Connect with us

សុខភាព

អាហារខ្មៅ ១០ មុខ ផ្ទុកទៅដោយអត្ថប្រយោជន៍សុខភាពដ៏អស្ចារ្យ

បានផុស

នៅ

អាហារខ្មៅមិនមែនសុទ្ធតែមិនល្អនោះទេ ក្នុងនោះមានអាហារខ្លះជួយដល់សុខភាពបានយ៉ាងច្រើនក្រាស់ក្រែល សឹងថាយើងដែលជាអ្នកបរិភោគមិនដឹងផង។ ជាងនេះទៅទៀត អាហារមាន​ពណ៌​ខ្មៅសម្បូរ​ទៅដោយ​សារធាតុ​ជាច្រើន​ ដែល​ល្អ​សម្រាប់​សុខភាព​ផងដែរ​។

ខាងក្រោមនេះ ជាអាហារ​ខ្មៅ​១០​ប្រភេទ ​ដែល​យើងគួរដឹង៖

១​ ចាហួយខ្មៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាហួយខ្មៅ​មាន​លក្ខណៈ​សម្បត្តិជួយសម្រាល​កម្ដៅ​ក្នុង​ខ្លួន បំបាត់​ការស្រេកទឹក បំបាត់ការ​ចង្អោរ បន្សាប​ជាតិ​ពុល កាត់បន្ថយ​គ្រុន​ក្តៅ ព្យាបាលការឃ្លាន​អាហារ និងបន្ថយកម្រិតជាតិ​ស្ករ​ក្នុង​ឈាម​ផងដែរ។ វាមានកាឡូរីទាប និងសម្បូរទៅដោយជាតិសរសៃ​អាហារ​ផងដែរ។

២ អង្ករ​ដំណើប​ខ្មៅ

អង្ករ​ដំណើប​ខ្មៅ​សម្បូរ​ទៅដោយវីតាមីន A ដែលរួមចំណែក​ដល់​ការ​ចិញ្ចឹម​ភ្នែក​ជាមួយនឹងវីតាមីន B1 វីតាមីន B2 និងវីតាមីន B6 ជួយចិញ្ចឹមប្រព័ន្ធប្រសាទ​ក្នុង​ផ្នែក​ផ្សេងៗ​នៃ​រាងកាយ រួមទាំងវីតាមីន E ដែលជួយ​ពន្យឺត​ការខ្សោះជីវជាតិនៃកោសិកាក្នុងរាងកាយ ក៏ដូចជាជួយក្នុងបញ្ហាឈាមរត់។

៣ សណ្តែក​ខ្មៅ

សណ្តែក​ខ្មៅ​គឺជា​ប្រភេទ​សារធាតុ​ប្រឆាំង​អុកស៊ីតកម្ម​ច្រើនជាងគេ។ បើប្រៀបធៀប​ទៅ​នឹង​សណ្តែក​ទាំងអស់​ សណ្ដែក​ខ្មៅ​គឺ​ជា​ប្រភពដ៏ល្អនៃប្រូតេអ៊ីន ជាតិសរសៃ និង​សារធាតុរ៉ែ ល្អ​សម្រាប់​សុខភាព វាក៏រួម​ចំណែក​ដល់​ដំណើរការ​នៃ​ប្រព័ន្ធ​រំលាយ​អាហារ ជួយ​ធ្វើ​ឲ្យ​ជាតិ​ស្ករ​ក្នុង​ឈាម​មាន​តុល្យភាព​មិន​ឡើង​ឬ​ធ្លាក់​ចុះ​លឿន​ពេក។

៤ ល្ង​ខ្មៅ

គ្រាប់ល្ងខ្មៅសម្បូរទៅដោយវីតាមីន B ដែល​ជួយ​ចិញ្ចឹមសរសៃប្រសាទ។ ប្រសិនបើទទួលទាន​ជាប្រចាំ វានឹងជួយឲ្យ​អ្នក​គេងលក់ស្រួល។ កាត់បន្ថយភាពអស់កម្លាំង ជួយការពារ ការ​ឈឺចាប់​នៅ​អវយវៈ ជួយ​ចំណង់អាហារ និងមិន​បណ្តាល​ឲ្យ​ទល់លាមក​យ៉ាងងាយស្រួល។

៥ មាន់​ខ្មៅ

សាច់​មាន់​ខ្មៅ​ត្រូវ​បាន​គេ​ចាត់​ទុក​ថា​ជា​អាហារបំប៉នឈាមសម្រាប់ស្ត្រី។ ជាពិសេស​ស្ត្រី​ដែល​មាន​អាយុ​បន្តពូជ និង​មនុស្ស​ចាស់។ មាន់​ខ្មៅ​ក៏ជួយ​ជំរុញ​អ័រម៉ូន​ភេទ​ស្រី វា​ក៏​ជា​អាហារ​ដែល​មាន​ជាតិ​ខ្លាញ់​ទាប​ជាង​សាច់​មាន់​ធម្មតា ហើយ​មាន​ជាតិ​ដែក​ខ្ពស់​ដែល​ជួយ​បំប៉ន​ឈាម​។

៦ ប៉ាស្តា​ខ្មៅ

ប៉ាស្តា​ខ្មៅ​គឺជាមុខម្ហូបដែលត្រូវបានច​ម្អិន​ដោយពណ៌ខ្មៅ ជាមួយនឹងទឹកខ្មៅនៅក្នុងយាវហឺ។ ទឹកថ្នាំនេះមានជាតិខ្លាញ់ ប្រូតេអ៊ីន និងសារធាតុរ៉ែ ជាពិសេសជាតិដែក ដែលជួយប្រឆាំង​រ៉ាឌីកាល់​សេរី​ក្នុង​រាងកាយ។

៧ ម្រេច​ខ្មៅ

ម្រេច​ខ្មៅមានឥទ្ធិពលរំញោចសរសៃប្រសាទ ធ្វើឲ្យ​ចំណង់អាហារកាន់តែច្រើន រួមចំណែកធ្វើឲ្យ​អណ្តាត​របស់​មនុស្សចាស់អាចរសជាតិកាន់តែប្រសើរ ជួយកាត់បន្ថយឧស្ម័ននៅ​ក្នុងក្រពះពោះវៀន និងជួយព្យាបាលជំងឺក្រពះ និងពោះវៀនផងដែរ។

៨ ទំពាំងបាយ​ជូ​ខ្មៅ

ទំពាំងបាយជូរខ្មៅជួយការពារជំងឺបេះដូង គ្រប់គ្រងកម្រិតកូឡេស្តេរ៉ុលក្នុងខ្លួន កាត់​បន្ថយ​សំពាធឈាម វាក៏មានសារធាតុប្រឆាំងអុកស៊ីតកម្មដែលជួយបន្ថយភាពចាស់ និងធ្វើឲ្យ​ស្បែកភ្លឺថ្លាជាងមុន។

៩ Blackberry

Blackberry សម្បូរទៅដោយជាតិសរសៃអាហារ​ ដែលមានលក្ខណៈ​សម្បត្តិជួយគ្រប់គ្រង​កម្រិត​ជាតិ​ស្ករ​ក្នុង​ឈាម កាត់បន្ថយ​កម្រិត​កូឡេស្តេរ៉ុល។ វាជួយកាត់​បន្ថយ​ហានិភ័យ​នៃ​ជំងឺ​សរសៃ​ឈាម​បេះដូង និង​មហារីកពោះវៀនធំ។ វាក៏មានផ្ទុកនូវសារធាតុប្រឆាំងអុកស៊ីតកម្ម ដែលជួយ​ពង្រឹង និង​ស្តារ collagen នៅក្នុងស្បែកផងដែរ។

១០ អង្ករ​ខ្មៅ

អង្ករខ្មៅសម្បូរជាតិសរសៃអាហារ និងមានជាតិស្ករទាប ដែលអាហារនេះនឹងផ្លាស់ប្តូរពីម្សៅទៅជាជាតិស្ករក្នុងចរន្តឈាមយឺតជាងការទទួលទានអង្ករសធម្មតា។ ដូច្នេះវាមិនធ្វើឲ្យអ្នកធាត់ទេ។ វាក៏ជួយប្រឆាំងនឹងជំងឺមហារីក និងកាត់បន្ថយហានិភ័យនៃជំងឺសរសៃឈាមបេះដូងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖វិធី ៣ យ៉ាង បញ្ចុះកូឡេស្តេរ៉ុលចេញពីរាងកាយបានយ៉ាងងាយស្រួល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១២ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ៤១ នាទី មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

កីឡា២ ម៉ោង មុន

ដើមឆ្នាំ​២០២៣ កីឡាករ​ជម្រើសជាតិ​កម្ពុជា ២​នាក់​ហើយ បានប្រកាស​ព្យួរ​ស្បែកជើង

ព័ត៌មានជាតិ២ ម៉ោង មុន

ក្រមប្រតិបត្តិគ្រឹះស្ថានធនាគារ និងហិញ្ញវត្ថុ ត្រូវបានប្រកាសដាក់ឱ្យអនុវត្តពេញលេញ

Sokha Hotels

ព័ត៌មានពេញនិយម