សុខភាព
ចុកទ្រូងពេលកំពុងគេង អាចបណ្ដាលមកពីមូលហេតុទាំងអស់នេះ
អាការចុកទ្រូងក្នុងអំឡុងពេលគេង មិនមែនជារឿងធម្មតានោះទេ វាអាចបណ្ដាលមកពីកត្ដាសំខាន់ៗដូចជា បញ្ហាប្រព័ន្ធរំលាយអាហារ ប្រព័ន្ទផ្លូវដង្ហើម និងបញ្ហាបេះដូងតែម្ដង។ ប៉ុន្ដែទោះបីជាបញ្ហាទាំង៣កើតឡើងជាមួយនឹងអាការៈចុកទ្រូងដូចគ្នាក៏ដោយ ក៏នៅមានរោគសញ្ញាផ្សេងៗទៀត ដែលយើងអាចកត់សម្គាល់ដឹង និងអាចបែងចែកឲ្យបានច្បាស់ផងដែរ។
១.បញ្ហាប្រព័ន្ធរំលាយអាហារ
បញ្ហាប្រព័ន្ធរំលាយអាហារ ក៏ជាមូលហេតុមួយអាចបណ្ដាលឲ្យអ្នកជំងឺមានអាការៈចុកទ្រូងនៅពេលគេងយប់បានដែរ ពិសេសអ្នកមានជំងឺច្រាលអាស៊ីតក្រពះ។ អាការៈនេះកើតឡើងនៅពេលដែលក្រពះបញ្ចេញអាស៊ីតច្រើន ហើយច្រាលឡើងចូលទៅកាន់បំពង់អាហារ នោះនឹងបណ្ដាលឲ្យអ្នកជំងឺមានអាការចុកទ្រូង លាយនឹងការភើមកជាមួយ។
ការច្រាលអាស៊ីតក្រពះ បង្ហាញអាការៈចុកទ្រូង ក៏មានភ្ជាប់មកជាមួយអាការៈបន្ថែមទៀតដូចជា៖
- ក្រហាយទ្រូងបន្ទាប់ពីញ៉ាំអាហារ ឬអាចកើតឡើងនៅពេលយប់
- ចង្អោរ
- ហើមពោះ ភើ ផោមញឹក
- ការមិនរំលាយអាហារ
- ពិបាកលេបអាហារ
- ក្រហាយក្នុងពោះ (ម្ដងម្កាល)
ទាំងនេះជាអាការៈអាចឲ្យយើងដឹងបានខ្លះថា មូលហេតុចុកទ្រូងពេលយប់ អាចបណ្ដាលមកពីបញ្ហាប្រព័ន្ធរំលាយអាហារ។
២.បញ្ហាប្រព័ន្ធផ្លូវដង្ហើម
បញ្ហាប្រព័ន្ធផ្លូវដង្ហើម ក៏អាចបណ្ដាលឲ្យអ្នកជំងឺមានអាការៈចុកទ្រូងនៅពេលគេងបានដែរ តួយ៉ាងដូចជាការរលាកស្រោមសួតជាដើម។ រោគសញ្ញាមួយក្នុងចំណោមរោគសញ្ញាផ្សេងទៀត នៃជំងឺរលាកស្រោមសួត គឺបង្កឲ្យអ្នកជំងឺចុកទ្រូង ពិសេសពេលដង្ហើមវែងៗ អមដោយមានអាការៈក្អកញឹកញាប់តែម្ដង។
ការចុកទ្រូង ស្ថិតក្នុងរោគសញ្ញាសង្ស័យដែលអ្នកជំងឺមានអាការៈក្អក មិនថាក្អកស្ងួត ឬក្អកមានស្លេស្មនោះទេ វាបណ្ដាលមកពីការរលាកស្រោមសួត អាចស្ថិតក្នុងដំណាក់កាលស្រាល ឬអាចធ្ងន់ធ្ងរ។ ដូច្នេះអ្នកជំងឺត្រូវតែតាមដានសុខភាពជាមួយគ្រូពេទ្យ។
៣.បញ្ហាសុខភាពបេះដូង
អាការៈចុកទ្រូងគេងនៅពេលយប់ អាចបណ្ដាលមកពីសុខភាពបេះដូង ដំណើរការមិនប្រក្រតី ម្យ៉ាងទៀតក៏អាចជារោគសញ្ញាមួយនៃជំងឺគាំងបេះដូងផងដែរ។
តាមការចុះផ្សាយរបស់មជ្ឈមណ្ឌលត្រួតពិនិត្យ និងបង្ការជំងឺឆ្លង(CDC) អាមេរិក បានបង្ហាញថា អាការៈចុកទ្រូងអាចជារោគសញ្ញាគ្រោះថ្នាក់មួយនៃជំងឺគាំងបេះដូងដែលអ្នកជំងឺជួបប្រទះច្រើន។ អ្នកជំងឺអាចចុកនៅផ្នែកខាងឆ្វេង ឬចំកណ្ដាលនៃទ្រូង ហើយមានរយៈពេលលើសពី២ ទៅ៣នាទី។
បញ្ហាគាំងបេះដូង អាចបង្ហាញរោគសញ្ញាមកជាមួយគ្នា ដូចជា ការបែកញើសត្រជាក់ ខ្សោយ វិលមុខ ឈឺក្បាល រួយកញ្ចឹងក ថប់ៗដង្ហើម ចុកស្មា និងដៃទាំងពីរ។
មូលហេតុបញ្ហាគាំងបេះដូង បង្ហាញរោគសញ្ញាចុកទ្រូងដោយសារតែសរសៃឈាម មិនអាចបញ្ជូនអុកស៊ីសែន និងចរន្ដឈាមទៅកាន់បេះដូងបានគ្រប់គ្រាន់ ទើបបណ្ដាលឲ្យអ្នកជំងឺប្រឈមអាការៈចុកទ្រូងយ៉ាងដូច្នេះ។
ជារួមកាលដែលជួបអាការៈចុកទ្រូងពេលយប់កំពុងគេង គួរតែប្រុងប្រយ័ត្ន និងត្រូវតាមដានសុខភាពជាមួយគ្រូពេទ្យឲ្យបានត្រឹមត្រូវដើម្បីជៀសផុតពីគ្រោះថ្នាក់៕
ចុចអាន៖ក្រោមអាយុ៤០ឆ្នាំ បើចេញរោគសញ្ញាទាំងនេះ អាចកើតទឹកនោមផ្អែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង