សុខភាព

អាហារ ៤មុខ ជួយគ្រប់គ្រងជាតិស្ករក្នុងឈាម សម្រាប់អ្នកជំងឺទឹកនោមផ្អែម

បានផុស

២ years មុន

នៅ

ថ្ងៃចន្ទ ២៨ សីហា ២០២៣

ដោយ

សម្រាប់អ្នកជំងឺទឹកនោមផ្អែម ការត្រួតពិនិត្យកម្រិតជាតិស្ករក្នុងឈាមជាទៀងទាត់គឺចាំបាច់។ ប្រសិនបើកម្រិតជាតិស្ករមិនធម្មតា វាអាចបណ្តាលឲ្យដួលសន្លប់ បាត់បង់ស្មារតី និងអាចគំរាមកំហែងដល់អាយុសជីវិតបាន។

ដូច្នេះ ការគ្រប់គ្រងកម្រិតជាតិស្ករក្នុងឈាម គឺជារឿងសំខាន់បំផុតសម្រាប់អ្នកជំងឺទឹកនោមផ្អែម រួមទាំងអ្នកដែលប្រឈមនឹងជំងឺទឹកនោមផ្អែម ពោលគឺអ្នកដែលជាតិស្ករក្នុងឈាមឡើងខ្ពស់ខ្លាំង រហូតដល់គ្រូពេទ្យព្រមាន។

អាហារដែលជួយគ្រប់គ្រងជាតិស្ករក្នុងឈាម សម្រាប់អ្នកជំងឺ និងអ្នកដែលមានហានិភ័យនៃជំងឺទឹកនោមផ្អែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ម្សៅដែលមិនបានចម្រាញ់

ម្សៅចម្រាញ់ ដូចជាអង្ករស នំបុ័ងពណ៌ស គឺជាម្សៅដែលអាចរំលាយទៅជាជាតិស្ករច្រើន សារធាតុចិញ្ចឹមផ្សេងទៀតតិច ។ ដូច្នេះប្រសិនបើអ្នកចង់ញ៉ាំម្សៅ ឬកាបូអ៊ីដ្រាត គួរជ្រើសរើសម្សៅដែលមិនទាន់ចម្រាញ់ ដូចជា អង្ករសំរូប អង្ករក្រហម នំបុ័ងស្រូវសាលីទាំងមូលជាការប្រសើរ។ ក្រៅពីមានជាតិស្ករតិច វាក៏ត្រូវចំណាយពេលយូរដើម្បីរំលាយផងដែរ។ សារធាតុចិញ្ចឹមមានប្រយោជន៍ច្រើនទៀត ហើយក៏មានជាតិសរសៃអាហារដែលជួយដល់ប្រព័ន្ធរំលាយអាហារ (កាបូអ៊ីដ្រាតដែលមិនចម្រាញ់) គួរតែត្រូវបានកំណត់ត្រឹម ៤៥% ទៅ ៥៥% នៃកាឡូរីសរុបប្រចាំថ្ងៃរបស់អ្នក)។

២ បន្លែម្សៅតិច ផ្លែឈើផ្អែមតិច

បន្ថែមបន្លែដែលមានជាតិម្សៅតិចដូចជា សាឡាត់ ខាត់ណា ប្រូខូលី ព្រឹកព្រលឹម ជាដើម ព្រមទាំងផ្លែឈើដែលល្អសម្រាប់អ្នកជំងឺទឹកនោមផ្អែមដូចជា ត្របែក ផ្លែប៉ោម យ៉ាអួ ផ្លែប៉ោម ផ្លែស្រកានាគ និងផ្លែឈើមិនសូវផ្អែមជាច្រើនទៀតទៅក្នុងរបបអាហាររបស់អ្នក ផងដែរ។ ព្រោះញ៉ាំបន្លែម្សៅតិច ផ្លែឈើផ្អែមតិចនឹងបន្ថែមជាតិសរសៃអាហារដល់រាងកាយ។ វាជួយកាត់បន្ថយបរិមាណជាតិស្ករក្នុងឈាមស ផ្លែឈើនិងបន្លែដែលមានជាតិម្សៅ និងស្ករច្រើន។ ចៀសវាង៖ ដំឡូងបារាំង ដំឡូងបារាំង ពោត ចេក ទុរេន។ល។

៣ គ្រាប់ធញ្ញជាតិ

គ្រាប់ធញ្ញជាតិគឺជាអាហារមួយប្រភេទទៀតដែលសម្បូរទៅដោយសារធាតុចិញ្ចឹមខ្ពស់គួរសម ហើយក៏មានអាហារដែលមានជាតិសរសៃខ្ពស់ដែលជួយបញ្ចុះជាតិស្ករក្នុងឈាមផងដែរដូចជា គ្រាប់សណ្តែក គ្រាប់ល្ង គ្រាប់ជី គ្រាប់ flax គ្រាប់អូតជាដើម ប៉ុន្តែគួរជ្រើសរើសគ្រាប់ធញ្ញជាតិដែលគ្មានជាតិស្ករ ឬទឹកឃ្មុំ គួរតែជ្រើសរើសរសជាតិធម្មជាតិជាការល្អបំផុត។

៤ ទឹកធម្មតា

ទឹកធម្មតាអាចជួយកាត់បន្ថយកម្រិតជាតិស្ករក្នុងឈាមបាន។ នៅពេលដែលមានរោគសញ្ញាដែលបង្ហាញថាជាតិស្ករក្នុងឈាមកើនឡើង ដូចជាស្រេកទឹក មាត់ស្ងួត នោមញឹកញាប់ ទឹកនោមមានក្លិនខ្លាំង ឬទុកទឹកនោម ហើយមានស្រមោចមកចោមរោម។ ផឹកទឹកឱ្យបានច្រើនភ្លាមៗ។

បន្ថែមពីលើការបរិភោគអាហារដែលបានរៀបរាប់ខាងលើ កុំភ្លេចធ្វើលំហាត់ប្រាណឲ្យបានទៀងទាត់។ សម្រាកឲ្យគ្រប់គ្រាន់ ហើយតែងតែមានវិន័យក្នុងការត្រួតពិនិត្យកម្រិតជាតិស្ករ ប្រសិនបើអ្នកមានអារម្មណ៍ថារោគសញ្ញារបស់អ្នកមិនប្រសើរឡើងទេ ជាតិស្ករក្នុងឈាមរបស់អ្នកមិនថយចុះទេ។ ហើយចាប់ផ្តើមវិលមុខ ដួលសន្លប់ គួរទៅជួបគ្រូពេទ្យជាបន្ទាន់

ប្រែសម្រួល៖ សាង ស្រីល័ក្ខ

ចុចអាន៖វិធីងាយៗទាំង ១០ ដើម្បីចៀសវាង អាហារមានជាតិខ្លាញ់