នឹកស្មានមិនដល់ថា ពងត្រី Caviar តម្លៃថ្លៃកប់ពពកផ្ដល់អត្ថប្រយោជន៍ច្រើនម្លឹងសោះ

ពងត្រី Caviar ពណ៌ខ្មៅដែលយើងតែងតែឃើញក្នុងបញ្ជីម្ហូបថ្លៃៗមានតម្លៃរាប់ពាន់ដុល្លារនេះមិនត្រឹមតែមានរសជាតិឆ្ងាញ់ប៉ុណ្ណោះទេ ថែមទាំងផ្ដល់អត្ថប្រយោជន៍ទាំងព្រមតែម្ដង។ ដោយសារតែមានពណ៌ខ្មៅ និងសភាពខ្មៅរលោង ធ្វើឲ្យពងត្រី Caviar ប្រៀបបាននឹងគុជខ្មៅ ដែលផ្ដល់អត្ថប្រយោជន៍ដូចជា៖

១. សម្បូរថាមពល

ពងត្រី Caviar គឺជាប្រភពដ៏ល្អបំផុតដែលផ្ទុក វីតាមីន B12 អាស៉ីតDHA និង EPA។ ក្រៅពីនេះវាថែមទាំងផ្ដល់នូវសារធាតុ សេលេញ៉ូម ជាតិដែក សូដ្យូម វីតាមីននិងជាតិរ៉ែច្រើនទៀត។

២. រក្សាសម្រស់ឲ្យក្មេងជាងវ័យ

ដោយភាពសម្បូរអាស៉ីតអូមេហ្គាបី Caviar ត្រូវគេចាត់ទុកថាមានប្រយោជន៍ដល់ស្បែក។ ចំណែកឯប្រូតេអ៉ីន Adiponectin ដែលមានក្នុងពងត្រីគឺជា ម៉ូលេគុលជំនួយស្បែកឲ្យឆាប់ជារបួស ប្រឆាំងការរលាក និងបង្កើនខូឡាជែនផងដែរ។ អ្វីកាន់តែពិសេសនោះគឺ DHA ក្នុងពងត្រីមានសមត្ថភាពជំនួយខ្ពស់ទៅលើភាពជ្រីវជ្រួញ ស្នាមអុជខ្មៅដែលជាសញ្ញានៃភាពចាស់។

៣. ជំនួយខួរក្បាល និងសុខភាពផ្លូវចិត្ត

សារធាតុ EPA ជួយឲ្យអារម្មណ៍នឹងនរ និង DHA ជួយរក្សារចនាសម្ព័ន្ធនៃខួរក្បាល។ ខណៈអាស៉ីតអូមេហ្គាបីក្នុងពងត្រីក៏អាចជួយលើបញ្ហាទាំងពីរនេះដូចគ្នា។

៤. ទ្រទ្រង់សុខភាពបេះដូង

អាស៉ីតអូមេហ្គាបីដដែលនេះ ជួយកាត់បន្ថយសម្ពាធឈាម សម្ពាធបេះដូង រក្សាកម្រិតកូលេស្តេរ៉ុលក្នុងឈាម និងទប់ស្កាត់ការប្រមូលផ្តុំប្លាកែតកុំឲ្យកកឈាម។

៥. ជំនួយសុខភាពបន្តពូជបុរស

ការញ៉ាំអាហារសម្បូរអូមេហ្គាបីច្រើនអាចធ្វើអោយមេជីវិតឈ្មោល មានរចនាសម្ព័ន រូបរាងប្រសើរជាងមុន  និងរាវងាយស្រួលភ្ជាប់ទៅនឹងស៊ុត។

៦. ជួយពង្រឹងប្រព័ន្ធផ្ស៉ាំ

អូមេហ្គាបីជួយកាត់បន្ថយការរលាក និងស្ដារមុខងាររបាំងនៃស្បែក ពោះវៀន និងសួតរបស់អ្នក មិនតែប៉ុណ្ណោះវាអាចជួសជុលកោសិកាឈាមសខូចដែលមាននាទីប្រឆាំងនឹងជំងឺទូទៅទៀតផង។

សរុបមកពងត្រី Caviar មានរសជាតិឆ្ងាញ់ សំបូរសារជាតិចិញ្ចឹមជាច្រើនដូចជា អូមេហ្គាបី វីតាមីន និងជាតិរ៉ែផ្សេងៗដូចរៀបរាប់ខាងលើ ទោះបីជាញ៉ាំតែបន្តិចក៏ដោយ៕

ប្រែសម្រួលដោយ៖ វារី

ចុចអាន៖ អាហាររោយកម្ទេចមាសថ្លៃលំដាប់ពិភពលោក មានតែអភិជនទើបអាចទទួលទានបាន

ចុចអាន៖ វត្ថុធាតុដើមចម្លែកៗ ៩ ប្រភេទ ប្រើសម្រាប់ផ្សំធ្វើជាទឹកអប់ ឲ្យម៉ាក់យីហោល្បីៗ