សុខភាព
ផ្លែឈើ ៦មុខនេះ ល្អសម្រាប់អ្នកដែលមានបំណងចង់សម្រកទម្ងន់
ការសម្រកទម្ងន់ គឺជារឿងមួយដែលពិបាកធ្វើបំផុត គឺតម្រូវឱ្យមានការតាំងចិត្ត និងព្យាយាមខ្ពស់ទើបអាចសម្រេចតាមបំណងប្រាថ្នា។ សម្រកទម្ងន់មានច្រើនវិធីដូចជា ហាត់ប្រាណ តមអាហារ ឬ ការរៀបចំរបបអាហារឱ្យបានត្រឹមត្រូវជាដើម។ ក្នុងនោះ ការជ្រើសរើសផ្លែឈើមានជីវជាតិ និងជួយមិនឱ្យឡើងគីឡូក៏ជារឿងមួយដែលល្អសម្រាប់សុខភាពផងដែរ។
រូបភាព៖ Google
ទី១.ផ្លែចេក
ចេក គឺជាផ្លែឈើមួយប្រភេទដែលមានសារធាតុចិញ្ចឹមច្រើននៅក្នុងនោះជាពិសេសចេកពណ៌លឿង ហើយក៏ពេញនិយមសម្រាប់អ្នកហាត់ប្រាណ ឬ អ្នកសម្រកទម្ងន់ ព្រោះចេកអាចធ្វើឱ្យអ្នកឆ្អែតបានយូរ។ ចេកពណ៌លឿង ផ្ទុកទៅដោយប៉ូតាស្យូម ម៉ាញេស្យូម សារធាតុប្រឆាំងអុកស៊ីតកម្ម និងជាតិសរសៃ។
រូបភាព៖ Google
ទី២.ផ្លែប៉ោម
ផ្លែប៉ោម ជាប្រភេទផ្លែឈើមួយប្រភេទដែលមានរសជាតិផ្អែម តែមិនមានសារជាតិធ្វើឱ្យធាត់នោះទេ។ អ្នកអាចពិសារផ្លែប៉ោមជាអាហារពេលព្រឹក ឬ ពេលថ្ងៃត្រង់ជំនួសបាយបាន។ ប្រសិនជាអ្នកមិនចង់ពិសារវាទទេ អាចចិតផ្លែប៉ោមនេះជាចំណិតតួចៗរួចដាក់ញ៉ាំជាមួយសាឡាត់ ឬ ទឹកដោះគោជូរបានដូចគ្នា។
រូបភាព៖ Google
៣.ផ្លែប័រ
ផ្លែប័រ ជាផ្លែឈើដ៏ពេញនិយមមួយប្រភេទ យើងអាចយកវាធ្វើជាម្ហូបក៏បាន និងបង្អែមក៏បានដូចគ្នា។ ផ្លែប័រ សម្បូរដោយជាតិខ្លាញ់ និងកាឡូរី ប៉ុន្តែ វាមិនធ្វើឱ្យឡើងទម្ងន់ទេ ប្រសិនបើអ្នកទទួលទានមិនបន្ថែមស្ករ ឬ ទឹកដោះគោខាប់ចូល ហើយញ៉ាំវាម្តងបន្តិចៗ។ ផ្លែនេះជួយឱ្យអ្នកស្រកគីឡូបាន ឆ្អែតបានយូរ កាត់បន្ថយចំណង់អាហារ ទប់ទល់នឹងការឃ្លាន។
រូបភាព៖ Google
៤.ផ្លែឪឡឹក
ឪឡឹក ជាផ្លែឈើមួយដែលងាយស្រួលរក មានជាតិទឹករហូតដល់ទៅ៩២% និងមានកាឡូរីទាប ប្រឆាំងនឹងអុកស៊ីតកម្មខ្ពស់។ ឪឡឹក អាចញ៉ាំជាផ្លែឈើ ក្រឡុកយកទឹក ឬជាមួយសាឡាត់ជាដើម។
រូបភាព៖ Google
៥.ផ្លែទទឹម
ទទឹម មានតួនាទីប្រឆាំងនឹងការរលាក ហើយក៏ជួយជំរុញការរំលាយអាហារបានល្អ និងរក្សាជាតិខ្លាញ់នៅក្នុងខ្លួននៅថេរល្អ ជួនការស្រកខ្លាញ់ក្បាលពោះយ៉ាងល្អ។ គ្រាប់ផ្លែទទឹម ជួយឱ្យប្រព័ន្ធឈាមរបស់អ្នកដើរបានល្អប្រសើរឡើង។
រូបភាព៖ Google
៦.ផ្លែគីវី
គីវី មានរសជាតិជូរ ផ្ទុកដោយសារធាតុចិញ្ចឹម និងមានវីតាមីន E និងវីតាមីន C។ តាមការសិក្សា ប្រសិនបើអ្នកពិសារផ្លែគីវី ២ផ្លែក្នុងមួយសប្តាហ៍ អាចជួយឱ្យខ្លាញ់ក្បាលពោះ និងទំហំចង្កេះក៏ស្រកផងដែរ។ មិនត្រឹមតែអាចសម្រកទម្ងន់បានទេ គីវី ក៏ជួយឱ្យសុខភាពពោះវៀនមានភាពល្អប្រសើរ និងកាត់បន្ថយសម្ពាធឈាម។ ចំពោះអ្នកដែលមានជំងឺខ្សោយបេះដូង គឺលើកទឹកចិត្តខ្ពស់ឱ្យទទួលទានផ្លែគីវីនេះ៕
រូបភាព៖ Google
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ