WHO ឲ្យ អង់គ្លេស ប្ដូរឯកសណ្ឋានអ្នកយាមវាំង ដើម្បីទប់សីតុណ្ហភាពក្ដៅខ្លាំង

លោកស្រីវេជ្ជបណ្ឌិត Maria Neira ដែលជាប្រធាននាយកដ្ឋានបរិស្ថាន អាកាសធាតុ និងសុខភាពរបស់អង្គការសុខភាពពិភពលោក (WHO) បាននិយាយកាលពីថ្ងៃអង្គារថា ចក្រភពអង់គ្លេសគួរតែកែសម្រួលឯកសណ្ឋានកងឆ្មាំយាមរាជវាំង រួមទាំងមួកវែង ដើម្បីទប់ទល់ទៅនឹងរលកកម្ដៅដែលមិនធ្លាប់មាននៅក្នុងប្រទេស ។

លោកស្រី Neira សង្ឃឹមថា អ្នកយាមរាជវាំងនឹងទទួលបានការផ្លាស់ប្តូរឯកសណ្ឋានទាក់ទងនឹងការកើនឡើងនៃរលកកម្ដៅ ហើយសម្លៀកបំពាក់របស់ពួកគេត្រូវតែសម្របទៅតាមស្ថានភាពបច្ចុប្បន្ន” ។

អាកាសធាតុក្តៅខុសធម្មតាកំពុងអុកឡុកនៅក្នុងប្រទេសអឺរ៉ុបជាច្រើន រួមទាំងចក្រភពអង់គ្លេស អ៊ីតាលី បារាំង ក្រិក អេស្ប៉ាញ ព័រទុយហ្គាល់ និងអាល្លឺម៉ង់ ដោយសីតុណ្ហភាពកើនឡើងលើសពី ៤០ អង្សាសេ ។

ទន្ទឹមនោះនៅព្រឹកថ្ងៃដដែលនេះ ការិយាល័យឧតុនិយមរបស់ចក្រភពអង់គ្លេសក៏បានកត់ត្រាសីតុណ្ហភាពថ្មីដែលមិនធ្លាប់មានក្នុងកំណត់ត្រាគឺ ៤០.២ អង្សាសេ ដែលជាសីតុណ្ហភាពខ្ពស់បំផុតនៅក្នុងប្រទេស ចាប់តាំងពីឆ្នាំ ២០១៩ មក ។

ដោយឡែកកាលពីថ្ងៃសុក្រសប្តាហ៍មុន អាជ្ញាធរចក្រភពអង់គ្លេសបានចេញការព្រមានកម្រិត “ពណ៌ក្រហម” ជាលើកដំបូងដែលមិនធ្លាប់មានសម្រាប់រលកកម្ដៅខ្លាំងនៅទូទាំងផ្នែកធំៗនៃប្រទេសអង់គ្លេស រួមទាំងទីក្រុងឡុងដ៍ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អង់គ្លេស ជួបប្រទះ សីតុណ្ហភាពក្តៅខ្លាំងបំផុត ក្នុងប្រវត្តិសាស្រ្ត