Connect with us

KPT+

​ទម្លាប់​មិនល្អរបស់ឪពុកម្ដាយ ធ្វើ​ឲ្យ​កូនចរិតអាក្រក់ពេលធំឡើង

បានផុស

នៅ

ពិត​ណាស់​ថា​ គ្មាន​ប៉ាម៉ាក់​ណា​ចង់​ឲ្យ​កូន​មាន​ចរិត​មិន​ល្អ​នោះ​ទេ តែ​ទង្វើ​របស់​ប៉ាម៉ាក់មួយ​ចំនួន​អាច​ធ្វើ​ឲ្យ​កូន​ខូច​បាន​។ តើ​ទង្វើ​ទាំង​នោះ​មាន​អ្វី​ខ្លះ? ស្វែង​យល់​ទាំង​អស់​គ្នា​។​

១. មិ​ន​ធ្វើ​តាម​ការ​និយាយ​

Parent Guide Helps Asian Families Address Racism During the Pandemic |  Parents
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​ប៉ាម៉ាក់​ថា​មិន​ឲ្យ​របស់​អ្វី​មួយ​ដល់​កូន​ហើយ សូម​ធ្វើ​ឲ្យ​បាន​។ ប៉ាម៉ាក់​ខ្លះ​ថា​មិន​ឲ្យ​កូន​ញ៉ាំ​ស្ករ​គ្រាប់​ទេ តែ​ពេល​កូន​ខឹង​គប់​របស់​របរ​ចោល ក៏​ប្ដូរ​ចិត្ត​ឲ្យ​កូន​ញ៉ាំ​វិញ។ ការ​ធ្វើ​ដូច​នេះ ធ្វើ​ឲ្យ​កូន​ដឹង​ចិត្ត​ប៉ាម៉ាក់​ថា​ពេល​គេ​ខឹង គេ​នឹង​បាន​អ្វី​ដែល​ត្រូវ​ការ ហើយ​អ្វី​ដែល​ប៉ាម៉ាក់​និយាយ​មិន​យក​ជា​ការ​នោះ​ទេ​។

ដូច​គ្នា​ដែរ ប៉ា​ម៉ាក់​ខ្លះ​ទៀត បាន​គំរាម​កូន​ថាបើ​មិន​ធ្វើ​តាម​​នឹង​មិន​បាន​របស់​នេះ​របស់​នោះ មិន​ឲ្យ​មើល​ទូរសព្ទ ឬ​មិន​បាន​ដើរ​លេង​ជា​ដើម​។ ប៉ុន្តែ​នៅ​​ពេល​កូន​មិន​ធ្វើ​តាម​ ប៉ាម៉ាក់​នៅ​តែ​មិន​បាន​ធ្វើ​តាម​អ្វី​ដែល​ខ្លួន​ប្រាប់​កូន​ដដែល​។ ការ​​ធ្វើ​ដូច​នេះ ធ្វើ​ឲ្យ​កូន​ដឹង​ថា​ ទោះ​បី​ជា​គេ​មិន​ស្ដាប់​តាម​ប៉ា​ម៉ាក់ ក៏​គេ​មិន​ទទួល​ពិន័យ​អ្វី​ដែរ​។​

​​២.​រក​លេស​ជំនួស​កូន​

ពេល​កូន​ធ្វើ​ខុស​អ្វី​មួយ ប៉ា​ម៉ាក់​ខ្លះ​ខំ​រក​លេស​ជំនួស​កូន​ថា​មកពី​កូន​នៅ​តូច​ពេក មកពី​កូន​មិន​ដឹង ឬ​មកពី​កូន​ឃ្លាន​ជា​ដើម​។ ការ​រក​លេស​ជំនួស​កូន​នេះ​ នឹង​ធ្វើ​ឲ្យ​កូន​មិន​ចេះ​ទទួល​ស្គាល់​កំហុស ហើយ​យូរ​ៗ​ទៅ​​កូន​នឹង​លែង​មាន​ការ​ទទួល​ខុស​ត្រូវ​លើ​ទង្វើ​ខ្លួន​​។​​

៣. ចូល​ចិត្ត​ស្រែក​ដាក់​កូន​

ចរិតកូន

ប៉ា​ម៉ាក់​ខ្លះ​ទំនង​ជា​គិត​ថា​ការ​ស្រែក​គំហក​ដាក់​កូន​ធ្វើ​ឲ្យ​កូន​ស្ដាប់​ឮ និង​ធ្វើ​តាម ប៉ុន្តែ​ការ​ធ្វើ​បែប​នេះ​មាន​ប្រសិទ្ធភាព​រយៈពេល​ខ្លី​ប៉ុណ្ណោះ មិន​បាន​យូរ​អង្វែង​ទេ និង​ថែមទាំង​អាច​ធ្វើ​ឲ្យ​ទំនាក់​ទំនង​ប៉ាម៉ាក់​និង​កូន​ល្អក់​កករ​នឹងគ្នា​ទៅ​វិញ​។ និយាយ​ជាមួយ​កូន​ដោយ​សម្ដីទន់​ភ្លន់ តែ​ច្បាស់​លាស់ នឹង​ធ្វើ​ឲ្យ​កូន​យល់ ហើយ​អាច​ពង្រឹង​ទំនាក់ទំនង​ប៉ា​ម៉ាក់ និង​កូន​បាន​រឹង​មាំ​ល្អ​ទៀត​ផង​។

ដូច​គ្នា​ដែរ ប៉ា​ម៉ាក់​ខ្លះ​ទៀត ចូល​ចិត្ត​គំរាម​ដាក់​ទណ្ឌកម្ម​កូន បើ​ហ៊ាន​ធ្វើ​ខុស​អ្វី​មួយ តែ​ជាក់​ស្ដែង​ពេល​កូន​ធ្វើ​ខុស​បែរ​ជា​មិន​ដាក់ទោស​ នាំ​ឲ្យ​កូន​ដឹង​ថា​គេ​គ្មាន​ហេតុ​ផល​អ្វី​ត្រូវ​ធ្វើ​តាម​ការ​បង្គាប់ ឬ​ណែនាំ​របស់​ប៉ា​ម៉ាក់​នោះ​ដែរ​។

៤. វាយ​កូន​

ការ​សិក្សា​បាន​រក​ឃើញ​ថា​ ការ​អប់រំ​កូន​ដោយ​ការ​វាយ​ដំ នឹង​ធ្វើ​ឲ្យ​កូន​អាច​ក្លាយ​ជា​មនុស្ស​ហិង្សា​ពេល​ធំឡើង កូន​បាត់​បង់​ការ​ចេះ​អាណិត​អាសូរ និង​អាច​មាន​ចារិត​ឫកពា​មិន​សូវ​ចុះ​សម្រុង​ក្នុង​សង្គម​ផង​ដែរ​។ ការ​អប់​រំ​កូន​ដោយ​រំពាត់ មិន​មាន​ប្រសិទ្ធ​ភាព​យូរ​អង្វែង​ទេ តែ​នឹង​ធ្វើ​ឲ្យ​កូន​រក​វិធី​គេច​ពី​ការ​ត្រូវ​រំពាត់​ទៅ​វិញ ជា​ជាង​ខំ​កែ​ប្រែ​​ខ្លួន​ឲ្យ​បាន​ត្រឹម​ត្រូវ​តាម​ច្បាប់​ទម្លាប់​។ ​​

​៥. មិន​ប្រាប់​កូន​ពី​ឥរិយាបថ​នៅ​ទី​សាធារណៈ​

Parents in South Korea Are Upset They Can't Beat Their Kids Anymore

ប៉ាម៉ាក់​ខ្លះ​មិន​បាន​ណែ​នាំ​កូន​ទេ ពេល​កូន​លោត​ចុះ​ឡើង​លើ​តុកៅអី ឬ​ញ៉ាំ​គ្មាន​របៀប​នៅ​ទី​សាធារណៈ ឬនៅ​អាហារដ្ឋាន តែ​បែរ​ជា​សើច ឬ​ញញឹម​ចំពោះ​​ទង្វើ​​កូន​ទៅ​វិញ។ ថ្វី​បើ​កូន​តូច មាន​សកម្មភាព​បែប​នេះ មើល​ទៅ​ដូច​ជា​កំប្លែង​សប្បាយ​ តែ​សម្រាប់​អ្នក​នៅ​ជុំ​វិញ​យើង​មិន​បាន​គិត​ដូច្នេះ​ទេ​។ ពេល​យើង​មិន​ប្រាប់​កូន ហើយ​បន្ត​ឲ្យ​កូន​ធ្វើ​ដូច​នេះ​ជា​ហូរហែ កូន​នឹង​មាន​ទម្លាប់​មិន​ល្អ​នៅ​ទី​សាធារណៈ ដូច​ជា​សើច​ឮៗ នាំ​ឲ្យ​រំខាន​ដល់​អ្នក​ដទៃ​​​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បើកូនខូច និយាយអត់ស្ដាប់ នេះជាវិធីអប់រំបែបធម៌ត្រជាក់

ចុចអាន៖ ចរិត និងអាកប្បកិរិយាមិនល្អរបស់កូន ៥យ៉ាង ឪពុកម្ដាយគួរកែតម្រូវភ្លាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៧ ម៉ោង មុន

ឯកឧត្តម ឌី វិជ្ជា ជួយសម្រួលការព្យាបាល និងឧបត្ថម្ភ១ពាន់ដុល្លារដល់កីឡាករ ម៉ើល ចាន់រ៉ា របួស

ព័ត៌មានជាតិ៧ ម៉ោង មុន

លោក ទេសរដ្ឋមន្ត្រី លី ធុជ ៖ កម្ពុជា នឹង​ផ្តល់​ការ​គាំទ្រ​បច្ចេកទេស ចំណេះដឹង និង​ជំនាញ​ដល់​ប្រទេស​ម៉ុង​ហ្គោ​លី លើ​ការងារ​បោសសម្អាត​មីន និង​គាំទ្រ​ដល់​ម៉ុង​ហ្គោ​លី​អនុវត្ត​បទដ្ឋាន​របស់​អនុសញ្ញា​អូ​តា​វ៉ា

ព័ត៌មានជាតិ៨ ម៉ោង មុន

សិស្ស​ប៊ែ​ល​ធី​ថ្នាក់​ទី​១២ ជំនា​ន់ទី​១៨ ចំនួន ២,១១២​នាក់ ទទួល​សញ្ញាប័ត្រ​មធ្យមសិក្សា​ទុតិយភូមិ​ប៊ែ​ល​ធី

សន្តិសុខសង្គម៨ ម៉ោង មុន

ស្ត្រីម្នាក់​ទើប​ឆ្លង​ទន្លេ​បាន​កូនភ្លោះ​ ខ្ចីលុយ​គេ១ម៉ឺនទិញថ្នាំឱ្យកូនលេប ស្រាប់តែ​ត្រូវ​រថយន្ត​ដឹកដីបុកកិនស្លាប់

កីឡា៨ ម៉ោង មុន

គ្មានក្រុមណាអាចយកឈ្នះវិសាខាបានទេក្នុងតេជោលីគជុំទី១

Sokha Hotels

ព័ត៌មានពេញនិយម