៖

១. រក្សារាងកាយឱ្យមានភាពកក់ក្តៅ

ប្រសិនបើរងា យើងគួរពាក់អាវរងា ស្រោមដៃ ស្រោមជើង មួក រុំកន្សែង​នៅ​ក ដើម្បីរក្សា​រាងកាយ​ឱ្យ​មាន​ភាពកក់ក្តៅ ព្រោះអាកាសធាតុ​ត្រជាក់អាចធ្វើ​ឱ្យយើងផ្តាសាយ គ្រុនផ្តាសាយ រលាកសួត ឬគាំងបេះដូងជាដើម។

២. ឧស្សាហ៍ហាលថ្ងៃ

ពេលអាកាសធាតុចុះត្រជាក់ មេឃឧស្សាហ៍ស្រទំ មិនសូវមានពន្លឺថ្ងៃទេ។ យើង​ក៏មិនសូវចេញក្រៅ​ដែរព្រោះត្រជាក់។ ការមិនបានប៉ះ​ពន្លឺព្រះអាទិត្យ​​គ្រប់គ្រាន់​ក្នុង​អំឡុង​រដូវរងា​អាច​បណ្តាល​ឱ្យ​ស្បែក​យើងស្លេក និងអាចធ្វើឱ្យយើង​ខ្វះ​វីតាមីន D ដែល​អាច​ប៉ះពាល់​ដល់​សុខភាព​យើង ជាពិសេស​សុខភាព​​ឆ្អឹង​។

៣. ឧស្សាហ៍លាងដៃ

7 Steps of Handwashing: How to Wash Your Hands Properly

យើងត្រូវឧស្សាហ៍លាងដៃដើម្បីការពារខ្លួនពីការឆ្លង ឬចម្លងបាក់តេរី ឬវីរុស។

៤. ឈប់ជក់បារី

ការជក់បារីធ្វើឱ្យយើងងាយនឹងឆ្លងមេរោគផ្លូវដង្ហើមក្នុងរដូវរងាណាស់។

៥. ញុំាទឹកឱ្យបានច្រើន

យើងគួរញុំាទឹកយ៉ាងហោចណាស់ ៦-៨ កែវក្នុងមួយថ្ងៃដើម្បីកុំឱ្យរាងកាយខ្វះ​ជាតិ​ទឹក​។ ទឹក​អាច​ជួយ​កម្ចាត់​ជាតិពុលចេញពីរាងកាយ និងធ្វើឱ្យស្បែកយើងមានសំណើម។ យើងគួរចៀសវាង​ការញុំា​គ្រឿងស្រវឹង ព្រោះគ្រឿងស្រវឹង​ធ្វើឱ្យយើងបត់ជើងតូចច្រើនដែលងាយធ្វើឱ្យយើងខ្សោះជាតិទឹក។

៦. ហាត់ប្រាណឱ្យបានទៀងទាត់

ពេលអាកាសធាតុចុះត្រជាក់ យើងអាចមានអារម្មណ៍ងងុយគេង ឬខ្ជិល។ ការហាត់ប្រាណ​អាចជួយ​ដាស់អារម្មណ៍ និងធ្វើឱ្យយើងមានអារម្មណ៍ល្អ ព្រោះ​ខួរក្បាលរបស់យើងនឹងបញ្ចេញអ័រម៉ូន Endorphins ដែលជាអ័រម៉ូនធ្វើឱ្យយើង​សប្បាយចិត្ត។

មិនត្រឹមតែប៉ុណ្ណោះ​ ការហាត់ប្រាណ​ជួយ​បង្កើន​កម្តៅរាងកាយ និងជួយពង្រឹង​ប្រព័ន្ធការពាររាងកាយក្នុងការប្រយុទ្ធប្រឆាំងនឹងជំងឺផ្តាសាយ និងគ្រុនផ្តាសាយ ព្រមទាំងអាចជួយឱ្យយើងរក្សា ឬសម្រកទម្ងន់ ធ្វើឱ្យឈាមរត់បានល្អ (បន្ថយ​សម្ពាធឈាម) និងជួយឱ្យយើងគេងលក់ស្រួល។

៧. ញុំាអាហារល្អចំពោះសុខភាព

យើងគួរចៀសវាងញុំាអាហារដែលមានផ្ទុកជាតិខ្លាញ់ ស្ករ និងហ្គាស​ច្រើន ព្រោះអាហារ​ទាំងនេះ​អាច​បណ្តាល​ឱ្យមានបញ្ហារំលាយអាហារ និងក្រហាយទ្រូងដែល​អាចប៉ះពាល់ដល់​ដំណេក​របស់​យើង។

យើងគួរញុំាគ្រាប់ធញ្ញជាតិ សាច់គ្មានខ្លាញ់ ត្រី បសុបក្សី គ្រាប់ផ្លែឈើ គ្រឿងទេស បន្លែ និងផ្លែឈើ​ស្រស់ៗឱ្យបានច្រើន ជាពិសេសអាហារដែលសម្បូរទៅដោយវីតាមីន C ដូចជា​ ក្រូច ទទឹម កន្ទួតព្រៃ សារីព្រៃ សេដា ខាត់ណាខៀវ ស្ពៃក្តោប ម្ទេសហាវៃជាដើម ព្រោះអាហារ​ទាំងនេះ​ជួយ​ពង្រឹង​ប្រព័ន្ធការពារ​រាងកាយរបស់យើង។

៨. គេង ៨ម៉ោងក្នុង ១ថ្ងៃ

Catching Up on Sleep | Sleep Schedule Study

ការគេងគ្រប់គ្រាន់មានសារៈសំខាន់ណាស់នៅរដូវរងា ដែលជាពេលប្រព័ន្ធរាងកាយ​របស់យើង​ចុះ​ខ្សោយ។ យើងគួរគេងឱ្យបាន ៨ម៉ោងដើម្បីបំពេញថាមពល ជួយពង្រឹងប្រព័ន្ធការពាររាងកាយ និងដុតបំផ្លាញកាឡូរី។ ម្យ៉ាងទៀត យើងក៏​មិនគួរគេងលើសពី ៨ម៉ោងដែរ​ ព្រោះអាចធ្វើឱ្យយើងអសកម្ម។

លើសពីនេះទៅទៀត ដើម្បីថែរក្សាសុខភាពពេលអាកាសធាតុចុះត្រជាក់ យើងគួរចៀសវាងការញុំាទឹកកក ព្រោះការញុំាទឹកកកអាចធ្វើឱ្យយើងផ្តាសាយ ឬរលាកបំពង់ក។ យើងគួរញុំាទឹកក្តៅឧណ្ហៗ ឬអាហារក្តៅៗដូចជា ស៊ុប បបរ គុយទាវ ជាដើម៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កំពូល​អាហារ​ទាំង​៦​ ប្រឆាំង​នឹង​ជំងឺ​ផ្ដាសាយ​យ៉ាង​ស័ក្ដិសិទ្ធិ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ចុចអាន៖ រដូវរងាដល់ហើយ មកដឹងពីរបៀបថែទាំសុខភាព កុំឱ្យឈឺ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម២ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ២ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍២ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services