សុខភាព
អេស្ប៉ាញទំនងព្រមានពីជំងឺរលាកថ្លើមដ៏អាថ៌កំបាំងចំពោះកុមារ
ប្រទេសអេស្ប៉ាញបានរកឃើញជំងឺរលាកថ្លើមដ៏ធ្ងន់ធ្ងរចំនួន៣០ករណីដែលមិនដឹងពីប្រភពកើតឡើងច្បាស់លាស់តាំងពីដើមឆ្នាំនេះមក។ នេះបើតាមរបាយការណ៍ពីស្ថានភាពថ្មីរបស់ក្រសួងសុខាភិបាលបានបង្ហាញ។
ជំងឺដ៏អាថ៌កំបាំងភាគច្រើនបំផុតកើតមានចំពោះមនុស្សវ័យក្មេង។ ក្នុងចំណោមនោះ មានអ្នកជំងឺ២៤នាក់មានអាយុក្រោម១០ឆ្នាំ។ ក្រសួងសុខាភិបាលបានកត់សំគាល់ថា គ្មានអ្នកជំងឺណាម្នាក់ដែលជាប់ពាក់ព័ន្ធគ្នាទេ ហើយក៏គ្មានសញ្ញានៃការឆ្លងរាលដាលរវាងករណីទាំងអស់ដែរ។
ក្រសួងសុខាភិបាលអេស្ប៉ាញបានបង្ហាញថា ៖«វាចាំបាច់ណាស់ដើម្បីតាមដានឲ្យបានដិតដល់ និងបន្តធ្វើការស៊ើបអង្កេតដើម្បីបញ្ជាក់ ឬកំណត់ថាតើមានករណីកំពុងកើនឡើងជាជំងឺរលាកថ្លើម ប្រៀបធៀបនឹងអ្វីដែលត្រូវបានរំពឹងទុក»។ ក្រសួងទទួលស្គាល់ថា ខ្លួននៅមិនដឹងច្បាស់ថាតើ ករណីនេះលើសពីកម្រិតធម្មតាឬយ៉ាងណា។
យោងតាមរបាយការណ៍បង្ហាញថា អ្នកជំងឺទី១បានចេញរោគសញ្ញាកាលពីថ្ងៃទី២ ខែមករា។ ការរកឃើញលើកឡើងថា ជំងឺបានធូរស្រាលតាំងពីដើមខែមេសា ស្របពេលករណីនៃជំងឺរលាកថ្លើមស្រួចស្រាវត្រូវបានរាយការណ៍នៅកន្លែងជាច្រើន ជាពិសេសបណ្តាប្រទេសអឺរ៉ុប និងសហរដ្ឋអាមេរិកផងដែរ។
យោងតាមទិន្នន័យថ្មីបំផុតរបស់អង្គការសុខភាពពិភពលោក (WHO), ករណីសង្ស័យចំនួន៦៥០នៃជំងឺនេះនៅក្នុងកុមារត្រូវបានរាយការណ៍ចន្លោះថ្ងៃទី៥ ខែមេសា និងថ្ងៃទី២៦ ខែឧសភា។ មានចំនួន៩៩ករណីទៀតស្ថិតក្រោមការស៊ើបអង្កេត។
ទីភ្នាក់ងារសុខភាពរបស់អង្គការសហប្រជាជាតិ បានកត់សំគាល់ថា ជំងឺរលាកថ្លើមដ៏ធ្ងន់ធ្ងរត្រូវបានរកឃើញរហូតដល់ពេលនេះក្នុងប្រទេស៣៣។ អ្នកវិទ្យាសាស្ត្រទូទាំងពិភពលោកនៅតែមិនទាន់អាចកំណត់ពីមូលហេតុរបស់វាទេ។
«មូលហេតុនៃជំងឺរលាកថ្លើមដ៏ធ្ងន់ធ្ងរនេះនៅតែមិនដឹង និងស្ថិតក្រោមការស៊ើបអង្កេត។ ករណីធ្ងន់ធ្ងរជាង និងសមាមាត្រខ្ពស់វិវត្តទៅជាជំងឺខ្សោយថ្លើមធ្ងន់ធ្ងរ ប្រៀបធៀបនឹងរបាយការណ៍មុនៗនៃជំងឺរលាកថ្លើមដែលមិនដឹងពីមូលហេតុនៅក្នុងកុមារ»។ WHO បាននិយាយកាលពីថ្ងៃសុក្រ។
អង្គការសុខភាពពិភពលោកបានជំរុញដល់សមាជិករបស់ខ្លួនបង្កើនការស្រាវជ្រាវចំពោះធម្មជាតិ និងមូលហេតុនៃជំងឺរលាកថ្លើម។ WHO បាននិយាយថា ៖«រដ្ឋជាសមាជិក ត្រូវបានលើកទឹកចិត្តយ៉ាងខ្លាំងដើម្បីបង្ហាញអត្តសញ្ញាណ ស៊ើបអង្កេត និងរាយការណ៍ពីករណីដ៏មានសក្តានុពល ដែលសមស្របនឹងនិយមន័យខាងលើ។ ការធ្វើតេស្តឈាម សេរ៉ូម ទឹកនោម លាមក ផ្លូវដង្ហើម និងថ្លើម (ប្រសិនបើមាន) គួរត្រូវបានធ្វើសម្រាប់ករណីទាំងអស់ដើម្បីឲ្យស្របតាមនិយមន័យ»៕
ប្រែសម្រួល៖ វីរបុត្រ
ប្រភព៖ RT
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា