Connect with us

សុខភាព

លោក​ស្រី​ ឱ វណ្ណឌីន​ អំពាវ​នាវ​ឱ្យមន្ត្រី​ជួរមុខ​ និង​ក្រុមគោលដៅ​ទៅ​ចាក់វ៉ាក់សាំងដូសទី ៥​ ដើម្បី​រក្សា​ភាពស៊ាំ​សហគមន៍

បានផុស

នៅ

លោកស្រី ឱ វណ្ណឌីន រដ្ឋលេខាធិការ ​និងជាអ្នកនាំពាក្យក្រសួងសុខាភិបាល នៅថ្ងៃទី ៦ ខែមិថុនា ឆ្នាំ ២០២២ នេះ បានថ្លែងអំពាវនាវឱ្យ​ថ្នាក់ដឹកនាំរាជរដ្ឋាភិបាល ក្រុមគ្រូពេទ្យជួរមុខ​ រដ្ឋ និងឯកជន មន្ត្រីរាជការស៊ីវិល អ្នកសារព័ត៌មាន អញ្ជើញទៅចាក់វ៉ាក់សាំងកូវីដ១៩ដូសទី ៥ ចាប់ពីថ្ងៃទី ៩ ខែមិថុនា​ឆ្នាំ ២០២២ តទៅដើម្បីរក្សាភាពស៊ាំក្នុងសហគមន៍​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីថ្លែងថា ការទៅចាក់វ៉ាក់សាំងកូវីដ១៩ ដូសទី៥ គឺជាការជួយបង្កើននូវភាពស៊ាំនៅក្នុងសរីរាង្គរបស់បុគ្គលផង និងរក្សានូវភាពរឹងមាំនៃភាពស៊ាំសហគមន៍​ដើម្បីឆ្ពោះទៅរកការរស់នៅធម្មតានៅ​ក្នុងប្រក្រតីភាពថ្មី ក្នុងការចូលរួមបន្តទប់ស្កាត់នូវការវ៉ៃលុកពីវីរុសកូវីដ១៩ ជាពិសេសគឺពពួកបំប្លែងថ្មីៗ និងកាត់បន្ថយបានជាអតិបរមា ការមរណភាពដោយសារជំងឺកូវីដ១៩។

លោកស្រីថា ថ្វីត្បិតតែស្ថានភាពនៃការឆ្លងរាត្បាតនៃជំងឺកូវីដ១៩ នៅកម្ពុជាមានភាពធូរស្រាលក៏ពិតមែន ប៉ុន្តែយើងមិនត្រូវភ្លេចខ្លួន ខណៈស្ថានភាពឆ្លងកូវីដ១៩ នៅលើពិភពលោក មិនទាន់មានភាពធូរស្រាលនៅឡើយ ហើយកម្ពុជាក៏ត្រូវបង្កើន​ការប្រុង​ប្រយ័ត្ន​ចៀសវាងការផ្ទុះឡើងវិញ ដែលយើងធ្លាប់ឆ្លងកាត់រួចមកហើយ៕

អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម