សុខភាព

កុំចូលចិត្តញ៉ាំលៀស ខ្ចៅ ខ្យង ពេក ព្រោះអាច ឆ្លងសត្វល្អិតទៅក្នុងពោះវៀន

បានផុស

៤ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

មនុស្សមួយចំនួន ចូលចិត្តញ៉ាំពពួកលៀស ខ្ចៅ ខ្យង ព្រោះវាមានរសជាតិឆ្ងាញ់ និងថោកអាចរកទិញបានគ្រប់ទីកន្លែង។ តែការញ៉ាំអាហារទាំងនេះច្រើន អាចមានផលប៉ះពាល់ខ្លាំងចំពោះសុខភាព ព្រោះសាច់សត្វទាំងនោះរស់នៅកន្លែងមិនល្អ និងជាប់មានដីនៅជាមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីបកស្រាយពីបញ្ហានេះ វេជ្ជបណ្ឌិតផ្នែកទូទៅ លី ឬទ្ធីគុណ និងជាម្ចាស់សេវាកម្មថែទាំមនុស្សចាស់តាមគេហដ្ឋាន បានពន្យល់ថា៖ “ខ្យង ខ្មៅខ្លះមិនមែនធម្មជាតិឡើយ ព្រោះគ្មានអ្នកនៅតាមស្រុកស្រែចុះទៅចាប់ទៅរាវនៅបឹង នៅទន្លេបានច្រើនរាល់ថ្ងៃយកមកផ្គត់ផ្គង់គ្រប់កន្លែង ព្រមទាំងហាងធំៗដែរនោះទេ។ មានខ្លះគេចិញ្ចឹម និងយកមកពីប្រទេសជិតខាងយើង ហើយបើខ្លះទៀតវារស់នៅក្នុងទឹកកខ្វក់ ហើយជាធម្មតារបស់ចិញ្ចឹមគឺគេឲ្យស៊ីកាកសំណល់គ្រប់ប្រភេទ ភាគច្រើនរបស់មិនល្អ”។

លោកបានបន្តថា ជាធម្មតាសត្វទាំងនោះពេលចាប់បាន វាបិទមាត់ ហើយពេលយកទៅស្រុះទើបហើបមាត់ ដូចនេះមានអៀន ព្រូន តេនញ៉ាខ្លះចេញ និងខ្លះទៀតក៏មិនចេញដែរ។ បើជាលៀសវិញខ្លះវិញមិនបានចម្អិនឡើយ គ្រាន់តែហាលថ្ងៃ ប្រឡាក់អំបិលម្ទេស ពងព្រូន ពងតេនញ៉ាដែលរស់នៅក្នុងសត្វទាំងនោះវាមិនងាប់ឡើយ ព្រោះពពួកប៉ារ៉ាស៊ីតទាំងនេះត្រូវប្រើកម្ដៅរាប់រយអង្សាសេរដោយដាំទឹកឲ្យពុះ ១៥ នាទី។

វេជ្ជបណ្ឌិត លី ឬទ្ធីគុណ បានបន្ថែមថា នៅពេលដែលព្រូន អៀន ឬតេនញ៉ាឆ្លងចូលទៅ វានឹងរស់នៅក្នុងពោះយើង ហើយអាចបង្កឲ្យមានរោគសញ្ញាដូចជា ឈឺពោះ ស្គម ស្លេកស្លាំង ជួនកាលរាក ឬទល់លាមក។ នៅពេលវាផ្ដាច់ចេញជាកង់ៗ រួចធ្លាក់មកទំខោទ្រនាប់ ធ្វើឲ្យយើងមានជំងឺរមាស់គូទ។ មានកូនតេនញ៉ាខ្លះធ្វើចលនាចូលទៅដល់ខួរក្បាល វាមានរោគសញ្ញាធ្វើឲ្យយើងមានជំងឺប្រកាច់ ឬមានលក្ខណៈស្រដៀងនឹងមនុស្សមានជំងឺឆ្កួតជ្រូក។ បើវាបន្តនៅក្នុងពោះវៀន សារជាតិទាំងប៉ុន្មានដែលមានសារសំខាន់ជួយទ្រទ្រង់រាងកាយ តេនញ៉ានឹងស្រូបយកសារធាតុទាំងអស់នោះ ធ្វើឲ្យសុខភាពមានការចុះខ្សោយ និងស្គមរីងរៃ៕

អត្ថបទផ្ដល់ដោយ៖ Hello Krupet

ចុចអាន៖កាហ្វេ និង តែបៃតង មួយណាមានជាតិកាហ្វេអ៊ីនតិច ហើយល្អដល់សុខភាព?

ចុចអាន៖អ្នកមានបញ្ហារលាកសន្លាក់ គួរចៀសវាងអាហារទាំងនេះ បើមិនចង់ឲ្យកាន់តែធ្ងន់ធ្ងរ

Related Topics:ការថែទាំសុខភាព