សុខភាព

បរិស្ថានមិនល្អ អាចបង្កជាជំងឺរ៉ាំរ៉ៃច្រើនប្រភេទ

បានផុស

៤ years មុន

នៅ

ថ្ងៃចន្ទ ១៨ មេសា ២០២២

ដោយ

កត្តាបរិស្ថានដូចជា ការបំពុល បម្រែបម្រួលអាកាសធាតុ ការឡើងកម្ដៅផែនដី ព្រមទាំងការថយចុះស្រទាប់អូហ្សូន ផ្ដល់ផលអវិជ្ជមានដល់សុខភាពមនុស្សយើងយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ វិបត្តិអាកាសធាតុកំពុងកើនឡើងយ៉ាងឆាប់រហ័ស តួយ៉ាងដូចជាបញ្ហារលកកម្ដៅ គ្រោះរាំងស្ងួត និងខ្យល់ព្យុះ សុទ្ធតែអាចបណ្ដាលឲ្យមានការបំផ្លិចបំផ្លាញយ៉ាងច្រើន និងឆក់យកជីវិតមនុស្សថែមទៀតផង។

កត្តាបរិស្ថាន អាចបង្កជាជំងឺរ៉ាំរ៉ៃអ្វីខ្លះ?

ជាក់ស្ដែង សីតុណ្ហភាពក្ដៅខ្លាំង អាចបង្កើនកំហាប់អូហ្សូនដែលនាំឲ្យមានការឡើងកម្ដៅផែនដី និងអាចបំផ្លាញជាលិកាសួត ក៏ដូចជាបណ្ដាលឲ្យមានផលវិបាកធ្ងន់ធ្ងរសម្រាប់អ្នកជំងឺហឺត និងអ្នកជំងឺសួត។ លើសពីនេះទៅទៀត ការបំពុលបរិស្ថាន និងកាកសំណល់ឧស្សាហកម្ម អាចបង្កឲ្យមានបញ្ហាសុខភាពផ្សេងៗ ដូចជា ជំងឺផ្លូវដង្ហើម ជំងឺហឺត ជំងឺស្ទះសួតរ៉ាំរ៉ៃ (COPD) រលាកទងសួត រលាកច្រមុះ ជំងឺបេះដូង ជំងឺបាក់ទឹកចិត្ត គ្រោះថ្នាក់សរសៃឈាមខួរក្បាល កណ្ដាស់ ក្អក ហត់ ជំងឺរលាកសន្លាក់ គ្រុនចាញ់ ធាត់ ជំងឺទឹកនោមផ្អែម ក៏ដូចជាប្រភេទជំងឺមហារីកមួយចំនួនទៀត។

យើងអាចរក្សាបរិស្ថានស្អាត និងរស់នៅយូរអង្វែងដោយវិធីណាខ្លះ?

វិធីសាស្ត្រងាយៗ និងមានប្រសិទ្ធភាពក្នុងការកាត់បន្ថយផលប៉ះពាល់ប្រចាំថ្ងៃចំពោះបរិស្ថាន មានដូចជា៖

កាត់បន្ថយការប្រើប្រាស់ក្រដាស
កាត់បន្ថយការប្រើប្រាស់ថាមពល
កាត់បន្ថយការប្រើប្រាស់ផ្លាស្ទិក
ប្រើប្រាស់ទឹកដោយសន្សំសំចៃ
ចោលសំរាមក្នុងធុង

ការថែរក្សាបរិស្ថានឲ្យបានស្អាតល្អមានសារសំខាន់ណាស់ ដើម្បីជួយឲ្យយើងមានសុខភាពរឹងមាំ និងរស់នៅយូរអង្វែង។ ដូច្នេះហើយ យើងគួរតែផ្លាស់ប្ដូរទម្លាប់តូចតាចមួយចំនួនប្រចាំថ្ងៃ ដើម្បីជួយឲ្យបរិស្ថានរស់នៅកាន់តែប្រសើរឡើង៕

អត្ថបទផ្ដល់ដោយ៖ Hello Krupet

ចុចអាន៖គួរញ៉ាំអាហារទាំងនេះ មុនពេលញ៉ាំគ្រឿងស្រវឹង

ចុចអាន៖អាហារ ៧ មុខ ធ្វើឲ្យមានអារម្មណ៍ល្អ បំបាត់ភាពតានតឹងចេញពីខាងក្នុង