៧ សញ្ញាបង្ហាញថា អ្នកមានសុខភាពពោះវៀនមិនល្អ 

ទស្សនាវដ្ដី Vogue បានពិភាក្សាជាមួយវេជ្ជបណ្ឌិត Federica Amati អ្នកឯកទេសអាហារូបត្ថម្ភសុខភាពសាធារណៈ ដើម្បីស្វែងយល់ពីសញ្ញានៃសុខភាពពោះវៀនមិនល្អនិងដំណោះស្រាយ ។ ខាងក្រោមនេះជាសញ្ញាទាំង ៧ បង្ហាញថា អ្នកមិនមានសុខភាពពោះវៀនល្អនោះទេ ៖

១. លាមករាក ឬក្ដៀន

បើអ្នកសង្កេតឃើញលាមករាក ឬក្ដៀន មានន័យថាពោះវៀនយើងកំពុងមានបញ្ហា ហើយសម្រាប់អ្នកមានទាំងពីរចំណុចគឺកាន់តែពិបាក។ បញ្ហានោះអាចមកពីអតុល្យភាពអតិសុខុមប្រាណ ដូច្នេះបើការរំលាយអាហាររបស់អ្នកមិនល្អលើសពី ៧ ថ្ងៃ ត្រូវទៅពេទ្យជាចាំបាច់ ។

២. ប៉ោងពោះ

ពោះប៉ោងពេលរាក ឬក្ដៀន ជួនកាលវាកាន់តែមើលដឹងព្រោះបញ្ហាអ្វីមួយធ្ងន់ជាងមុន ។

៣. ហើមពោះ

បើអ្នកផោម ហើយមានការឈឺចាប់ វាជាសញ្ញាផ្សេងទៀតបង្ហាញថាពោះវៀនយើងមិនល្អ ។

៤. ការច្រាលអាស៊ីដ

ការច្រាលអាស៊ីដមានន័យថា អ្នកបរិភោគអាហារខុស ឬមិនល្អចំពោះអតិសុខុមប្រាណពោះវៀនរបស់អ្នក ។

៥. កង្វះអាហារូបត្ថម្ភ

កង្វះវីតាមីន ឬសារធាតុចិញ្ចឹមអាចជាសញ្ញាមួយបង្ហាញថា របបអាហារគ្មានសារធាតុចិញ្ចឹមគ្រប់គ្រាន់ ឬពោះវៀនមានបញ្ហាក្នុងការស្រូបយកសារធាតុចិញ្ចឹមពីអាហារ ។

៦. សុខភាពផ្លូវចិត្តទន់ខ្សោយ

សុខភាពពោះវៀនរបស់អ្នកពាក់ព័ន្ធនឹងផ្លូវចិត្ត ដូច្នេះការនឿយហត់អស់កម្លាំងគឺជាសញ្ញានៃពោះវៀនខ្សោយ ។

៧. បញ្ហាសើស្បែក

ស្ថានភាពស្បែកដូចជា មុន និងជំងឺស្បែកសុទ្ធតែមានទំនាក់ទំនងជាមួយនឹងពោះវៀន ដោយសារអ័ក្សស្បែកពោះវៀន ។ ឧទាហរណ៍៖ ការសិក្សាឆ្នាំ ២០២២ បានរកឃើញថា ការទទួលទានជាតិកាកសរសៃអាចជួយការពារ និងព្យាបាលអាឡ័កស៊ីស្បែក ។

ការស្រាវជ្រាវពីពោះវៀនរបស់អាមេរិកនិងអង់គ្លេសរកឃើញថា អ្នកដែលទទួលទានរុក្ខជាតិលើសពី ៣០ ដងក្នុងមួយសប្ដាហ៍ មានបរិមាណអតិសុខុមប្រាណខ្ពស់បំផុតក្នុងពោះវៀនរបស់ពួកគេ ៕

ប្រែសម្រួល ៖ វារី

ចុចអាន ៖ ៦ ជំហាន ជួយឲ្យពោះវៀនមានសុខភាពល្អ