សុខភាព

ក្រៅពីស្រា ភេសជ្ជៈផ្អែមៗ ក៏បណ្ដាលឲ្យខូច តម្រងនោមដែរ

បានផុស

៤ years មុន

នៅ

ថ្ងៃចន្ទ ២៤ តុលា ២០២២

ដោយ

ដើម្បីបំបាត់ការស្រេកទឹក ពេលអាកាសធាតុក្តៅ គ្នាយើងខ្លះ ចូលចិត្តផឹកទឹកត្រជាក់ហើយផ្អែមទៀត ដោយខ្លះផឹកសឹងរាល់ថ្ងៃ។ បើដូច្នេះ គួរកែប្រែទម្លាប់ឡើងវិញហើយ ព្រោះផឹកភេសជ្ជៈផ្អែមច្រើន បង្កឲ្យកើតជំងឺតម្រងនោម មិនចាញ់ផឹកស្រាប៉ុន្មាននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាមួយលើបុរស និងស្រ្តី សម្បុរខ្មៅ នៅរដ្ឋ Missisippi របស់អាមេរិក រកឃើញថា អ្នកផឹកភេសជ្ជៈផ្អែមច្រើន ទាំងភេសជ្ជៈកំប៉ុង និងទឹកផ្លែឈើ មានហានិភ័យ ៦១% វិវត្តទៅកើតជំងឺតម្រងនោមរ៉ាំរ៉ៃ។ ការសិក្សានេះ ធ្វើឡើងពីឆ្នាំ២០០០-២០០៤ ហើយអ្នកស្រាវជ្រាវតាមដានលើអ្នកចូលរួមក្នុងការសិក្សាពីឆ្នាំ២០០៩-២០១៣។

ប៉ុន្ដែលទ្ធផលការសិក្សានេះ ពុំបានបញ្ជាក់ពីប្រភេទភេសជ្ជៈនីមួយៗដែលពាក់ព័ន្ធនឹងការបង្កឲ្យកើតជំងឺតម្រងនោមនោះទេ។

លោកវេជ្ជបណ្ឌិត Holly Kramer និង David Shoham នៃសាកលវិទ្យាល័យ Loyola នៅរដ្ឋ Chicago ដែលចូលរួមក្នុងការសិក្សា បញ្ជាក់ថា ការរកឃើញនេះពាក់ព័ន្ធនឹងសុខភាពសាធារណៈរបស់អាមេរិកក្នុងការកាត់បន្ថយការផឹកភេសជ្ជៈផ្អែមតាមរយៈការដំឡើងពន្ធ។

ចំណែកអ្នកជំងឺតម្រងនោម Duane Sunwold ដែលចូលរួមផ្ដល់យោបល់ណែនាំក្នុងការសិក្សានេះ លើកឡើងថា លោកកែប្រែទម្លាប់ញ៉ាំ និងផឹក ដើម្បីការពារកុំឲ្យជំងឺកើតឡើងវិញ។ លោកណែនាំឲ្យអ្នកជំងឺតម្រងនោមផ្សេងទៀត ចាំបាច់កាត់បន្ថយផឹកភេសជ្ជៈផ្អែម៕

អត្ថបទផ្ដល់ដោយ៖Hello Krupet

ចុចអាន៖ញ៉ាំអាហារទាំងនេះប្រចាំថ្ងៃមិនល្អទេ អាចប្រឈមជំងឺមហារីក