KPT+

បើកូនខូច និយាយអត់ស្ដាប់ នេះជាវិធីអប់រំបែបធម៌ត្រជាក់

បានផុស

៣ years មុន

នៅ

ថ្ងៃសុក្រ ៤ មិថុនា ២០២១

ដោយ

ក្មេងមិនខូច ក៏មិនគួរឲ្យក្នាញ់ដែរ តែបើខូចពេក ម៉ាក់ប៉ាច្បាស់ជាល្វីងមុខមិនខាន ប្រាប់ឆ្វេងទៅស្តាំ រពឹសនោះរពឹស ចាប់មិនជាប់។ ម៉ាក់ប៉ាណាខ្លះកំពុងមានអូនៗក្បាលខូចបែបនេះ?

១- ម៉េចកូនមិនស្តាប់សម្តី?

22 Signs Your Children Are Way Too Spoiled | Best Life

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធម្មតាទេ ពេលអូនៗចាប់ផ្តើមចង់ធ្វើតាមទំនើងចិត្ត អូនៗច្បាស់ជាធ្វើមិនឮ ធ្វើមិនដឹង និយាយរួមមិនចង់ធ្វើតាមតែម្តង។ បើស្ថិតក្នុងវ័យចន្លោះពី ២-៣ ឆ្នាំ ជាពេលចង់ស្វែងយល់ពិភពជុំវិញខ្លួន ចង់ដឹងពីប្រតិកម្មអ្នកដទៃចំពោះទង្វើអូនៗ។

បើអូនៗមិនស្តាប់យើង មិនមែនមានន័យមិនគោរពទេ គ្រាន់តែអូនៗចង់ដឹងមានអ្វីកើតឡើង បើគេមិនស្តាប់បង្គាប់។ នេះបញ្ជាក់ថា អូនៗកំពុងរៀនស្វែងរកឯករាជ្យសម្រាប់ខ្លួនឯង។ ម៉ាក់ប៉ា បើថ្ងៃមួយឃើញអូនៗធ្វើជាមិនឮ ឬមិនស្តាប់បង្គាប់ កុំស្តីបន្ទោសអូនៗខ្លាំងពេក។

២- ប៉ាម៉ាក់គួរធ្វើបែបណា?

Anxiety disorders in children | The Star

-ណែនាំងាយៗស្រួលយល់៖ និយាយ ឬប្រាប់ឲ្យអូនៗ ត្រូវនិយាយឲ្យស្រួលស្តាប់ងាយយល់ ព្រោះបើអូនៗមិនយល់ការងារ ច្បាស់ជាមិនព្រមធ្វើដាច់ខាត។ គួរនិយាយមួយៗងាយយល់។ ឧទាហរណ៍ “កូនជួយដាក់មួកប៉ាៗលើតុវិញផង” ល្អជាងនិយាយ “អូនៗជួយរៀបចំមួកកន្លែងដើមផង” ព្រោះបើមិនយល់ អូនៗច្បាស់ជាធុញ មិនចង់ធ្វើ។ ដើម្បីដឹងថាអូនៗយល់ពីអ្វីយើងនិយាយ គួរឲ្យអូនៗនិយាយតាមសម្តីយើងឡើងវិញ។

-យល់ពីអារម្មណ៍៖ បើអូនៗមិនព្រមស្តាប់សោះ ច្បាស់ជាមានអ្វីម្យ៉ាង អាចដោយសារហត់ ធុញថប់ រំខាន ឬត្រេកអរពេក។ ពេលម៉ាក់ប៉ាឃើញអូនៗមានអារម្មណ៍បែបនេះ គួរកាត់បន្ថយការងារដាក់ឲ្យធ្វើសិន។

-ផ្តល់សញ្ញា៖ ចង់ឲ្យអូនៗត្រលប់ទៅផ្ទះវិញ ក្រោយជិះទោង ឬលេងអ្វីរួច ត្រូវប្រាកដថាយើងប្រាប់មុនពេលត្រូវត្រលប់ទៅផ្ទះ។ បើអូនៗនៅតែមិនអើពើ យើងអាចយកគេចេញពីទោងថ្នមៗ បីគេទៅផ្ទះវិញ បែបនេះអូនៗប្រាកដជាដឹង ទោះមិនអើពើសម្តីម៉ាក់ប៉ា ក៏គង់តែទៅផ្ទះវិញដដែល។

55 BEST "Crying Kid" IMAGES, STOCK PHOTOS & VECTORS | Adobe Stock

-សរសើរ៖ ក្មេងៗសុទ្ធតែចូលចិត្តពាក្យសរសើរ ពេលធ្វើអ្វីមួយបានល្អ អ៊ីចឹងបើអូនៗស្តាប់បង្គាប់គួរសរសើរគ្នាផង។ ការសរសើរអាចលើកទឹកចិត្តអូនៗធ្វើតាមយើងនៅពេលក្រោយ។

-បង្រៀនដោយលើកហេតុផល៖ ឲ្យអូនៗយល់លទ្ធផលល្អ ពេលស្តាប់បង្គាប់ ដោយប្រើពាក្យ ដូចជា “លេងរួចអូនៗទុកតុក្កតាទុកក្នុងប្រអប់ លើកក្រោយងាយស្រួលរក”។

-កុំឧស្សាហ៍ប្រើពាក្យ “ទេ”៖ គ្នាយើងខ្លះ ចូលចិត្តប្រើពាក្យ “ទេ” ឬ “កុំ” រាល់ពេលអូនៗចចេស។ ប៉ុន្តែក្មេងៗឆ្លាតឮពាក្យនេះកាន់តែច្រើន កាន់តែចចេសខ្លាំង។ អ៊ីចឹងហើយ បើយើងមិនចង់ឲ្យកូនធ្វើអ្វីមួយ ព្យាយាមប្រើពាក្យផ្សេងក្រៅពី “ទេ” ឬ “កុំ”។ សម្តីល្អៗគួរប្រើពេលចង់ឲ្យអូនៗស្តាប់។ ឧទាហរណ៍ “កុំលេងបាល់ក្នុងផ្ទះ!” គួរនិយាយថា “ម៉េចអូនៗមិនទៅលេងក្រៅផ្ទះវិញទៅ?”

៣- ពេលគួររកជំនួយ

Premium Photo | Japanese mother comforting her daughter

មិនស្តាប់បង្គាប់ ជាផ្នែកនៃការលូតលាស់ក្មេង គ្នាយើងគួររកជំនួយក្នុងកាលៈទេសៈអូនៗ៖
– ចចេសខ្លាំងជាងស្តាប់បង្គាប់
– ឆ្លើយតបសម្តីទាំងមួម៉ៅខ្លាំង
– មិនអើពើសម្តីយើង
– បញ្ចេញសំឡេងចម្លែកៗដោយមិនដឹងខ្លួន
– មិនស្តាប់ ឬមិនលេងសូម្បីជាមួយមិត្តភក្តិ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វិធីអប់រំកូនបែបអហិង្សា ៣យ៉ាង ឪពុកម្ដាយគួរស្វែងយល់

ចុចអាន៖ បើកូនធំហើយ តែនៅនិយាយដូចក្មេង អានអត្ថបទនេះសិន

Related Topics:ការអប់រំកូន