សុខភាព
ចំណុចមួយចំនួន អ្នកចូលចិត្តទៅ Gym គួរដឹង ការពារខ្លួនកុំឱ្យឈឺមិនដឹងរឿង
តាមការស្ទង់មតិពីអ្នកទៅហាត់ប្រាណនៅកន្លែងហាត់ប្រាណ(Gym)ប្រមាណ១ពាន់នាក់ នៅសហរដ្ឋអាមេ៉រិកបានឱ្យដឹងថា ៦០ភាគរយនៃអ្នកទាំងនោះ ពុំបានអនុវត្តបទដ្ឋានអនាម័យត្រឹមត្រូវនោះទេ ពេលចូលហាត់ប្រាណ។ ដូចនេះ បញ្ហាមួយចំនួនបានបង្កឲ្យអ្នកទាំងនោះឈឺដោយសារបាក់តេរី វីរុសនៅទីកន្លែងហាត់ប្រាណ។ ដើម្បីបង្ការបញ្ហាទាំងនោះ និងដើម្បីកុំឱ្យបារម្ភពេលទៅហាត់ប្រាណ និងជាប្រយោជន៍សុខភាពនោះ លោកវេជ្ជបណ្ឌិត Nirav Patel នាយកមជ្ឈមណ្ឌលវេជ្ជសាស្រ្ត នៃសាកលវិទ្យាល័យ New Orleans សហរដ្ឋអាមេ៉រិកបានណែនាំគន្លឹះមួយចំនួនដូចខាងក្រោម៖
១. ការពារខ្លួនពីបាក់តេរី
បាក់តេរីមួយចំនួនដែលអាចមាននៅទីកន្លែងហាត់ប្រាណ គឺពពួក Staphylococcus បង្កឱ្យកើតមានបញ្ហាលើស្បែក។ ដើម្បីការពារខ្លួន យើងគួរគប្បីបិទបង់ លើកន្លែងរបួសឱ្យបានជិត (បើករណីមាន របួស ឬដំបៅ) ព្យាយាមកុំយកដៃប៉ះមុខមាត់ ក្រោយពេលប្រើសម្ភារៈនៅកន្លែងហាត់ប្រាណរួច និងត្រូវធ្វើអនាម័យដោយងូតទឹកសម្អាតខ្លួននឹងសាប៊ូជានិច្ចក្រោយពេលហាត់ប្រាណ។
២. ការពារខ្លួនពីពពួកមេរោគផ្សិត
ទីតាំងកន្លែងហាត់ប្រាណខ្លះស្ថិតក្នុងបិរស្ថានបិទជិត ពុំមានខ្យល់ និងពន្លឺចូលគ្រប់គ្រាន់ ជាហេតុនាំឱ្យឱកាសកើតមានមេរោគផ្សិត កើតពីទីកន្លែងហាត់ប្រាណនោះ។ យើងគួរគប្បី បោកសំលៀកបំពាក់ភ្លាមៗ ក្រោយពេលហាត់ប្រាណរួច និងលាងសម្អាតដៃនឹងសាប៊ូ មុននឹងក្រោយពេលហាត់ប្រាណ ដើម្បីបង្ការហានិភ័យពីពពួកមេរោគទាំងនោះ ហើយគប្បីពាក់ស្បែកជើងពេលហាត់ប្រាណ ចៀសវាងការដើរជើងទទេរ ប៉ះផ្ទាល់នឹងទីកន្លែងហាត់ប្រាណ។
៣. ប្រើប្រាស់របស់ផ្ទាល់ខ្លួនពេលទៅកន្លែងហាត់ប្រាណ
ជាគន្លឹះចុងក្រោយ លោក Nirav Patel បានណែនាំថា ការប្រើសម្ភារៈផ្ទាល់ខ្លួន(បើអាច) ដូចជាកម្រាលសម្រាប់ហាត់យ៉ូហ្កា (Yoga) កន្សែងផ្ទាល់ខ្លួន ជាជម្រើសល្អបំផុតនៅកន្លែងហាត់ប្រាណ ព្រោះថារបស់របរមួយចំនួនដែលប្រើរួមគ្នាច្រើន អាចបង្កហានិភ័យមេរោគច្រើនជាង របស់ផ្ទាល់ខ្លួន។ ជាមួយនឹងការធ្វើអនាម័យ លាងសម្អាតខ្លួន ដៃជើង នឹងសាប៊ូក្រោយពេលហាត់ ហានិភ័យនៃការឈឺដោយសារមេរោគដែលមានប្រភពនៅទីកន្លែងហាត់ប្រាណ ពុំអាចយាយីលើខ្លួនអ្នកបានឡើយ៕
អត្ថបទផ្ដល់សិទ្ធិ៖ Hello គ្រូពេទ្យ
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានអន្ដរជាតិ៣ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៣ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី