Connect with us

សុខភាព

មន្ត្រីជាន់ខ្ពស់សុខាភិបាលព្រមានពីការឆ្លងជំងឺកូវីដ-១៩ ឡើងវិញ ក្រោយប្រទេសជិតខាងផ្ទុះខ្លាំង

បានផុស

នៅ

មន្ត្រីជាន់ខ្ពស់ក្រសួងសុខាភិបាល បានក្រើនរម្លឹកឱ្យប្រជាពលរដ្ឋបន្តការពារសុខភាព ដើម្បីចៀសវាងការឆ្លង​វីរុសកូវីដ-១៩ ប្រភេទ Omicron XBB.1.5 បន្ទាប់ពីមន្ទីរពេទ្យមួយរបស់ប្រទេសថៃប្រកាស​អស់គ្រែ​សម្រាប់​ទទួលព្យាបាលអ្នកជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីក្រើនរម្លឹកប្រុងប្រយ័ត្នការពារការចម្លងពពួក Omicron XBB.1.5 កាលពីល្ងាចថ្ងៃទី២៨ ឧសភា លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាលបានឱ្យដឹងថា «ខ្ញុំសូមក្រើនរម្លឹកជូន​ដល់បងប្អូនប្រជាពលរដ្ឋក្នុងប្រទេសកម្ពុជាទាំងអស់ថា ការកើនឡើងនូវករណីឆ្លងនៅតាមបណ្ដាប្រទេសជិតខាង និងនៅលើសាកលលោក ជាសញ្ញាបង្ហាញថា វីរុសកូវីដ-១៩ មិនទាន់ទៅណាឆ្ងាយពីយើងនោះទេ»។

លោកស្រីបានសូមរម្លឹកពលរដ្ឋឱ្យបន្តប្រុងប្រយ័ត្នខ្លួន និងថែទាំសុខភាពឱ្យបានល្អ ជៀសវាងការចម្លងវីរុសកូវីដ-១៩ ដោយស្មារតីទទួលខុសត្រូវ និងត្រៀមលក្ខណៈឱ្យបានល្អប្រសើរ ដើម្បីឆ្ពោះទៅរកការរស់នៅបានយូរអង្វែង។

លោកស្រីបានបន្ថែមថា« យើងត្រូវបន្តការប្រុងប្រយ័ត្នផ្ទាល់ខ្លួន ដើម្បីសុខភាពល្អ រៀងៗខ្លួន និងទប់ស្កាត់ការវិល​ត្រឡប់ទៅរកសភាពលំបាករស់នៅដូចពេលមុនៗ។ យើងមិនដឹងថា នឹងមានការបំប្លែង វីរុសកូវីដ ១៩ថ្មី ដល់ត្រឹមណាទេ ហើយបើវាចេះតែបំប្លែងខ្លួនវាដូច្នេះ ហើយបើវាអាចចាប់ដៃជាមួយមេរោគផ្សេងៗ ទៀត ក្លាយជាមេរោគថ្មីស្រឡាង​មួយទៀតដែលមានភាពឆ្លងខ្លាំងជាងមុនៗ និងធ្ងន់ធ្ងរជាងពេលមុនៗនោះ តើពិភពលោក នឹងអាចកើតមាន​ជាវិបត្តិធ្ងន់​ធ្ងរទៀតដែរទេ? »។

លោកស្រីបាន្យដឹងទៀតថា« យើងត្រូវតែបន្តការពារ និងត្រៀម លក្ខណៈជាមុននូវលទ្ធភាពផ្ទុះឡើងនូវការឆ្លងថ្មីៗ​នាពេលខាងមុខ ។ ដូច្នេះ យើងត្រូវរួបរួមគ្នាបន្ត ការពារ (៣ ការពារ និង ៣កុំ ទៅតាមការវាយ​តម្លៃស្ថាន​ភាពរបស់ខ្លួនត្រឹមត្រូវ) និងរៀនរស់នៅជាមួយវត្តមាននៃមេរោគ ទាំងឡាយមានទាំងវីរុសកូវីដ-១៩ ផងដែរ ដោយស្មារតីទទួលខុសត្រូវ ត្រៀមលក្ខណៈឱ្យបានល្អប្រសើរ បន្តរក្សាសុខភាព និងសុវត្ថិភាពផ្នែកផ្លូវកាយ និងផ្លូវចិត្តឱ្យបានល្អ ដើម្បីឆ្ពោះទៅរកការរស់នៅបានយូរអង្វែងជាមួយនឹង សុខភាពល្អប្រសើរបស់យើងទាំងអស់គ្នា»។

គួរបញ្ជាក់ថា គិតត្រឹមថ្ងៃទី២៨ខែឧសភាឆ្នាំ២០២៣កម្ពុជាមានករណីឆ្លងជំងឺកូវីដ១៩ចំនួន១៣៨៧៦៧នាក់ ក្នុងនោះ ឆ្លងជំងឺអូមីក្រុងចំនួន១៦៩៣៧នាក់ និងស្លាប់ចំនួន៣០៥៦នាក់៕ អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

ស្រុកបន្ទាយមាស ស្រូវ​លក់បាន​តម្លៃ​ចាប់ពី ១២០០ រៀលទៅ ខណៈ​មួយ​ឆ្នាំ​ធ្វើ​បាន​ ២ ទៅ ៤ ដង

ជីវិតកម្សាន្ដ១ ម៉ោង មុន

យក់ ឋិតរដ្ឋា សុខៗ ស្រាប់តែពោលពាក្យស្រលាញ់ស្អប់ ធ្វើឲ្យអ្នកគាំទ្រឆ្ងល់គ្រប់គ្នា

ព័ត៌មានជាតិ២ ម៉ោង មុន

ក្រសួងកសិកម្ម ដឹកនាំអ្នកសារព័ត៌មានចម្រុះស្ថាប័ន ចុះទស្សនកិច្ចនៅតាមសហគ្រាសជលផល

ព័ត៌មានជាតិ៣ ម៉ោង មុន

ស្ពាន ១ កន្លែងដាច់​ដោយកម្លាំងទឹកហូរ ខណៈផ្លូវប្របមាត់ប្រឡាយស្រុតបាក់ជាបណ្តើរៗ

ជីវិតកម្សាន្ដ៣ ម៉ោង មុន

អបអរ ទេព បូព្រឹក្ស ត្រឡប់ចូលសិល្បៈវិញ និងក្លាយជាទូតសុច្ឆន្ទៈផ្លូវការរបស់​ភេសជ្ជៈប៉ូវកម្លាំងគ្រុឌ និងភេសជ្ជៈ​វី-អាកទីវ

Sokha Hotels

ព័ត៌មានពេញនិយម