WHO រកឃើញថា មនុស្សម្នាក់ក្នុងចំណោម ៦ នាក់ អសមត្ថភាពបន្តពូជ

យោងតាមរបាយការណ៍របស់អង្គការសុខភាពពិភពលោក (WHO) បានរកឃើញថាមនុស្សម្នាក់ក្នុងចំណោម ៦ នាក់មកពីជុំវិញពិភពលោកកំពុងអសមត្ថភាពបន្តពូជ ហើយវាមានភាពខុសគ្នាបន្តិចបន្តួចរវាងប្រទេសប្រាក់ចំណូលខ្ពស់ មធ្យម និងទាប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រៀបធៀបចំនួនមនុស្សអសមត្ថភាពបន្តពូជបានបង្ហាញថា នៅប្រទេសប្រាក់ចំណូលខ្ពស់មនុស្សពេញវ័យមាន ១៧.៨ ភាគរយ ចំណែកប្រទេសប្រាក់ចំណូលមធ្យម និងទាបមាន ១៦.៥ ភាគរយ ។ គួរបញ្ជាក់ថាអ្នកអសមត្ថភាពបន្តពូជគឺបុគ្គលណាដែលបានរួមភេទរយៈពេល ១ ឆ្នាំឡើង ប៉ុន្តែមិនធ្លាប់មានគភ៌សោះ  ពាក់ព័ន្ធបញ្ហានេះ WHO កំពុងធ្វើឲ្យការថែទាំសុខភាពបន្តពូជកាន់តែប្រសើរឡើងនៅគ្រប់កន្លែងទាំងអស់ ។

WHO និយាយថា អ្នកទទួលសេវាកម្មបន្តពូជនៅតាមប្រទេសខ្លះត្រូវចេញប្រាក់ដោយខ្លួនឯងដែលជាវិបត្តិដ៏ធំព្រោះការចំណាយខ្ពស់ ប៉ុន្តែមនុស្សក្នុងប្រទេសក្រីក្រជាអ្នកចំណាយប្រាក់ដើម្បីយកកូនច្រើនជាងមនុស្សក្នុងប្រទេសអ្នកមានទៅវិញ ។ គេសន្និដ្ឋានថាតម្លៃខ្ពស់ជាឧបសគ្គរារាំងយើងមិនឲ្យបន្តពូជ បន្ទាប់ពីប្រើវិធីធម្មជាតិមិនជោគជ័យ ។

អគ្គនាយក WHO លោកវេជ្ជបណ្ឌិត Tedros Adhanom មានប្រសាសន៍ថា “របាយការណ៍នេះបង្ហាញពីការពិតដ៏សំខាន់ ហើយការគ្មានកូនមិនត្រូវបានរើសអើងទេ” ។  លោកបន្តទៀតថា ចំនួនមនុស្សដែលរងផលប៉ះពាល់បង្ហាញពីតម្រូវការការព្យាបាល និងធានាចំពោះបញ្ហានេះមិនត្រូវបានទុកចោលទៀតទេ ដូច្នេះវាមានសុវត្ថិភាព ប្រសិទ្ធភាព និងតម្លៃសមរម្យសម្រាប់អ្នកចង់មានកូន ៕

ប្រភព ៖ BBC

ចុចអាន ៖ ពិភពលោក ប្រឈមនឹងការផ្ទុះជំងឺអាសន្នរោគធំបំផុត ក្នុងរយៈពេល២០ឆ្នាំ