សុខភាព
មេ WHO ថា ទាំងកូវីដ និងជំងឺអុតស្វា កំពុងតែវាយលុកខ្លាំង
ប្រធានអង្គការសុខភាពពិភពលោក (WHO) បាននិយាយកាលពីថ្ងៃពុធថា ករណីឆ្លងវីរុសកូវីដ ១៩ បានកើនឡើងទ្វេដងក្នុងរយៈពេល ៦ សប្តាហ៍ ខណៈជំងឺអុតស្វាក៏កំពុងរាលដាលខ្លាំងដូចគ្នា ពោលឡើងដល់ជិត ១៤,០០០ ករណីនៅក្នុងប្រទេសចំនួន ៧០ ក្នុងឆ្នាំ ២០២២ នេះ ។
លោក Tedros Adhanom Ghebreyesus បាននិយាយទៀតថា ចំណែកការស្លាប់ដោយសារកូវីដវិញក៏កំពុងកើនឡើងផងដែរ ប៉ុន្តែសម្រាប់ពេលនេះ វាមិនលឿន ឬច្រើនដូចករណីឆ្លងនោះទេ ហើយការកើនឡើងករណីឆ្លងនេះដែរក៏ដោយសារតែការផ្ទុះវីរុសអូមីក្រុងពូជថ្មី ជាពិសេសប្រភេទ BA.5 ដែលជាវីរុសឆ្លងខ្លាំង និងលឿនបំផុត ។
លោក Tedros បាននិយាយក្នុងសិក្ខាសាលាមួយថា “យើងនឹងបន្តឃើញរលកឆ្លងជាបន្តបន្ទាប់ ប៉ុន្តែយើងនឹងមិនមានរលកនៃការចូលសម្រាកព្យាបាលនៅមន្ទីរពេទ្យ និងការស្លាប់នោះទេ ដោយសារតែយើងមានឧបករណ៍ដើម្បីសង្គ្រោះជីវិតដូចជា វ៉ាក់សាំង ឧបករណ៍ធញធ្វើតេស្ត ក៏ដូចជាឧបករណ៍ព្យាបាល និងវិធីថែទាំងសុខភាពសាធារណៈជាដើម” ។
ដោយឡែកទាក់ទិននឹងជំងឺអុតស្វាវិញ លោក Tedros បាននិយាយថា “រហូតមកដល់ពេលនេះមានការស្លាប់ចំនួន ៥ នាក់ហើយ ខណៈអ្នកស្លាប់ទាំងអស់នេះគឺនៅអាហ្វ្រិក ហើយករណីភាគច្រើនត្រូវបានរកឃើញនៅអឺរ៉ុប ជាពិសេសក្នុងចំណោមបុរសដែលរួមភេទជាមួយបុរស” ។
ប្រធាន WHO រូបនេះបញ្ជាក់ថា ទោះបីជាករណីជំងឺអុតស្វាធ្លាក់ចុះនៅក្នុងប្រទេសមួយចំនួនក៏ដោយ ប៉ុន្តែប្រទេសខ្លះទៀតកំពុងមានការកើនឡើងករណីឆ្លង ហើយប្រទេសចំនួន ៦ បានរាយការណ៍ពីករណីដំបូងរបស់ពួកគេកាលពីសប្តាហ៍មុន ។
ជាចុងក្រោយលោក Tedros បាននិយាយថា “សប្តាហ៍នេះ WHO បានធ្វើបច្ចុប្បន្នភាពការណែនាំសម្រាប់បុរសដែលរួមភេទជាមួយបុរស ដើម្បីផ្ដល់ដំបូន្មាន ក៏ដូចជាផ្ដល់ព័ត៌មានបន្ថែមសម្រាប់សហគមន៍ដែលកំពុងរងផលប៉ះពាល់ដោយជំងឺអុតស្វា” ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ WHO ឲ្យ អង់គ្លេស ប្ដូរឯកសណ្ឋានអ្នកយាមវាំង ដើម្បីទប់សីតុណ្ហភាពក្ដៅខ្លាំង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ