៥ យ៉ាង គិលានុបដ្ឋាយិកាធ្វើមុនបីទារកទើបនឹងកើត

គិលានុបដ្ឋាយិកាមានតួនាទីជួយសម្រាលកូន និងជួយរៀបចំខ្លួនឲ្យទារកមុនប្រគល់ជូនម្ដាយឪពុកដែលកំពុងរង់ចាំ ។ ជាមួយគ្នានេះដែរពួកគាត់តែងតែធ្វើរឿង ៥ យ៉ាងខាងក្រោមជាមុនសិន​ ទើបអាចយកទារកមកបីបានដោយសុវត្ថិភាព ៖

១. ពិនិត្យពណ៌ទារក

ទារកទើបនឹងកើតមានសភាពស្លេក ឬខៀវរហូតដល់គាត់ដកដង្ហើមដំបូងទើបសាច់ឈាមមានពណ៌ស្រស់ថ្លាឡើងវិញ បើមិនដូច្នោះទេ ទារកនឹងត្រូវផ្គត់ផ្គង់អុកស៊ីសែនជាបន្ទាន់ ។

២. ពិនិត្យមើលភាពប្រក្រតីនៃសាច់ដុំ

បន្ទាប់ពីចេញពីពោះម្ដាយគិលានុបដ្ឋាយិកានឹងពិនិត្យសាច់ដុំក្មេងដើម្បីប្រាកដថាមានភាពប្រក្រតី ក្នុងករណីទារកមិនអាចកម្រើកខ្លួនបានគ្រូពេទ្យត្រូវកាត់ផ្ដាច់ទងសុកហើយយកទារកទៅពិនិត្យភ្លាម ។

៣. លាងសម្អាតទារក

ទារកចេញពីពោះម្ដាយមានប្រឡាក់ “vernix caseosa” ដែលជាសារជាតិម្យ៉ាងពណ៌សមានសណ្ឋានដូចក្រែម ផ្សំឡើងពីជាតិទឹក ជាតិខ្លាញ់ និងប្រូតេអ៉ីន វាគ្របដណ្ដប់លើស្បែកទារកនៅក្នុងត្រីមាសចុងក្រោយ ។

៤. កាត់ទងសុក

គិលានុបដ្ឋាយិកាគៀបទងសុកប្រហែល ១-៣ នាទីមុនកាត់ផ្ដាច់ដើម្បីច្បាស់ក្នុងចិត្តថាទារកមានឈាមគ្រប់គ្រាន់ជាមុនសិន ។

៥. តាមដានកម្ដៅទារកមុនដាក់ឲ្យប៉ះស្បែកម្ដាយ

គេពាក់មួកឲ្យទារកដើម្បីរក្សាកម្ដៅព្រោះទារកមិនទាន់អាចគ្រប់គ្រង ឬរក្សាសីតុណ្ហភាពដូចមនុស្សពេញវ័យនៅឡើយទេ សូម្បីតែពេលដាក់ឲ្យម្ដាយឱបគិលានុបដ្ឋាយិកានឹងយកភួយមកគ្របដណ្ដបអ្នកទាំងពីរផងដែរ ។

ចុងក្រោយសម្រាប់អ្នកចងបីទារកត្រូវចាំបាច់លាងសម្អាតដៃឲ្យស្អាត និងជៀសវាងការថើបមុខទារកដើម្បីការពារការឆ្លងមេរោគពីមជ្ឈដ្ឋានខាងក្រៅ ៕

ប្រែសម្រួល ៖ វារី

ប្រភព ៖ Insider

ចុចអាន ៖ មកស្គាល់ស្បូនសិប្បនិម្មិត ជួយសម្រួលស្ត្រីមិនឲ្យពិបាកសម្រាលកូន