សុខភាព
វៀតណាមប្រយ័ត្នខ្លាំង ពេលនេះកំពុងតាមដាន ជំងឺរលាកថ្លើមស្រួចស្រាវដ៏អាថ៌កំបាំង នៅក្នុងប្រទេស
ក្រសួងសុខាភិបាលវៀតណាម បានអំពាវនាវឲ្យមានការតាមដានក្នុងមូលដ្ឋាន ដើម្បីរកឲ្យឃើញនូវករណីជំងឺរលាកថ្លើមស្រួចស្រាវដ៏អាថ៌កំបាំង ដែលត្រូវបានគេរកឃើញក្នុងប្រទេសចំនួន២០ហើយ។
ក្រសួងសុខាភិបាលទីក្រុងហូជីមិញ កាលពីថ្ងៃសុក្រទី០៦ខែឧសភា បានស្នើឲ្យគ្រឹះស្ថានសុខាភិបាល ជាពិសេសមន្ទីរពេទ្យកុមារ បង្កើនការឃ្លាំមើល ដើម្បីរកឲ្យឃើញពីជំងឺមិនដឹងប្រភពនេះ ក្នុងចំណោមកុមារ។
ក្រសួងនិយាយថា ប្រសិនបើករណីបែបនេះត្រូវបានរកឃើញមែន អង្គភាពស្រាវជ្រាវគ្លីនិករបស់សាកលវិទ្យាល័យ Oxford (OUCRU) នឹងប្រមូលព័ត៌មាន និងសំណាកដើម្បីធ្វើតេស្ត ហើយរកមើលមូលហេតុ រួមទាំងមេរោគដូចជា Adenovirus ផងដែរ។
អគ្គនាយកដ្ឋានវេជ្ជសាស្ត្របង្ការ បានស្នើឲ្យវិទ្យាស្ថានជាតិអនាម័យ និងរោគរាតត្បាត និងវិទ្យាស្ថានប៉ាស្ទ័រ ប្រុងប្រយ័ត្នចំពោះជំងឺអាថ៌កំបាំងនេះ ហើយរៀបចំវិធានការ ដើម្បីកំណត់ចំនួនអ្នកឆ្លង និងការស្លាប់។
អគ្គនាយកដ្ឋានបន្ថែមថា ទារក, កុមារអាយុក្រោមមួយឆ្នាំ និងក្រុមមនុស្សដែលមានហានិភ័យខ្ពស់ ចាំបាច់ត្រូវចាក់វ៉ាក់សាំងប្រឆាំងនឹងជំងឺរលាកថ្លើមប្រភេទ B ជាវិធានការបង្ការ។
ទោះបីជាយ៉ាងណាក៏ដោយ មកទល់ពេលនេះ វៀតណាម មិនទាន់រកឃើញករណីនៃជំងឺរលាកថ្លើមស្រួចស្រាវដ៏អាថ៌កំបាំងនេះនៅឡើយទេ ប៉ុន្តែក្រសួងសុខាភិបាលនិយាយថា ខ្លួនមិនធានាទេដែលថា ជំងឺនេះនឹងមិនអាចប្រទេសបាន។
គួរបញ្ជាក់ថា ជំងឺអាថ៌កំបាំងនេះត្រូវបានគេរកឃើញជាលើកដំបូងក្នុងប្រទេសអង់គ្លេស និងស្កុតឡែននៅដើមខែមេសា ដោយកុមារប្រហែល ៧០ នាក់ដែលមានអាយុពីមួយខែដល់ ១៦ ឆ្នាំបានឆ្លងមេរោគ។ ភាគច្រើននៃអ្នកឆ្លងគឺជាកុមារដែលមានអាយុក្រោម ៥ ឆ្នាំ។
ក្រោយមក ជំងឺនេះត្រូវបានគេរកឃើញនៅប្រទេសចំនួន ២០ ផ្សេងទៀត។ នៅតំបន់អាស៊ីអាគ្នេយ៍ ក្រសួងសុខាភិបាលឥណ្ឌូណេស៊ី និយាយថា កុមារ៣នាក់ បានស្លាប់ដោយសារជំងឺដ៏អាថ៌កំបាំងនេះ៕
ប្រែសម្រួល៖ Vann Vann
ប្រភព៖ VN Express
ចុចអាន៖ ជំងឺរលាកថ្លើមដ៏អាថ៌កំបាំង រកឃើញលើកុមារជិត៣០០នាក់ហើយ ទូទាំងពិភពលោក
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)