ព័ត៌មានជាតិ
២៥ ឆ្នាំ មន្ទីរពេទ្យកុមារអង្គរ ផ្តល់ការពិនិត្យព្យាបាល និងសង្គ្រោះកុមារកម្ពុជា ជាង ២,៥ លានករណី
ក្នុងរយៈពេល ២៥ ឆ្នាំ កន្លងទៅនេះ មន្ទីរពេទ្យកុមារអង្គរ ដែលជាអង្គការក្រៅរដ្ឋាភិបាល មិនស្វែងរកប្រាក់ចំណេញ មានទីតាំងស្ថិតនៅខេត្តសៀមរាប បានផ្តល់ការពិនិត្យ ព្យាបាល និងថែទាំសុខភាព សង្គ្រោះអាយុជីវិតដល់កុមារកម្ពុជា ជាង ២,៥ លានករណី។
ថ្លែងក្នុងសន្និសីទសារព័ត៌មាន កាលពីរសៀលថ្ងៃទី ២១ កុម្ភៈ លោកវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យកុមារអង្គរ មានប្រសាសន៍ថា មន្ទីរពេទ្យកុមារអង្គរ នឹងប្រារព្ធខួប ២៥ ឆ្នាំ នៃការផ្តល់ការថែទាំសុខភាពប្រកបដោយគុណភាពដល់កុមារនៅកម្ពុជា មិនថាពួកគេរស់នៅទីណា និង មាន ឬ មិនមានលទ្ធភាពក៏ដោយ។
លោកវេជ្ជបណ្ឌិត បានបន្តថា ដើម្បីអបអរសាទរនៅក្នុងខួប ២៥ ឆ្នាំនេះ មន្ទីរពេទ្យកុមារអង្គរ នឹងប្រារព្ធព្រឹត្តិការណ៍ជាបន្តបន្ទាប់ ដែលមានដូចជា ៖ កម្មវិធីជួបជាមួយស្ថាបនិកមន្ទីរពេទ្យកុមារអង្គរ នាថ្ងៃទី ២១ ខែកុម្ភៈ។ ពិធីប្រគល់ទទួលប័ណ្ណសរសើរដល់បុគ្គលិកមន្ទីរពេទ្យកុមារអង្គរ បម្រើការងាររយៈពេល ២០ ឆ្នាំ និង ១០ ឆ្នាំ នាថ្ងៃទី ២៤ ខែកុម្ភៈ។
ជាមួយគ្នានេះដែរ មន្ទីរពេទ្យកុមារអង្គរ នឹងមានយុទ្ធនាការរៃអង្គាសថវិកា ដែលនឹងប្រព្រឹត្តទៅ ចាប់ពីថ្ងៃទី ០៤ ដល់ថ្ងៃទី ២២ ខែមីនា ឆ្នាំ ២០២៤ ដើម្បីរៃអង្គាសមូលនិធិសម្រាប់អភិវឌ្ឍន៍ មជ្ឈមណ្ឌលរងរបួស និងប៉ះទង្គិចធ្ងន់ធ្ងរ។
លោកវេជ្ជបណ្ឌិត បន្តទៀតថា រយៈពេល ២៥ ឆ្នាំ (១៩៩៩ – ២០២៤) កន្លងមកនេះ មន្ទីរពេទ្យកុមារអង្គរ បានបោះជំហានយ៉ាងសំខាន់ក្នុងការធ្វើឱ្យប្រសើរឡើងនូវការថែទាំសុខភាពក្នុងប្រទេសកម្ពុជា ដោយបានផ្តល់ការពិនិត្យ ព្យាបាល និងថែទាំ ដោយឯកទេស ក្នុងប្រទេសកម្ពុជា មន្ទីរពេទ្យកុមារអង្គរ បានផ្តល់ការពិនិត្យ ព្យាបាល និងថែទាំសុខភាព សង្គ្រោះអាយុជីវិតដល់កុមារ ជាង ២,៥ លានករណី។
លោកវេជ្ជបណ្ឌិត បន្ថែមថា មន្ទីរពេទ្យកុមារអង្គរ ក៏ជាមជ្ឈមណ្ឌលបណ្ដុះបណ្ដាលដ៏ឧត្តុង្គឧត្តមមួយ សម្រាប់មន្ត្រីសុខាភិបាលជំនាន់ក្រោយ ដោយមន្ទីរបានបណ្ដុះបណ្ដាលប្រមាណ ៧៨០ ០០០ នាក់ ដល់និស្សិតវេជ្ជសាស្ត្រ និងមន្ត្រីសុខាភិបាល ទាំងក្នុង និងក្រៅមន្ទីរពេទ្យ។
ក្រៅពីនេះ នៅតាមសហគមន៍ជនបទមួយចំនួន ក្នុងខេត្តសៀមរាប និងព្រះវិហារ មន្ទីរពេទ្យ បាន លើកកម្ពស់ចំណេះដឹងដល់ឪពុកម្តាយ អាណាព្យាបាលអ្នកជំងឺ ទាក់ទងទៅនឹងបញ្ហាសុខភាពចម្បងៗ ជាច្រើន ដោយ មន្ទីរពេទ្យ បានអប់រំសុខភាពដល់ប្រជាពលរដ្ឋនៅតាមសហគមន៍ សិស្សានុសិស្ស និងមន្ត្រីភូមិ-ឃុំ ក្នុងខេត្តសៀមរាប និងព្រះវិហារ ចំនួនប្រមាណ ១,៥ លានវត្តមាន។
លោកវេជ្ជបណ្ឌិត ងួន ច័ន្ទភក្ត្រា បានបញ្ជាក់ថា «មន្ទីរពេទ្យកុមារអង្គរ មិនត្រឹមតែជាអង្គភាព ដែលខ្ញុំបម្រើការងារនោះទេ។ ទីនេះប្រៀបបានដូចជាកូនរបស់ខ្ញុំដែរ! ក្នុងនាមជានាយកមន្ទីរពេទ្យកុមារអង្គរ ខ្ញុំបាទសូមសម្តែងនូវការថ្លែងអំណរគុណ និងដឹងគុណចំពោះបុគ្គលិក អ្នកស្ម័គ្រចិត្ត ម្ចាស់ជំនួយ ដៃគូ និងអ្នកគាំទ្រទាំងអស់ ដែលបានចូលរួមចំណែកសម្រេចនូវកិច្ចការងាររបស់មន្ទីរពេទ្យកុមារអង្គរ»។
លោកវេជ្ជបណ្ឌិត បានបញ្ជាក់បន្ថែមថា «យើងបានប្រឈមមុខនឹងបញ្ហា និងការលំបាកជាច្រើន ប៉ុន្តែយើងតែងតែតស៊ូដោយភាពក្លាហាន និងក្តីមេត្តាករុណា។ ខ្ញុំមានមោទនភាពចំពោះសមិទ្ធផលរបស់យើង ប៉ុន្តែខ្ញុំក៏ដឹងអំពីតម្រូវការដែលនៅតែមានសម្រាប់ការពិនិត្យ ព្យាបាលដ៏ឯកទេស។ ខ្ញុំបាទ សូមបន្តអំពាវនាវដល់សប្បុរសជន បណ្តាក្រុមហ៊ុន និងស្ថាប័ន ទាំងអស់ បន្តការបរិច្ចាគ និងគាំទ្រ មកកាន់មន្ទីរពេទ្យកុមារអង្គរ ជាពិសេសក្នុងយុទ្ធនាការរៃអង្គាសខាងមុខនេះ ដើម្បីស្វែងរកមូលនិធិ ដើម្បីកសាងមជ្ឈមណ្ឌល រងរបួស និងប៉ះទង្គិចធ្ងន់ធ្ងរ នៅក្នុងមន្ទីរពេទ្យកុមារអង្គរ»៕
អត្ថបទ ៖ សំអឿន
ម្ចាស់ចម្ការទុរេនថា កត្តាអាកាសធាតុល្អធ្វើឱ្យទុរេននៅរមណីយដ្ឋានទឹកឈូធំៗល្អ ក្នុងការប្រមូលផល
ឆេះផ្ទះ៨ខ្នង និងតូបជួលផ្សារពាក់ស្បែក១៦តូប ខូចខាតអស់ទាំងស្រុង
ប្រជាការពារម្នាក់ ត្រូវអធិការនគរបាលខណ្ឌឫស្សីកែវផ្ដល់ថវិកាព្យាបាល ខណៈចុះបង្ក្រាបប៉ះទង្គិចនឹងជនញៀនថ្នាំ
សាច់ជ្រូកបង្កកខូចគុណភាព ជាង១ពាន់គីឡូក្រាម ត្រូវសមត្ថកិច្ចបង្ក្រាប និងដុតកម្ទេចចោល
ពលរដ្ឋសំណូមពរអាជ្ញាធរជួសជុលជង្ហុកមួយកន្លែង ដើម្បីបង្ការគ្រោះថ្នាក់ ពិសេសគឺពេលរាត្រី
អតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
ចិន ត្រៀមបញ្ចេញ យន្តហោះផ្ទុកដ្រូនដំបូងគេលើលោក ដ៏អស្ចារ្យ
សម្ដេចធិបតី៖ ពេលចុះទៅមើលផ្ទាល់ទើបដឹងពីផលប៉ះពាល់ធ្ងន់ធ្ងរ ព្រោះបញ្ហាខ្លះនៅលើក្រដាសល្អណាស់
ចំណូលប្រតិបត្តិការរបស់ក្រុមហ៊ុនសែលកាតធ្លាក់ចុះយ៉ាងគំហុក
ប៉ូលិសថៃ ចាប់ជនជាតិខ្មែរ ៣នាក់ ពេលកំពុង ត.យ៉ាក នៅខេត្ត ស្រះកែវ
-
ចរាចរណ៍៤ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម១ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៥ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៥ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៧ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៣ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
ព័ត៌មានជាតិ១១ ម៉ោង agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
កីឡា៥ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក