KPT+

ផ្នត់គំនិត៥ នេះពិតជាមានឥទ្ធិពលអាចកែប្រែយើងឲ្យឆាប់ទទួលបានជោគជ័យ

បានផុស

៥ years មុន

នៅ

ថ្ងៃចន្ទ ១២ មេសា ២០២១

ដោយ

ជីវិត គឺយើងជាបង្កើតគំនិតដោយខ្លួនឯង យើងមានរបស់ជាច្រើនដែលត្រូវការដើម្បីកែលំអវា។ ជីវិតយើងនឹងប្រសើរឡើង នៅពេលដែលយើងដឹងថា ជីវិតគឺជារឿងដែលត្រូវស៊ូទ្រាំនិងអត់ធ្មត់។

ខាងក្រោមនេះគឺជាផ្នត់គំនិតដែលអាចជួយបង្កើនភាពជោគជ័យរបស់យើង និងធ្វើឲ្យយើងក្លាយជាមនុស្សរឹងមាំ។

១. ការរកឃើញខ្លួនឯងគឺជាដំណើរការមួយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្គាល់ខ្លួនឯងគឺជាការចាប់ផ្ដើមនៃរឿងទាំងអស់។ Aristotle បាននិយាយថា ជីវិតនិងការរស់នៅ វាគឺជាដំណើររឿងទាំងអស់។ នៅពេលអ្នកធ្វើតាមខ្លួនឯង អ្នកបង្កើតឱកាសថ្មីនិងបទពិសោធន៍ផ្សេងៗគ្នា រួមទាំងបង្កើតជីវិតដែលអ្នកចង់បាន។

កុំអង្គុយស្ងៀមមិនធ្វើអីសោះ ហើយទុកឱ្យរឿងរ៉ាវកើតឡើង វាមិនបានផ្ដល់នូវគុណភាពជីវិតដែលអ្នកប្រាថ្នានោះទេ។ ជីវិតគឺជាការតស៊ូ ស្ទើរតែគ្រប់មនុស្សពេញវ័យ ដែលឆ្លងកាត់។

២. យើងតែម្នាក់ឯងទទួលខុសត្រូវចំពោះជីវិតខ្លួនឯង

កំណត់ភាពជោគជ័យតាមលក្ខខណ្ឌផ្ទាល់របស់យើង ហើយបង្កើតជីវិតដែលមានមោទនភាពក្នុងការរស់នៅ។ Anne Sweeney និយាយថា ភាពក្លាហានដំបូងនិងអស្ចារ្យបំផុតនៅក្នុងជីវិត គឺភាពក្លាហានក្នុងការទទួលខុសត្រូវចំពោះជីវិតផ្ទាល់ខ្លួន។

លោក Bob Moawad មានប្រសាសន៍ថា ” ថ្ងៃល្អបំផុតនៃជីវិតរបស់យើង គឺជាថ្ងៃដែលយើងសម្រេចថា ជីវិតរបស់យើងគឺជារបស់យើង។ ជីវិតគឺជាអំណោយ វាគឺជាដំណើរដ៏អស្ចារ្យមួយ ហើយយើងតែម្នាក់គត់ ដែលទទួលខុសត្រូវចំពោះ ខ្លួនឯង” ។

៣. ជីវិតមិនល្អឥតខ្ចោះទេ គ្រប់យ៉ាងមិនមែនដូចការគ្រោងទុកទេ

ជីវិតដែលបានចំណាយពេលបង្កើតកំហុស វាមិនត្រឹមតែមានមោទនភាពប៉ុណ្ណោះទេ តែវាមានប្រយោជន៍ច្រើនជាងជីវិត ដែលមិនបានចំណាយពេលធ្វើអ្វីទាំងអស់។ George Bernard Shaw និយាយថា ជីវិតមិនមានអ្វីដែលល្អឥតខ្ចោះនោះទេ។ លទ្ធផលល្អឥតខ្ចោះ ពេលខ្លះអាចបំបែកយើងចេញ។

លោក Landon Donovan មានប្រសាសន៍ថា “ ជីវិតមិនល្អឥតខ្ចោះទេ ប៉ុន្តែយើងទាំងអស់គ្នាដឹងថា វាជារបៀបដែលយើងមានប្រតិកម្ម ចំពោះរឿងរ៉ាវដែលកើតឡើង ” ។

៤. រាល់ឧបសគ្គគឺជាផ្លូវឆ្ពោះទៅមុខ

យើងត្រូវតែតស៊ូរហូតដល់ទទួលបានជោគជ័យ។ បោះជំហានមួយទៀតជានិច្ច កុំឈប់ធ្វើដំណើរឲ្យសោះ។ ប្រសិនបើវាគ្មានប្រយោជន៍ ត្រូវយកមួយផ្សេងទៀត ហើយបន្តមួយទៀត។ តាមពិតមួយជំហានម្ដងៗ មិនពិបាកទេ។

Og Mandino និយាយថា ” យើងត្រូវស្វែងយល់ម្ដងហើយម្ដងទៀត ថារឿងអ្វីដែលសំខាន់បំផុត ហើយថាតើយើងឃើញវាពីរបៀបដែលយើងមានប្រតិកម្មចំពោះវាយ៉ាងម៉េច និងថាតើយើងរក្សាភាពរីករាយរបស់យើងយ៉ាងម៉េច ” ។

ប្រតិកម្មពីឧបសគ្គនឹងជួយកំណត់ដំណើរដែលយើងនឹងទទួលជោគជ័យ ក្នុងការយកឈ្នះឬអាចរីកចម្រើនដោយសារតែវា។

៥. ធ្វើបានល្អប្រសើរជាងល្អឥតខ្ចោះ

Kim Collins និយាយថា “ ខិតខំធ្វើឲ្យប្រសើរឡើងជាបន្តបន្ទាប់ ជំនួសឲ្យភាពឥតខ្ចោះ” ពិភពពិតមិនផ្ដល់រង្វាន់ដល់អ្នកឥតខ្ចោះនោះទេ។ វាផ្ដល់រង្វាន់ដល់មនុស្សដែលសម្រេចកិច្ចការ។ ភាពល្អឥតខ្ចោះ មិនមែនជារឿងសំខាន់នោះទេ ប៉ុន្តែជាការសម្រេចបាននូវការងារ៕

ប្រែសម្រួល៖ សាង ស្រីល័ក្ខ

ចុចអាន៖បកស្រាយនិយមន័យនៃចិត្តមេត្តាករុណាដែលគ្រប់គ្នាលុតជង្គង់ចុះចាញ់

ចុចអាន៖៦យ៉ាងនេះ យុវវ័យអឺរ៉ុបគិតខុសពីយើងអាស៊ី