សុខភាព
WHO ប្រាប់កុំឲ្យយល់ច្រឡំ ជំងឺអុតស្វា មិនទាក់ទងនឹងសត្វស្វាឡើយ
អង្គការសុខភាពពិភពលោក (WHO) បាននិយាយថា ការផ្ទុះឡើងនៃជំងឺអុតស្វាមិនជាប់ទាក់ទងនឹងសត្វស្វានោះទេ បន្ទាប់ពីមានការវាយប្រហារជាច្រើនទៅលើសត្វស្វានៅប្រទេសប្រេស៊ីល ។
អ្នកនាំពាក្យរបស់ WHO លោកស្រី Margaret Harris បានប្រាប់អ្នកយកព័ត៌មាននៅទីក្រុងហ្សឺណែវថា “អ្វីដែលមនុស្សយើងត្រូវដឹងគឺថា ការឆ្លងជំងឺអុតស្វាដែលយើងកំពុងឃើញគឺកើតឡើងពីទំនាក់ទំនងរវាងមនុស្ស និងមនុស្ស” ។
លោកស្រីបានទទូចថា សត្វស្វាមិនអាចត្រូវបានគេស្តីបន្ទោសចំពោះការកើនឡើងនៃជំងឺអុតស្វានោះទេ ជាពិសេសនៅក្នុងប្រទេសប្រេស៊ីល បន្ទាប់ពីមានសេចក្តីរាយការណ៍អំពីការឡើងភ្នំដើម្បីតាមសម្លាប់ និងការបំពុលសត្វស្វានៅក្នុងប្រទេសអាមេរិកខាងត្បូងមួយនេះ ។
លោកស្រី Harris បានគូសបញ្ជាក់ថា ទោះបីជាឈ្មោះរបស់វា “Monkeypox” សំដៅលើសត្វស្វាក៏ដោយ ប៉ុន្តែសត្វស្វាមិនមែនជាភ្នាក់ងារចម្លងជំងឺមួយនេះ និងមិនមានជាប់ពាក់ព័ន្ធការផ្ទុះឡើងនាពេលបច្ចុប្បន្ននេះនោះទេ ។
WHO បានដាក់ឈ្មោះជំងឺនេះថា “Monkeypox” ដោយសារតែមេរោគនេះត្រូវបានគេរកឃើញដំបូងនៅក្នុងសត្វស្វាដែលត្រូវបានរក្សាទុកសម្រាប់ការស្រាវជ្រាវនៅក្នុងប្រទេសដាណឺម៉ាក ប៉ុន្តែក្រោយមកជំងឺនេះត្រូវបានរកឃើញនៅក្នុងសត្វមួយចំនួនទៅវិញ ហើយញឹកញាប់បំផុតនោះគឺនៅក្នុងសត្វកកេរ ។
គួរបញ្ជាក់ថា ចាប់តាំងពីខែឧសភាមក ពិភពលោកបានកត់ត្រាករណីឆ្លងជំងឺអុតស្វាជាង ៣១,៤០០ ករណី និងអ្នកស្លាប់ចំនួន ១២ នាក់ ដែលជាការផ្ទុះឆ្លងនៅខាងក្រៅបណ្តាប្រទេសនៅអាហ្វ្រិកខាងលិច និងកណ្តាល ដែលជំងឺនេះបានរីករាលដាលជាយូរមកហើយ ៕
ប្រែសម្រួលដោយ ៖ ជីវ័ន្ត
ប្រភព ៖ Daily Sabah
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង