Connect with us

សុខភាព

ឧស្សាហ៍ឈឺក្រពះញឹក សាកល្បង ៥ វិធីនេះ ធានាថាបានធូរស្បើយមិនខាន

បានផុស

នៅ

ជួនកាលការឈឺចាប់ក្នុងក្រពះ មិនបណ្ដាលមកពីដំបៅរ៉ាំរ៉ៃ ឬការឆ្លងមេរោគបាក់តេរី នៅក្នុងក្រពះនោះទេ។ ប៉ុន្តែ​វា​អាច​បណ្ដាល​មក​ពី ​ភាព​តានតឹង និង​អាកប្បកិរិយា​មួយ​ចំនួន​ ដែល​បណ្ដាល​ឲ្យ​ឈឺ​ក្រពះ។

​យើងខ្ញុំមាន​វិធី​បំបាត់​ការ​ឈឺ​ក្រពះញឹកញា​ប់ និងអាហារគួរបរិភោគ ៖

១ កាត់បន្ថយ​ភាព​តានតឹង

ការ​មាន​អារម្មណ៍​តានតឹង​ ដោយ​មិន​ព្យាយាម​សម្រាក ​នឹង​ធ្វើ​​​ឲ្យ​ក្រពះ​របស់​អ្នក​បញ្ចេញ​ទឹក​ក្រពះ​ច្រើន​។ ទឹក​ក្រពះ​នឹង​បំផ្លាញ​ស្រទាប់​ក្រពះ ហើយ​ធ្វើ​ឲ្យ​ឈឺ​ក្រពះ។ ទោះជាយ៉ាងណាក៏ដោយ វា​ជា​រឿង​សំខាន់​ក្នុង​ការ​ស្វែងរក​ដំណោះស្រាយ និងបំបាត់ភាពតានតឹង​ជាមួយនឹង​ការធ្វើ​លំហាត់​ប្រាណ ​ឲ្យ​បាន​គ្រប់គ្រាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ ចៀសវាង​ការ​បរិភោគ​អាហារ​ ដែល​ប៉ះពាល់​អវិជ្ជមាន​ដល់​ក្រពះ

អាហារ​ដែល​ធ្វើ​​ឲ្យ​ឈឺពោះ​រួម​មាន​៖ អាហារពិបាករំលាយ ដូចជាសាច់ជ្រូក និងសាច់គោ អាហារ​ចៀន និង​ខ្លាញ់​ខ្ពស់ ដែល​ស្ថិត​ក្នុង​ក្រពះ​យូរ។ ធ្វើឲ្យ​​ក្រពះ​បញ្ចេញ​ទឹក​ក្រពះ​ ដែល​មាន​ជាតិ​អាស៊ីដ​ក្នុង​បរិមាណ​ច្រើន។ ម្យ៉ាងទៀត ជាតិ​អាល់កុល កាហ្វេ តែ​ខ្មៅ និងតែបៃតង បើក្នុង​បរិមាណ​ច្រើន នឹង​ធ្វើ​ឲ្យ​​ក្រពះ រំញោច​ការ​បញ្ចេញ​ទឹក​ក្រពះ ក្នុង​បរិមាណ​ខ្ពស់។ មួយទៀត កុំ​ញ៉ាំ​របស់​ផ្អែម​ច្រើន​ពេក​ដូចជា សូកូឡា និង​នំ​ខេក។ រួម​បញ្ចូល​ទាំង​អាហារ​ដែល​ធ្វើ​​ឲ្យ​រលាក​ភ្នាស​ក្រពះ ដូចជា​ទឹកក្រូច ឬ​ទឹកខ្មេះ​និង​គ្រឿង​ទេសហឹរ។ល។

៣ គេង​ឲ្យ​បាន​គ្រប់គ្រាន់

ប្រព័ន្ធសរសៃ​ប្រសាទ​ស្វយ័ត ទាំងប្រព័ន្ធសរសៃប្រសាទ និងប៉ារ៉ាស៊ីម​ប៉ាទីទិច គ្រប់គ្រង​មុខងារ​របស់​ក្រពះ។ ប្រសិន​បើ​ប្រព័ន្ធសរសៃប្រសាទ​ទាំងពីរ មិន​ដំណើរការ​ក្នុង​តុល្យភាព វា​នឹង​ជះ​ឥទ្ធិពល​អវិជ្ជមាន​ដល់​ការងាររបស់ក្រពះ។ ដូច្នេះហើយ ការគេង​ឲ្យ​បាន​គ្រប់គ្រាន់ ​គឺ​ជា​មធ្យោបាយ​ដ៏​សំខាន់​មួយ ដើម្បី​ធ្វើ​ឲ្យ​មាន​តុល្យភាព​នៃ​ដំណើរការ​ នៃ​ប្រព័ន្ធ​សរសៃ​ប្រសាទ​ស្វយ័ត។

៤ កុំជក់បារី

ការជក់បារីធ្វើ​ឲ្យ​សរសៃឈាមក្នុងស្រទាប់ក្រពះរួមតូច ធ្វើ​ឲ្យ​លំហូរឈាមខ្សោយ និងធ្វើ​ឲ្យ​ស្រទាប់​ក្រពះ​ចុះ​ខ្សោយ។ លើស​ពីនេះ​ទៀត ការ​ជក់បារី​បង្កើន​ការ​បញ្ចេញ​ទឹក​ក្រពះ ដែល​បំផ្លាញ​ស្រទាប់​ខាង​ក្នុង​នៃ​ក្រពះ និង​បណ្ដាល​ឲ្យ​ឈឺពោះ​ធ្ងន់ធ្ងរ។ ​​ប្រសិន​បើ​អ្នក​មិន​ឈប់​ជក់​ទេ វា​នឹង​ធ្វើ​​ឲ្យ​ឈឺ​ក្រពះ​រ៉ាំរ៉ៃ។

៥ ជ្រើសរើសអាហារដែលជួយសម្រាលការឈឺចាប់

អាហារដែលល្អ​សម្រាប់​ក្រពះ គឺជាអាហារដែលងាយរំលាយ សម្បូរ​ទៅ​ដោយ​ជាតិ​ប្រូតេអ៊ីន និង​វីតាមីន ជាតិ​សរសៃ​ទាប វា​មាន​ជាតិ​ស្ករ និង​ជាតិ​ខ្លាញ់​តិច។ នេះ​គឺ​ជា​ឧទាហរណ៍​មួយ​ចំនួន ​នៃ​អាហារ​ដែល​ល្អ​សម្រាប់​ក្រពះ៖ ស្ពៃក្តោប ​សម្បូរទៅដោយវីតាមីន U ដែលដើរតួនាទី​យ៉ាងសំខាន់ក្នុងការបង្កើតជាលិកាថ្មីនៃស្រទាប់ក្រពះ​ និងជួយ​ព្យាបាល​ដំបៅ​ដែល​កើតឡើង​នៅ​ស្រទាប់​ខាងក្នុងនៃក្រពះ បំពង់អាហារ ​ និងជួយការពារការឈឺក្រពះ និងក្រហាយចុងដង្ហើម ដែល​បណ្ដាល​មក​ពី​ការ​ច្រាលអាស៊ីត។

ស្ពៃក្តោបចិន ស្ពៃខ្មៅ ការ៉ុត ​ ចេក និងទឹកប៉េងប៉ោះ សម្បូរទៅដោយវីតាមីន និងសារធាតុរ៉ែដែលជួ​យពង្រឹងស្រទាប់ក្រពះ។ តៅហ៊ូ ​ ត្រីពណ៌ស និងត្រីសាម៉ុង វាគឺជាប្រភពប្រូតេអ៊ីន ដែលអាចរំលាយបានយ៉ាងងាយស្រួល ដែលជួយពង្រឹងស្រទាប់ក្រពះ។

យ៉ាងណាមិញ​​ ​បើ​អ្នក​មាន​អាការ​ឈឺ​ក្រពះ​ សូម​ព្យាយាម​ធ្វើ​តាម​វិធី​ខាងលើ។ ទោះជាយ៉ាងណាក៏ដោយ ប្រសិន​បើការឈឺចាប់នៅតែបន្តកើតមាន និងធ្ងន់ធ្ងរ អ្នកគួរតែ​ទៅ​ពិគ្រោះ​ជាមួយ​គ្រូពេទ្យ៕

ប្រែសម្រួល៖ សាង ស្រីល័ក្ខ

ចុចអាន៖បើនៅសុខៗ ក៏ឈប់ផឹកកាហ្វេ តើនឹងមានអ្វីកើតឡើងចំពោះរាងកាយ?

ចុចអាន៖តែ ៤ ប្រភេទ អ្នកកំពុងប្រើថ្នាំពេទ្យប្រចាំថ្ងៃ គួរចៀសវាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ២ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ២ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៣ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម