សុខភាព

វេជ្ជបណ្ឌិតអាមេរិក ណែនាំភេសជ្ជៈ៣ប្រភេទ ជួយថ្លើមនិងប្រព័ន្ធរំលាយអាហារ

បានផុស

២ years មុន

នៅ

ថ្ងៃព្រហស្បតិ៍ ៧ មីនា ២០២៤

ដោយ

អ្នកជំនាញខាងវេជ្ជសាស្រ្ដណែនាំភេសជ្ជៈ ៣ មុខ សម្បូរទៅដោយសារធាតុប្រឆាំងអុកស៊ីតកម្ម វាអាចជួយកែលម្អសុខភាពថ្លើម និងប្រព័ន្ធរំលាយអាហារឲ្យកាន់តែប្រសើរឡើងជាងមុន។

វេជ្ជបណ្ឌិត Joseph Sahab គ្រូពេទ្យឯកទេសជំងឺក្រពះ និងពោះវៀននៅរដ្ឋផ្លរីដា សហរដ្ឋអាមេរិក បានបង្ហោះឃ្លិបនេះនៅលើ TikTok thestomachdoc ដើម្បីចែករំលែកភេសជ្ជៈវេទមន្ត ចំនួន ៣ ល្អសម្រាប់ថ្លើម និងប្រព័ន្ធរំលាយអាហារ ហើយទាំងនេះគឺជាភេសជ្ជៈដែលយើងគ្រប់គ្នាធ្លាប់ស្គាល់និងធ្លាប់ទទួលទានពីមុនមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ កាហ្វេខ្មៅ

កាហ្វេជាភេសជ្ជៈមួយប្រភេទដែលមានអត្ថប្រយោជន៍ចំពោះថ្លើម។ ការសិក្សាបានរកឃើញថា អ្នកដែលផឹកកាហ្វេជាប្រចាំ មានការថយចុះហានិភ័យនៃជំងឺមហារីកថ្លើម។ នៅក្នុងការសិក្សាមួយទៀត អ្នកផឹកកាហ្វេ ៤ ពែងក្នុងមួយថ្ងៃ មានហានិភ័យនៃជំងឺក្រិនថ្លើម ៨០% ទាបជាងអ្នកដទៃ។

លើសពីនេះ កាហ្វេមានសារធាតុជាច្រើនដែលមានឥទ្ធិពលប្រឆាំងអុកស៊ីតកម្ម។ ដូច្នេះ នេះអាចជាហេតុផលដែលការផឹកកាហ្វេជួយការពារជំងឺមហារីកថ្លើម និងជំងឺថ្លើមផងដែរ។ នេះក៏ព្រោះតែថ្លើមជាសរីរាង្គដែលរងផលប៉ះពាល់ខ្លាំងបំផុតដោយសារធាតុអុកស៊ីតកម្ម។ ដូច្នេះអាចបណ្តាលឱ្យមានជំងឺថ្លើម។ វេជ្ជបណ្ឌិតពន្យល់ថា “វាអាចជួយគ្រប់គ្រងជំងឺខ្លាញ់រុំថ្លើម និងកាត់បន្ថយហានិភ័យនៃជំងឺមហារីកថ្លើម។ កាហ្វេខ្មៅមានជាតិអាស៊ីតតិចហើយវាជាជម្រើសល្អសម្រាប់អ្នកដែលមានជំងឺច្រាលអាស៊ីត។

២ តែបៃតង

បើអ្នកមិនចូលចិត្តរសជាតិកាហ្វេខ្មៅ ឬចង់ទទួលទានជាតិកាហ្វេអ៊ីនតិច តែបៃតងក៏ជាជម្រើសដ៏ល្អផងដែរ។ លទ្ធផលនៃការសិក្សាជាច្រើនបង្ហាញថា ប៉ូលីហ្វេណុល និងសមាសធាតុជីវសកម្មផ្សេងទៀត។ រកឃើញនៅក្នុងតែបៃតង អាចជួយការពារប្រភេទមហារីកមួយចំនួនដូចជា មហារីកសុដន់ មហារីកពោះវៀនធំ មហារីកថ្លើម មហារីកអូវែ និងមហារីកក្រពេញប្រូស្តាត រួមទាំងមហារីកមាត់ និងស្បែក។ តែបៃតងមានផ្ទុកសារធាតុ catechins ដែលជាសារធាតុប្រឆាំងអុកស៊ីតកម្មដ៏មានឥទ្ធិពល។ វាមានប្រយោជន៍ទាំងពោះវៀននិងថ្លើម ដែលផ្ទុកជាតិកាហ្វេអ៊ីន ប៉ុន្តែតិចជាងកាហ្វេខ្មៅ។

៣ Smoothies

ប្រសិនបើអ្នកចង់បានភេសជ្ជៈដែលមិនមានជាតិកាហ្វេអ៊ីន។ គ្រូពេទ្យបានណែនាំឲ្យលាយផ្លែឈើ និងបន្លែដែលមានសារធាតុប្រឆាំងអុកស៊ីតកម្មខ្ពស់។ នេះរាប់បញ្ចូលទាំងផ្លែឈើដូចជាផ្លែប៊ឺរី ប៊្លូបឺរី រ៉ាបប៊ឺរី ស្ត្របឺរី ឬផ្លែទទឹម ផ្លែឆឺរី ផ្លែស្វាយ ផ្លែល្ហុងជាដើម។

ផ្លែប៊ឺរីគឺជាប្រភពដ៏សម្បូរបែបនៃសារធាតុប្រឆាំងអុកស៊ីតកម្ម រួមមាន anthocyanin, អាស៊ីត ellagic និង resveratrol ។ សមាសធាតុរុក្ខជាតិទាំងនេះជួយការពារកោសិការបស់រាងកាយ និងកាត់បន្ថយហានិភ័យនៃជំងឺ ការសិក្សាជាច្រើនបានបង្ហាញថា សារធាតុប្រឆាំងអុកស៊ីតកម្មនៅក្នុងផ្លែប៊ឺរី ជួយកាត់បន្ថយភាពតានតឹងអុកស៊ីតកម្ម។

ចំណែកឯបន្លែក៏អាចត្រូវបានបន្ថែមទៅ smoothies អ្នកអាចលាយផ្លែឈើជាមួយរបស់ផ្សេងទៀតដូចជា beetroot ដែលមានសារធាតុប្រឆាំងអុកស៊ីតកម្មខ្ពស់ ខាត់ណា ស្ពៃខ្មៅ ប្រូខូលី៕