សុខភាព

ហេតុអ្វីបានជាមនុស្សមួយចំនួន ផឹកកាហ្វេហើយទៅរាគរូស ?

បានផុស

៣ years មុន

នៅ

ថ្ងៃព្រហស្បតិ៍ ១៥ មិថុនា ២០២៣

ដោយ

មនុស្សជាច្រើនប្រហែលជាបានកត់សម្គាល់ឃើញថាផលិតផលសម្រកទម្ងន់ ឬថ្នាំបញ្ចុះលាមកសម្រាប់អ្នកដែលមានការទល់លាមក ជាធម្មតាវាមកក្នុងទម្រង់ជាកាហ្វេ។ អ្នកខ្លះថាផឹកកាហ្វេត្រូវតែបន្ទោបង់ ប៉ុន្តែសម្រាប់អ្នកខ្លះដែលផឹកកាហ្វេហើយមិនមានរោគសញ្ញាអ្វីឡើយ។ ហេតុអ្វីបានជាអញ្ចឹង?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Pirat Lokapattana វេជ្ជបណ្ឌិតឯកទេសផ្នែកជំងឺខាងក្នុង ឬ Doctor Cat ពន្យល់ថា
“កាហ្វេ និងជាតិកាហ្វេអ៊ីនជំរុញអ្នកទទួលប្រូតេអ៊ីន muscarinic រំញោច peristalsis ពោះវៀន លើសពីនេះ ការផឹកកាហ្វេលើសពី៣កែវ ឬច្រើនជាងនេះ ធ្វើឲ្យក្រពះលាតសន្ធឹង។ រំញោចការឆ្លុះក្រពះពោះវៀន ដែលនាំទៅដល់ការបន្ទោរបង់ញឹកញាប់ឬរាគតែម្ដង។

ទោះយ៉ាងណាក៏ដោយ រឿងនេះនឹងកើតឡើងតែនៅពេលដែលអ្នកដែលមិនធ្លាប់ពិសាកាហ្វេពីមុនមក ឬយូរៗម្តងផឹកកាហ្វេដែលមិនផឹកកាហ្វេជាប្រចាំ។ លើសពីហានិភ័យនៃជំងឺរាគ អ្នកនៅតែអាចទទួលរងឥទ្ធិពលនៃជាតិកាហ្វេអ៊ីន ក្នុងករណីខ្លះ ដូចជាញ័រទ្រូង បេះដូងលោតញាប់ គេងមិនលក់ ថប់បារម្ភ ឈឺក្បាល ឬមនុស្សខ្លះអាចមានអាឡ័កស៊ីទៅនឹងជាតិកាហ្វេអ៊ីន ដូចជាបបូរមាត់ហើម ឬអណ្ដាត កន្ទួល ហើមមុខ ថប់ដង្ហើម ចង្អោរនិងក្អួត និងវិលមុខផងដែរ។

ដូច្នេះ គន្លឹះខ្លះៗសម្រាប់អ្នកដែលកម្រផឹកកាហ្វេ ប៉ុន្តែចង់ផឹកដើម្បីបំបាត់ភាពងងុយគេង ឬចង់ផឹកដើម្បីភ្លក់រសជាតិ គួរជ្រើសរើសផឹកកាហ្វេក្នុងរូបមន្តដែលមិនមានកំហាប់ខ្លាំង អាចចាប់ផ្តើមជាមួយកាហ្វេ ឡាតេ ម៉ូចា ឬកាត់បន្ថយបរិមាណកាហ្វេ។ កុំផឹកលើសពី ១ កែវក្នុងពេលតែមួយ កុំផឹកលើសពី ៣ កែវ ឬក៏អាចរកអាហារញ៉ាំពេលផឹកកាហ្វេក៏បាន។ វានឹងជួយឲ្យរាងកាយរបស់អ្នកស្រូបយកជាតិកាហ្វេអ៊ីនកាន់តែយឺត៕