KPT+

សព្វថ្ងៃនេះយើងកំណត់គុណតម្លៃត្រឹមត្រូវសម្រាប់ខ្លួនឯងឬនៅ?

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

សកម្មភាពរបស់យើងនឹងប្រាប់រឿងពិតទាំងអស់ថាយើងជាអ្នកណា ទៅមុខនឹងយ៉ាងណា ហើយអ្នកណាខ្លះចង់បានយើងជាដៃគូ ជាមិត្តរួមក្រុម ជាមិត្តរួមជីវិត។

អ្វីដែលយើងធ្វើ គឺជាផលនៃការគិត ហើយគ្រប់គ្នាអាចយល់អំពីអ្វីដែលយើងឲ្យតម្លៃក្នុងជីវិតតាមរយៈរឿងទាំងអស់នោះដែរ។

១. ការគិតអំពីពេលវេលា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវបានរកឃើញថា ជីវិតរបស់យើងម្នាក់ៗ ជាមធ្យមនឹងចំណាយពេល ៣៣ ឆ្នាំនៅលើគ្រែ (៧ ឆ្នាំដែលយើងព្យាយាមគេង) ការធ្វើលំហាត់ប្រាណ ១ ឆ្នាំ ៤ ខែនិងច្រើនជាង៣ដង នៃឆ្នាំវិស្សមកាល។ ក្នុងនោះ ស្ត្រីនឹងចំណាយពេល ១៣៦ ថ្ងៃ ដើម្បីតុបតែង បុរសវិញត្រឹម ៩០ ថ្ងៃទេ។ ទិន្នន័យទាំងនេះគ្រាន់តែជាការប៉ាន់ស្មានប៉ុណ្ណោះ ។ ជីវិតយើងជាទ្រព្យរបស់យើង ជាជម្រើសប្រចាំថ្ងៃរបស់យើង ដែលចេះឬមិនចេះប្រើប្រាស់ពេលវេលាឲ្យមានតម្លៃ។

២. ការប្រើប្រព័ន្ធផ្សព្វផ្សាយ

អ្នកស្រាវជ្រាវបានប៉ាន់ស្មានថា ជាមធ្យមយើងម្នាក់ៗនឹងចំណាយពេលច្រើនជាង ១១ ឆ្នាំនៃជីវិត ដើម្បីមើលទូរទស្សន៍និងប្រព័ន្ធផ្សព្វផ្សាយនានាមានបណ្ដាញសង្គមជាដើម។ គ្រប់គ្នាអាចគិតថាជម្រើសប្រើឬមិនប្រើប្រព័ន្ធផ្សព្វផ្សាយគឺធម្មតា ប៉ុន្តែតាមពិត ឆ្លុះបញ្ចាំងពីតម្លៃនៃជីវិតយើងម្នាក់ៗថាបានចំណាយប៉ុន្មាន ហើយសមជាមួយនឹងគុណតម្លៃឬទេ។

៣. តម្លៃប្រាក់

ដូចជាពេលវេលាដែរ ប្រាក់ដែលយើងចំណាយ មើលឃើញពីគុណតម្លៃដែលយើងរស់នៅ។ មិនរាប់បញ្ចូលរបស់របរចាំបាច់ ដូចជា ផ្ទះ ឡាន វិក្កយបត្រ ម្ហូបអាហារនិងបំណុល។ ឥឡូវសូមក្រឡេកមើលការចំណាយតាមតម្រូវការរបស់យើងជាមុនសិន។ តើការវិនិយោគធំបំផុតរបស់យើងក្នុងខែនេះគឺជាអ្វី? តើតំបន់ណាដែលត្រូវការចំណាយច្រើនបំផុតសម្រាប់យើង? តើការចំណាយរបស់យើង ត្រូវនឹងអ្វីដែលសំខាន់បំផុតសម្រាប់យើងទេ?

ជាញឹកញាប់យើងមានទស្សនវិស័យលើអ្វីដែល “មានតម្លៃ” ដែលមិនសមហេតុផល ប្រសិនបើយើងមើលការចំណាយរបស់យើងទាំងអស់ក្នុងពេលតែមួយ។

៤. ស្វែងរកគុណតម្លៃឲ្យខ្លួនឯង

ការធ្វើសវនកម្មដោយខ្លួនឯង ប្រាប់យើងពីគុណតម្លៃដែលបានជះឥទ្ធិពលដល់ជីវិតរបស់យើងដើម្បីសម្រេចចិត្តថា តើគុណតម្លៃរបស់យើងមានអ្វីខ្លះ និងថាតើសកម្មភាពសព្វថ្ងៃរបស់យើងស្របជាមួយរឿងទាំងនោះដែរឬទេ។ គុណតម្លៃខ្ពស់ជួយជំរុញនិងលើកស្ទួយយើងឆ្ពោះទៅរកសុភមង្គល ការសម្រេចចិត្តច្បាស់លាស់និងបន្ថែមអត្ថន័យដល់ជីវិត។ គុណតម្លៃទាប នឹងនាំយើងឆ្ពោះទៅរកការថប់បារម្ភ ការធ្លាក់ទឹកចិត្តនិងការរងទុក្ខមិនខាន៕

ប្រែសម្រួល៖ សាង ស្រីល័ក្ខ

ប្រភព៖success

ចុចអាន៖អ្វីដែលត្រូវធ្វើ នៅពេលដែលមិត្តភ័ក្ដិមិនចូលចិត្តមិត្តប្រុសរបស់អ្នក

ចុចអាន ៖និយមន័យស្នេហាមានន័យយ៉ាងណា? ម្ដេចមនុស្សគ្រប់គ្នាតែងឈឺចាប់នឹងវា?

Related Topics:ការលើកទឹកចិត្ត