KPT+

បង្កើនការប្រុងប្រយ័ត្នទាំងអស់គ្នា! បិទខ្ទប់យូរអង្វែងអាចធ្វើឲ្យខួរក្បាល មានរោគសញ្ញាមួយនេះ

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ការបិទខ្ទប់នៅផ្ទះ ជារឿងមួយដែលមនុស្សគ្រប់គ្នាមិនចង់បាន។ ប៉ុន្តែការបិទខ្ទប់អាចកាត់បន្ថយ ហានិភ័យនៃការឆ្លងកូវីដបានច្រើន។

ការស្នាក់នៅផ្ទះឬធ្វើការងារពីផ្ទះ ប្រហែលជាកាន់តែស្ត្រេស ដោយសារអតុល្យភាពរវាងការងារនិងជីវិតផ្ទាល់ខ្លួន។ មានរឿងមួយទៀតដែលអាចកើតឡើងក្នុងអំឡុងបិទខ្ទប់នេះ គឺស្ថានភាពខួរក្បាលរបស់មនុស្សម្នាក់ៗ ដែលមានរយៈពេលយូរនៅផ្ទះ រហូតក្លាយជាជំងឺអ័ព្ទខួរក្បាល។

តើអ័ព្ទខួរក្បាលគឺជាអ្វី?

អ័ព្ទខួរក្បាលអាចជារោគសញ្ញានៃកង្វះសារធាតុចិញ្ចឹម ការគេងមិនលក់ កាវិវត្តនៃបាក់តេរី ពីការទទួលទាន លើសជាតិស្ករ ជំងឺធ្លាក់ទឹកចិត្ត ឬស្ថានភាពនៃក្រពេញទីរ៉ូអ៊ីត ហើយច្រើនតែកើតឡើងក្នុងកំឡុងពេលបិទខ្ទប់។

ជាទូទៅវាត្រូវបានគេរាយការណ៍ថា មនុស្សនៅជុំវិញពិភពលោក បានជួបប្រទះរោគសញ្ញានេះក្នុងកំឡុងពេលជំងឺរាតត្បាតគ្របដណ្ដប់។

ផលវិបាកនៃការកើតជំងឺអ័ព្ទខួរក្បាល

មនុស្សគ្រប់គ្នាត្រូវស្ថិតនៅក្នុងការបិទខ្ទប់ មិនបានទាក់ទងជាមួយនរណាម្នាក់ក្នុងសង្គមទេ។ កង្វះនៃការទំនាក់ទំនងបណ្ដាលឲ្យខួរក្បាលមិនសូវសកម្ម។ បរិយាកាសនៅក្នុងផ្ទះមិនទៅណា មនុស្សនឹងមិនបានឃើញអ្វីថ្មីទេ។ ភាពឯកាភាពធុញទ្រាន់ នឹងការនៅម្នាក់ឯង ធ្វើរឿងដដែលៗ បណ្ដាលឲ្យមនុស្សធុញកាន់តែខ្លាំង។

យោងតាមរបាយការណ៍បានបង្ហាញថា កត្តាទាំងនេះជះឥទ្ធិពលដល់សុខភាពផ្លូវកាយនិងផ្លូវចិត្ត ព្រោះវាប្រឆាំងនឹងធម្មជាតិរបស់មនុស្ស ដែលជាធម្មតាតម្រូវឲ្យខួរក្បាលគ្រប់គ្រងការប្រាស្រ័យទាក់ទង ការគិតផ្សេងៗ។ ជាពិសេសគឺមុខងារខួរក្បាលពិតជាមានការថយចុះ។

រោគសញ្ញាអ័ព្ទខួរក្បាល អាចធ្វើឲ្យប៉ះពាល់ដល់ដំណើរការការងារ ដែលចេញមកប្រហែលជាមិនសូវមានប្រសិទ្ធភាពដោយសារតែការថយចុះមុខងារខួរក្បាល។

តើយើងនឹងដោះស្រាយឬការពារជំងឺនេះដោយរបៀបណា?

ត្រូវប្រាស្រ័យទាក់ទងកាន់តែច្រើន មិនថាអ្នកកំពុងនិយាយទៅក្នុងផ្ទះទេ។ ត្រូវនិយាយជាមួយមិត្តភក្តិតាមទូរសព្ធឬវីដេអូខល។ ធ្វើសកម្មភាពផ្សេងៗ សាកល្បងសកម្មភាពថ្មីៗ ដូចជាហាត់អាន ដើរចេញក្រៅផ្ទះ។ ក្រោកឲ្យបានញឹកញាប់ កុំអង្គុយនៅកន្លែងធ្វើការឬដេកនៅផ្ទះតែម្នាក់ឯង ដើរក្រោកឡើងទៅបន្ទប់ទឹក ទៅដើរលេងញឹកញាប់។

ស្វែងរកអ្វីមួយដើម្បីបន្ធូរអារម្មណ៍ មើលខ្សែភាពយន្តស្តាប់តន្ត្រី អានសៀវភៅ ញ៉ាំអ្វីដែលអ្នកចូលចិត្ត។ ស្វែងរកអ្វីមួយដើម្បីបន្ធូរអារម្មណ៍ខ្លួនឯង បរិភោគអាហារបំប៉នខួរក្បាល គេងឲ្យបានគ្រប់គ្រាន់ ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ប្រុងប្រយ័ត្ន! វីរុសបំប្លែងខ្លួនឥណ្ឌា រស់នៅក្នុងខ្យល់ ឆ្លងលឿន និងខ្លាំងបំផុតត្រឹម ៥ ទៅ ១០ វិនាទីប៉ុណ្ណោះ

ចុចអាន៖វិធានការការពារខ្លួន ពីកូវីដបំប្លែងខ្លួនច្រើនប្រភេទ ពេលចូលផ្សារទិញម្ហូបតាមតូប