សុខភាព

ផ្លែឈើ ១០ មុខ ព្យាបាលបញ្ហាទល់លាមក

បានផុស

១ year មុន

នៅ

ថ្ងៃព្រហស្បតិ៍ ១៧ វិច្ឆិកា ២០២២

ដោយ

ទល់លាមកគឺជាបញ្ហាដែលរំខានដល់ស្ត្រីជាច្រើន ហើយជំនួសឲ្យការប្រើថ្នាំគ្រាប់ ឬថ្នាំបញ្ចុះលាមក សូមមកសាកល្បងប្រើវិធីធម្មជាតិ ដោយការបរិភោគផ្លែឈើ ដើម្បីជួយសម្រួលដល់ការទល់លាមកឬពិបាកបត់ជើង។

ផ្លែឈើ ១០ មុខខាងក្រោមនេះជួយព្យាបាលការទល់លាមក បានយ៉ាងមានប្រសិទ្ធភាពបំផុត។

១ ផ្លែល្ហុង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីលើផ្លែល្ហុងជួយបញ្ចុះទឹកនោម វាក៏ជួយបញ្ចេញជាតិពុលផងដែរ។ ព្រោះផ្លែល្ហុងទុំមានរសជាតិផ្អែម ងាយស្រួលញ៉ាំ ងាយរំលាយ បូករួមទាំងវីតាមីន A ខ្ពស់ ខ្លាញ់ និងកូលេស្តេរ៉ុលតិច។ ប៉ុន្តែកុំញ៉ាំច្រើនពេក ព្រោះអាចប្រឈមនឹងជំងឺឆ្អឹង ជំងឺសន្លាក់ និងអាចជួបប្រទះការបាត់បង់ចំណង់អាហារ ឬគេងមិនលក់ជាដើម។

២ ផ្លែប៉ោម

ផ្លែប៉ោមមានផ្ទុកសារជាតិ pectin ។ វាបន្ថែមជាតិសរសៃដល់បំពង់រំលាយអាហារ ដូច្នេះហើយ បង្កើនប្រសិទ្ធភាពនៃប្រព័ន្ធ excretory ឲ្យដំណើរការកាន់តែប្រសើរឡើង។ លើសពីនេះ វីតាមីន C ជួយការពារជំងឺផ្ដាសាយ ការពារជំងឺក្រិន ហើយវាក៏ជួយការពារមហារីកពោះវៀនផងដែរ។

៣ ចេក

មិនចម្លែកទេ ដែលការទទួលទានផ្លែចេកនឹងជួយឲ្យការបន្ទោរបង់បានកាន់តែងាយស្រួល ជាតិសរសៃ និងសារធាតុចិញ្ចឹមនៅក្នុងផ្លែចេកអាចជួយកាត់បន្ថយការទល់លាមកយ៉ាងមានប្រសិទ្ធភាព។ វាក៏ជួយធ្វើឲ្យប្រព័ន្ធបញ្ចេញចោលមានតុល្យភាពផងដែរ។

៤ ស្វាយទុំ

ផ្លែស្វាយទុំមានវីតាមីន C ខ្ពស់។ វាក៏មានផ្ទុកនូវសារធាតុប្រឆាំងអុកស៊ីតកម្ម វីតាមីន A បេតាការ៉ូទីន និងជួយបន្ទន់លាមកផងដែរ។ ប៉ុន្តែការប្រុងប្រយ័ត្នគឺ កុំបរិភោគផ្លែស្វាយច្រើនពេក។ ព្រោះផ្លែស្វាយទុំមានផ្ទុកជាតិស្ករច្រើនអាចធ្វើឲ្យធាត់។

៥ ផ្លែក្រូច

យើងទាំងអស់គ្នាដឹងហើយថា ផ្លែក្រូចសម្បូរទៅដោយវីតាមីន C ដែលជួយធ្វើឲ្យរាងកាយរឹងមាំ ការពារពីជំងឺផ្តាសាយ ប្រសិនបើអ្នកចង់ញ៉ាំក្រូច ដើម្បីជួយដល់ប្រព័ន្ធរំលាយអាហារ អ្នកគួរញ៉ាំទាំងជាតិសរសៃមានក្នុងសាច់ក្រូច ព្រោះផ្នែកដែលនឹងជួយដល់ប្រព័ន្ធរំលាយអាហារ គឺជាតិសរសៃនៃក្រូច។ ដូច្នេះបើញ៉ាំតែក្រូច ប្រហែលជាមិនទទួលបានលទ្ធផលល្អដូចការញ៉ាំលទ្ធផលទាំងមូលនោះទេ។

៦ ផ្លែព្រូនឬផ្លាំ

ស្ត្រីជាច្រើនស្គាល់កេរ្តិ៍ឈ្មោះរបស់ផ្លែព្រូនឬផ្លាំយ៉ាងច្បាស់ថា វាមានលក្ខណៈសម្បត្តិពិសេសក្នុងការជួយដល់ការបន្ទោរបង់។ វាក៏សំបូរទៅដោយសារធាតុ beta-carotene សារធាតុប្រឆាំងអុកស៊ីតកម្ម ពន្យាភាពចាស់ ចិញ្ចឹមបេះដូង ចិញ្ចឹមភ្នែក និងជួយពង្រឹងឆ្អឹងនិងធ្មេញរឹងមាំផងដែរ។

៧ ផ្លែម្នាស់

ផ្លែឈើមួយប្រភេទទៀតដែលមានសាច់ទុំនិងមានរសជាតិផ្អែម ហើយថែមទាំង ជួយរំលាយអាហារប្រូតេអ៊ីន ឧទាហរណ៍ អាហារណាដែលមានសាច់ច្រើន កុំភ្លេចហូបម្នាស់ដើម្បីសម្រួលដល់ពោះវៀន។ ម៉្យាងទៀតវីតាមីន C ខ្ពស់ ជួយកាត់បន្ថយការរលាក ហើមក្នុងរាងកាយ ហើយសំខាន់បំផុត បង្កើនប្រសិទ្ធភាពនៃប្រព័ន្ធ excretory ។

៨ ផ្លែល្មុត

ល្មុត គឺជាផ្លែឈើដែលមានជាតិសរសៃច្រើន គឺជាជំនួយដ៏ល្អក្នុងការការពារការទល់លាមក។ ប៉ុន្តែកុំបរិភោគច្រើនពេក

៩ ផ្លែស្ពឺ

នេះគឺជាផ្លែឈើមួយទៀតដែលពិបាករកខ្លាំងនាបច្ចុប្បន្ននេះ។ ផ្លែស្ពឺក្រៅពីមានលក្ខណៈសម្បត្តិជាថ្នាំបន្សាបស្រា វាក៏ជួយកាត់បន្ថយជាតិអាស៊ីដក្នុងក្រពះផងដែរ។

១០ ទំពាំងបាយជូ

រសជាតិផ្អែមនិងជូរនៃទំពាំងបាយជូរ បន្ថែមពីលើវាត្រូវបានគេប្រើដើម្បីធ្វើភេសជ្ជៈ ដើម្បីបន្ថែមភាពស្រស់ស្អាតដូចស្ត្រីវ័យក្មេងជាច្រើនដែរ ផ្លែទំពាំងបាយជូរក៏ជាថ្នាំបញ្ចុះទម្ងន់ ជួយដោះស្រាយបញ្ហាទល់លាមកបានយ៉ាងល្អ វាក៏ជួយដោះស្រាយបញ្ហាទល់លាមករ៉ាំរ៉ៃផងដែរ។

គោលការណ៍សំខាន់នៃការទទួលទានផ្លែឈើដើម្បីជួយដល់ការបន្ទោរបង់ គឺត្រូវញ៉ាំក្នុងកម្រិតមធ្យម កុំញ៉ាំច្រើនពេក ផឹកទឹកច្រើន ដើម្បីជួយបន្ទន់លាមក ហើយសំខាន់បំផុត លំហាត់ប្រាណក៏ជួយឲ្យការបន្ទោរបង់បានធម្មតាដែរ៕

ប្រែសម្រួល៖ សាង ស្រីល័ក្ខ

ចុចអាន៖ញ៉ាំផ្លែមៀនដឹងអត់ថា មានប្រយោជន៍ប្រាំយ៉ាងនេះចំពោះសុខភាព?

ចុចអាន៖អត្ថប្រយោជន៍ពីមើមឈូកទឹកកក ជួយកាត់បន្ថយជាតិខ្លាញ់ និងសម្រក់ទម្ងន់

Related Topics:ការទទួលទានផ្លែឈើ