សុខភាព

ទទួលទានទឹកដែលនៅសល់កាលពីយប់ តើនឹងមានរឿងអ្វីកើតឡើងចំពោះរាងកាយ?

បានផុស

៥ years មុន

នៅ

ថ្ងៃសុក្រ ២២ មករា ២០២១

ដោយ

ទឹកមិនបានអាក្រក់ ហើយគ្រប់គ្នាតែងតែត្រូវការទឹកជាប្រចាំថ្ងៃ។ គ្នាយើងអាចនឹងឃើញស្លាក នៅលើដបប្លាស្ទិកដែលគេបានដាក់ថា ឲ្យយើងរក្សាទុកកន្លែងស្ងួត ចៀសវាងត្រូវពន្លឺថ្ងៃ ប៉ុន្តែយើងអាចនឹងមិនបានចាប់អារម្មណ៍ចំពោះរឿងទាំងនោះទេ។

តើមូលហេតុអ្វីដែលបង្កើតបានជាទឹក ” ចាស់ ” ? តើជាទឹកដែលបានទុកចោលអស់រយៈពេលជាច្រើនថ្ងៃ ឬរាប់សិបខែ? តើទឹកទុកចោលមួយយប់បង្កហានិភ័យដល់យើងដែរ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងដឹងថាយើងត្រូវផឹកទឹករាល់ថ្ងៃ ប៉ុន្តែតើយើងមានបានដឹងពីអាយុកាលនៃទឹកដែរទេ?

មនុស្សភាគច្រើនទុកទឹកមួយកែវនៅក្បែរគ្រែរបស់ពួកគេ ដើម្បីផ្ដល់ជាតិទឹកម្ដងទៀតនៅពេលព្រឹក។ ប៉ុន្តែគ្រប់គ្នាអត់បានដឹងថា ទឹកដែលទុកចោលមួយយប់នោះនឹងទៅជាយ៉ាងណាឡើយ។

ទឹកដែលនៅសល់មានផ្ទុកបាក់តេរី

ទស្សនាវដ្ដី Digest បានកត់សំគាល់ថា ទឹកដែលទុកចោលពេញមួយយប់នៅក្នុងធុងបើកចំហគឺមិនមានអនាម័យពិតប្រាកដទេ ដោយសារបរិមាណធូលីដី កម្ទេចកំទីឬក៏សត្វល្អិតបានធ្លាក់ចូលនៅក្នុងនោះ អាចបន្សល់ទុកនូវស្នាមនៅលើផ្ទៃទឹក។ សូម្បីតែកែវទឹកដែលបិទជិតក៏មិនមានសុវត្ថិភាពដែរ ពីព្រោះអ្វីៗដែលមានលើស្បែករបស់យើង ដូចជាញើស ធូលី កោសិកាស្បែកឬទឹករំអិល ដូចជាទឹកមាត់ អាចធ្លាក់ចូលក្នុងពេលយើងកំពុងតែទទួលទានទឹកនោះ។

ប្រសិនបើទឹកត្រូវបានទុកចោលច្រើនម៉ោង អាចបង្កភាពកខ្វក់ដល់ទឹក ហើយធ្វើឲ្យអ្នកទទួលទានអាចឈឺថ្កាត់ដោយការបង្កើតបាក់តេរីឡើងវិញ។

លោកវេជ្ជបណ្ឌិត Marc Leavey M.D បានណែនាំឲ្យទទួលទានដបមួយរួចបោះចោលចុះ។ ប៉ុន្តែបើជាបាក់តេរីខ្លួនឯង ទំនងជាមិនអីឡើយ តែបើការចែករំលែកដបជាមួយមនុស្សផ្សេងទៀតអាចនឹងឆ្លងបាក់តេរីបានយ៉ាងងាយ។

ប្រសិនបើយើងទុកដបទឹកនៅក្រោមពន្លឺព្រះអាទិត្យដោយផ្ទាល់ ដូចជានៅក្នុងឡាន កម្ដៅអាចបណ្ដាលឲ្យមានបាក់តេរីរីកលូតលាស់បាន។ ដូចគ្នានេះដែរ ដបប្លាស្ទិកមួយចំនួនមានផ្ទុកសារធាតុគីមី ដែលអាចហូរចូលទៅក្នុងទឹក ប្រសិនបើត្រូវនឹងពន្លឺព្រះអាទិត្យ។

អ្នកជំនាញផ្នែកមីក្រូជីវសាស្ត្រ Charles Gerba, Ph.D. បានបញ្ជាក់ថា បាក់តេរីនៅលើម្រាមដៃរបស់យើងក៏អាចធ្វើឲ្យទឹកកខ្វក់ដែរ ។

ចំណែកលោកវេជ្ជបណ្ឌិត Leavey បានណែនាំថា“ ចៀសវាងដាក់មាត់ផ្ទាល់ជាមួយមាត់ដប ហើយវិធីល្អគឺចាក់ទឹកចូលទៅក្នុងពែងឬកែវទឹករបស់អ្នក។ ” អ្វីដែលសំខាន់សូមចាប់ផ្ដើមយកចិត្តទុកដាក់ចំពោះកាលបរិច្ឆេទផុតកំណត់ លើសំបកដបទឹកដែលយើងបានបរិភោគផងដែរ៕

ប្រែសម្រួល៖ សាង ស្រីល័ក្ខ

ប្រភព៖helist

ចុចអាន៖សាច់ដុំសំខាន់ៗទាំង ១១ កន្លែង ប្រុសៗគួរយល់ដឹង

ចុចអាន៖៤ដំណាក់កាល សំគាល់ពីជំងឺឫសដូងបាត

Related Topics:ការថែទាំសុខភាព